ISAI 30:2 - Pathien Lekhabu Inthieng (BSI)

² Pharao hrâtnaa insukhrât ding le, Aigupta hlim ring dingin, ka bau indawn si lovin Aigupta rama fe thlâk tumin an fe a.

ISAI 30:2 ပူးပေါင်းရင်းမြစ်များ

1 LALHAI 22:7

Nisienlakhawm, Jehosaphat chun, “Hitaka hin Lalpa zâwlnei dang tu amani bêk ka hang râwn ding hi an um naw am a ni aw?” a ta.

2 LALHAI 17:4

Chun, Assuria lal chun Hosea in a phier rûk thu a lo hriet a, Aigupta lal So kuomah mi a tir bawk a, kum tina a pêk hlak ang khan Assuria lal chu sie chu a pêk ta bawk si naw a; chuleiin, Assuria lal chun intângna inah khuop pumin a khum ta a.

2 LALHAI 18:21

Ngai ta, hi luong hmawl pawr Aigupta hi i ring a ni âwm a; chu chu miin a ringsan chun a kutah sun a tih, Aigupta lal Pharao chu ama ringtuhai po po chunga chun chuong ang chu a ni hlak a nih.

ISAI 16:3

Rem mi ruotpêk la, ro mi rêlpêk rawh; i hlim chu sûn laia zân angin siem la, hnawt suoka umhai chu inbîkhmangtir rawh; tlân hmang chu inmantir naw.

ISAI 18:1

A thla zâp ri hum hum ram, Ethiopia rama vadungte râla um, tuipuiah, tui chunga luong lawngahai palaihai tirtu chu!

ISAI 36:6

Ngai ta, hi luong hmawl pawr, Aigupta hi, i ring a ni hi, chu chu miin a ringsan chun a kutah sunlût ngei a tih; Aigupta lal Pharao chu ama ringtuhai po po chunga chun chuong ang chu a ni hlak.

ISAI 36:9

Iengtin am tawlailîrhai le sakawr chung chuong mihai tieng thuah Aigupta chunga i ringna innghatin, ka pu siehlaw chîn takhai laia hotu pakhat khawm hi i dang zo ding am a nih?

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

JEREMIA 2:18

Chuongchun, tuhin, Aigupta fena lampuia chun Sihor tuihai chu dâwn dingin ieng am thâwng i ta? Annawleh, Assuria fêna lampuia Vadungpui tuihai chu dâwn dingin ieng am thâwng i ta?

JEREMIA 21:2

anni chun, “Kan ngên che, kan ta dingin Lalpa chu thu mîn dawnpêk rawh; Nebukadnezzar Babulon lal chun keini hi a mi hung do a; keinia inthawka a kîr theina dingin, a thilthaw maktakhai ang po po khan Lalpa chun keini a mi thawpêk ding âwm am” an ta.

JEREMIA 37:5

Aigupta rama inthawk chun Pharao sipaihai chu an hung a; chun, Jerusalem inhuoltu Kaldaihai chun anni chanchin chu an lo hriet phing chun, Jerusalema inthawk chun an indar ta a.

JEREMIA 42:14

‘Ni lo, Aigupta ramah fe lem ei ta, chutaka chun indona hlak hmu nâwng ei ta, tawtawrâwt ri hlak hre nâwng ei ta, bei tlâksam hlak hre bawk nâwng ei ta, chutaka chun chêng ei tiu,’ ti in ni chun;

JEREMIA 42:2

zâwlnei Jeremia kuoma chun hieng hin an hril a, “Kan ngên che hi, kan hninahai hi i hmaa chun pawm ni raw se; hieng tuta la mahlahai po po ta ding hin, Lalpa i Pathien kuoma chun kan ta dingin ṭawngṭai rawh; i mitin a hmu chie ang hin, tamtak kha tlâwmte chau hi hlain kan um a nih;

JEREMIA 42:20

In thlarauhai chunga chun hmusitumtakin in lo thaw ta a; ‘Lalpa kan Pathien kuoma chun mi ṭawngṭaipêk la, Lalpa kan Pathienin a hril ang ang che chu kan kuomah hrilfie la, thâwng kan tih,’ tiin Lalpa in Pathien kuoma chun in mi tir ta si a,

JEREMIA 43:7

Aigupta rama chun an fe ta a; Lalpa râwl chu an awi si naw a; chuongchun, Tahpanhes chenin an fe ta a.

ṬAP HLA 4:20

Ei hnârkuo thuok, Lalpa hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei ti a.

HOSEA 7:13

An chung a rik ie; ka kuoma inthawkin an fe hmang ta si a! Bohmangna an chungah a tlung ie, ka chungah an hel ta si a! Kei chun anni sandam ka nuom a, Anni ruok chun khêl an mi hril khum a,

HOSEA 8:10

Anih, hnam danghai laia chun intlawn chîng sienla khawm, Tuhin anni chu kei khâwm ka tih, Lal le hotuhai rikphur leiin an kiem ṭan a nih.

HOSEA 8:9

Ram sabengtung khât tla angin Assuria ramah an hang fe si a; Ephraim chun a dit zâwnghai a tlawn ie!

NAMBAR 27:21

Chuongchun, ama chu thiempu Eleazar hmaa chun ngîr a ta, ama chun Lalpa hmaah Urimin thu la pêk a ta, a thuin suok an ta, a thuin lût an ta, ama le Israel mi po pohai, pungkhâwmhai po po leh,” a ta.

DÂN PAHNINA 28:68

‘Hmu nâwk ta naw ti niu,’ in kuoma ka ti lampuia chun lawngin Aigupta ramah Lalpain ṭhuoi nâwk a ti cheu; chun, chutaka chun in hmêlmahai suokpa ni ding dâmin, suoknu ni ding dâmin inzawr in ta, tukhawmin an dit naw ding cheu a nih,” tiin.

JOSUA 9:14

Israel mihai chun an fâk ding hung chawi chu an lâk a, Lalpa bâua thurâwn hrim an indawn naw a.

RORELTUHAI 9:15

Hling chun thinghai kuoma chun, ‘In lal dinga hriek mi nâl takzet in ni chun ka hlima hin hung inbi ta unla, in ni naw ruok chun hlinga inthawka mei hung suokin, Lebanon tlânga sidar thinghai chu kâng zo vawng raw se,’ a ti a.