ISAI 30:21 - Pathien Lekhabu Inthieng (BSI)

²¹ chun, changtienga kal in chawiin amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

ISAI 30:21 ပူးပေါင်းရင်းမြစ်များ

2 LALHAI 22:2

Chun, Lalpa mithmuah thil feltak a thaw hlak a, a pa David lampui po po chu a hraw ve a, changtieng amanih, vawitieng amanih a pêtsan naw a.

INPÂKNA HLABU 32:8

I fena ding lampui chu inchûktirin, kâwkhmûng ka ti che a, Ka mita en zing pum chein rem ruotpêk ka ti che.

THUVARHAI 4:27

Changtieng khawm, vawitieng khawm pêt naw la, Suola inthawk i ke her hmang rawh.

ISAI 29:24

Thlaraua invâkhmanghai khawm chun hrethiem tâng an ta, mi chierhai chun thuinchûktir chu inchûktir tâng an tih,” tiin.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 48:17

Lalpa, nangni intlantu, Israelhai Mi Inthieng chun hieng ang hin a tih, “Kei hi Lalpa in Pathien, in ṭhatna dinga nangni inchûktirtu, in fena lampuia ṭhuoitu ding cheu chu ka nih.

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

DÂN PAHNINA 5:32

Chuleiin, Lalpa in Pathienin thu a pêk cheu anga thaw dingin fîmkhur ro; changtieng amanih, vawitieng amanih in pêt ding a ni nawh.

JOSUA 1:7

Ka siehlaw Mosiein dân po po zâwm dinga a pêk che kha zâwm tlat dingin hrâttak le huoitakin um phawt el rawh. I fena taphawta i tluongtlung peina dingin i changtieng amanih, i vawitieng amaniah khawm pêtsan dêr naw rawh.

JOSUA 23:6

Chuleiin, Mosie dân lekhabua ziek po pohai hi changtienga manih, vawitienga manih in pêtsan nawna dingin huoitakin pawm unla, thaw bawk ro;

1 JOHAN 2:20

Mi Inthieng kuoma inthawkin hriek nâlna in chang a, iengkim in hriet a nih.

1 JOHAN 2:27

Nangni chu ama kuoma inthawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.

1 SAMUEL 12:23

Chu chau khawm chu a ni naw a, in ta dinga ṭawngṭai ma a, Lalpa chunga suol chu keia ta ding khawma a âwm naw tawp a nih; lampui ṭha le lampui indik khîkhmu pei lem ka ti cheu.