ISAI 30:22 - Pathien Lekhabu Inthieng (BSI)

²² Chun, in tangkaruo milim siem, tangkaruoa cheina le in rângkachak milim sung, rângkachak tuia inluonna chu, suksieng in ta, thil pawrche angin pei tâng in tih; a kuoma chun, “Fe hmang dai rawh,” tîng in tih.

ISAI 30:22 ပူးပေါင်းရင်းမြစ်များ

2 CHANCHIN SUINA 31:1

Chun, hieng thil po po hi zo a ni hnung chun, Israel chutaka umhai po po chu Juda khawpuiahai chun an fe a, lungphunhai chu an suknâwi a, Asera chu an phûrthlûk a; Benjamin le Juda ram po poa bâwlhmunhai le maichâmhai chu an vuok chim vawng a; Ephraim le Manasse rama khawm, a rênga an suksiet vawng hmakhat chun an thaw pei a. Chu, Israel mipuihai chu, mi tin mâni hmun nei sengah, mâni khawpui sengah an kîr ta a.

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

ISAI 31:7

Chu nia chun mi tinin mâni tangka milmhai, mâni rângkachak mileihai, suolna dinga in kuta in siem fâwmhai chu an peihâwn ding a ni si a.

ISAI 40:19

Milim siemfâwm hi, sinthaw mi chun a sung a, rângkachak sut mi chun rângkachakin ân luon a, chu chu ding chun tangka khaidiethai a sungpêk hlak.

ISAI 46:6

Mansaa inthawka rângkachak bun suok hlak a, tangka bûknaa bûk hlakhai chun rângkachak suttu an ruoi a, ama chun pathienah a siem hlak a; chuongchun, an bawkkhup a, anih, chibai an bûk hlak.

ṬAP HLA 1:17

Zion chun a bânhai a phar vêl a, ama thlamuongtu ding tukhawm an um nawh, Lalpa chun Jakob chungthua chun, ama vêl hnaia umhai po chu a hmêlmahai nîng an tih tiin thu a lo pêk ta a; Jerusalem chu anni laia chun thil thiengnaw ang a lo ni tah.

EZEKIEL 14:6

Chuleiin, Israel sûngkuo kuoma chun hril la, ‘Lalpa Pathien chun hieng hin a tih; Hung kîr unla, in milimhaia inthawkin fe hmang ro; chuongchun, in tirdakumnahai po po chu nghatsan ro.

EZEKIEL 18:6

tlânghai chunga chun a fâk bawk naw a, Israel sûngkuohai milimhai tieng chun a mithai ân lên bawk naw a, a tuolbâwm nuhmei chu a lo sukpawrche naw a, nuhmei insiehran lai a hung hnai bawk naw a;

EZEKIEL 36:31

Chun, in lampui rilohai le, in thilthaw ṭha nawhai chu hre zing in ta; chuongchun, in tirdakumnahai le in suolnahai leiin in mithmu ngeia chun nangni le nangni chu inten in tih.

EZEKIEL 7:19

An tangkahai chu kawtthlêrhaia chun dehâwn an ta, an rângkachakhai khawm chu thil thieng naw ang hung nîng a tih; an tangka le rângkachak chun Lalpa lunginsenna nia chun anni chu sansuok naw ni a; an lungril chu suktlaiin, an phîng khawm chu sukkhawp bawk naw ni hai, an suolnaa tlûkna lung a ni tâk leiin.

EZEKIEL 7:20

An incheina mawina chu inlalsaknân an hmang a; nisienlakhawm, an tirdakumna limhai chu an siemin, an pawrchena thilhai limhai le chun; chuleiin, an ta ding chun thil thiengnawah ka siem tah a nih.

HOSEA 14:8

Aw Ephraim, milimhai leh inzâwlna ieng am ka nei a? Kei hi a suklâwmtu che ka na, A tungdingtu che khawm ka nih. Kei chu fâr thing hring dup ang ka na, I ra ṭhahai chu keima kuoma inthawk a nih.

LEVI DÂN 13:52

Silfên chu a khâwnga khâwng amanih, a phiera phier amanih, sahmul amanih, patzai inhmi amanih, savuna siem chi tinrêng amanih, inphâr hri umna taphawt chu râw ding a na, inphâr dettak chi a ni si a, râw ngei ding a nih.

ZEKARIA 13:2

Sipaihai Lalpa chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

DÂN PAHNINA 7:25

An Pathien lim siem fâwmhai chu in raw ding a nih, chutaka tangkaruo amanih, rângkachak amanih chu in inhnar ding a ni naw a; in ta dingin in lâk ding a ni bawk nawh, chuong naw chun inâwk el rawi in tih; Lalpa in Pathien ngaiin thil tirdakum an ni si a.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.