ISAI 30:23 - Pathien Lekhabu Inthieng (BSI)

²³ Chuongchun, ama chun in bu chi hnuoia in tu ding ta ding chun ruotui chu pêng a ta; hnuoia thil mâwnghai chu bu dingin pêng a tih; chu chu ṭhatak, hlâwktak nîng a ta, chu nia chun in ranhai chu ran tlatna hmun lientakahai chun tlâng an tih.

ISAI 30:23 ပူးပေါင်းရင်းမြစ်များ

INṬANNA 41:18

bâwngpui pasari naltak tak, thâutak tak hi tuia inthawk chun an hung suok a, phairuong lai hin an lo tla a:

INṬANNA 41:26

Bâwngpui pasari ṭhatak takhai chu kum sari an nih, bu vui sari ṭhatak takhai khawm chu kum sari an ni bawk a; mang chu thuhmun a nih.

INṬANNA 41:47

Chun, kum ṭhat kum, kum sari sûng chun hnuoi chun hlâwktakin bu an suo hlak a.

INPÂKNA HLABU 36:8

Anni chu i insûng thil ṭhain tlai bêk bêk an ta, I lâwmna vadunga mi chu indâwntir bawk i tih.

INPÂKNA HLABU 67:7

Pathienin mal mi sâwm a ta, Kâwlkawdawnga mi po po khawmin ama ṭîng an tih.

ISAI 10:27

Chu nia chun a rikphur chu i liengkoa inthawka lâk hmangin um a ta, a rîngkawl chu i rînga inthawka lâk hmangin um bawk a tih; hriek nâl lei chun rîngkawl chu suksietin um tâng a tih,” tiin.

ISAI 32:20

Tui luongna po po panga chi the hlaktuhai le, bâwngchal le sabengtung inthla hlakhai, in hamṭha ie.

ISAI 4:2

Chu ni chun Lalpa kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 65:21

Chun, inhai bâwl an ta, chuonga chun um zing bawk an tih; grêp huonhai siem an ta, a ra fa bawk an tih.

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw Lalpa kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem si a.

HOSEA 4:16

Bâwngla kâwmaw ang elin Israelhai chu an kâwmaw a, Tuhin Lalpain berâmte angin hmun lientakah châwm a tih.

LEVI DÂN 25:19

Ram chun ra insuong a ta, tlaitakin chên in ta, thlamuongtakin in va khawsa ding a nih.

LEVI DÂN 26:3

“Ka thuruothai chu in zâwm a, ka thupêkhai chu in pawm a in zâwm chun,

LEVI DÂN 26:5

In hrizâwla bu chun grêp lo hun man phâk a ta, in grêp lo hun chun thil chîng hun man phâk a ta; in bei chu tlaitakin chên in ta, in rama hin thlamuongtakin khawsâng in tih.

ZEKARIA 10:1

Lalpa kâwlinlephai siemtu ngei chu, Lalpa kuoma chun ruo nuhnung huna hin ruo ngên ro; chun ama chun ruopui sûr chu pêng a tih, loa thlaihna tin kuoma chun.

MALAKI 3:10

Ka ina chun bu a um theina dingin, siekhâwmna ina chun sâwma pakhat po po chu hung la unla, chutaka chun mi fie ro, sipaihai Lalpa chun a tih. Vân tukverhai hung hawngin, a siena ding um naw khawp rauin, malsâwmna chu ka hung burpêk naw hrim cheu am.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

DÂN PAHNINA 11:14

in ram ruotui chu a huntakah, ruotui tla hmasa le ruotui tla nuhnung chu pêng ka ti cheu a, chuongchun, in bu dâm, in uoin dâm, in hriek dâm sîk khâwm thei in tih.

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.