ISAI 30:14 - Pathien Lekhabu Inthieng (BSI)

¹⁴ Chuongchun, bêlhemtu bêl chu an suknawi ang hin, hla um dêr lova kawinawiin, a hlek laia, behâr thuka mei lâkna ding amanih, tuikhura tui thâlna ding amani khawm um lo khawpin, sukkawi nawi a tih,” tiin.

ISAI 30:14 ပူးပေါင်းရင်းမြစ်များ

JOB LEKHABU (THE BOOK OF JOB) 27:22

Pathien chun ama chu pei thlâng a ta, hla naw ni, A kuta inthawkin thinthla hmang a tih.

INPÂKNA HLABU 2:9

Anni chu thîr hmawlin sukkawi i ta, Bêlhemtu bêl angin anni chu pei nâwi i tih,” a ti a.

INPÂKNA HLABU 31:12

Mi thi an theinghil ang taka theinghilin ka um a, Bêl kawi ang el ka hung ni ta a.

THUVARHAI 6:15

Chu huna chun sietna hung tlung thut a ta, Mitkhap kâr lovin, siemṭhat ruollo sietna tlung a tih.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni si a; chuleiin, anni siemtu chun anni chu lunginsiet naw ni a, anni inngîrtu chun anni chu a ditin ditsak hrim hrim bawk naw nih.

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 47:14

Ngai ta, bupâwl ang el nîng an ta; meiin kâng a tih; meichawk thilthawtheinaa inthawk chun insanhim naw ni hai a; insuklumna ding meihawl ang khawm ni naw ni a, awi ding mei ang khawm ni bawk naw ni.

ISAI 65:7

nangni khawhlona le in puhai khawhlona chu, Lalpain a tih, chuonghai chun tlâng lien chungahai thil rim inhnik an raw a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, Lalpa chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

JEREMIA 48:38

Moab in chungsâng tinahai le, kawtthlêrahai hmun tinah ṭap ri a um a; Moab chu bêl ditna umlo ang chun ka sukkhawi ta a, Lalpa chun a tih.

ṬAP HLA 4:2

Zion naupa hlutakhai rângkachak inthieng le hrilkhi theihai chu, Iem a tia bêlhemtu kuta siem, pil bêlhai ang chaua ngainat an ni el chu!

EZEKIEL 24:14

Kei Lalpa chun ka hril ta a, hung tlung ngei a ta, thaw khawm thâwng ka tih, kîr nâwk naw ning a, hla naw nîng a, insîr bawk naw ning; i um dânhai ang pei le i thilthawhai ang peiin ro rêlpêk an ti che, Lalpa Pathien chun a tih,” tiin.

EZEKIEL 5:11

Chuleiin, ka hring zing angin, i tirdakumna po po le i thilpawrchehai po po chun ka hmun inthieng chu i lo sukpawrche tâk leiin hung sukriral ngei ngei ka ti che a, ka mit khawma hla naw ni che a, kei khawma lunginsietna nei bawk naw ning che.

EZEKIEL 7:4

Ka mit chun hla naw ni che a, lunginsietna khawm nei naw ning che; nisienlakhawm, i um dânhai leiin hrem ka ti che, i tirdakumna chu nangmaah a um si a; chun, Lalpa chu ka nih ti mi hre tâng i tih.

EZEKIEL 7:9

Ka mit chun hla naw ni, lunginsietna nei bawk naw ning; i um dânhai ang peiin i chungah hung intlungtir ka ta; i tirdakumnahai chu nangmaah a um si a; chun, kei Lalpa hin ka hrem che a nih ti hre tâng i tih.

EZEKIEL 8:18

Chuleiin, kei khawma lunginsenin thaw vêng ka ta, ka mitin anni chu hla naw ni a, lunginsietna nei bawk naw ning; ka naa chun râwl inringtakin hung khêk hai sien khawm, anni chu lo ngai naw ning,” tiin.

EZEKIEL 9:10

Chuongchun, keia ta ding khawma, ka mitin hla naw ni a, lunginsietna nei bawk naw ning, amiruokchu, an suol man chu an lu chungah innghat lem ka tih,” a ta.

LUKA 4:2

Chun, chuong nihaia chun iengkhawm a fâk naw a; chuongchun, a tâwpa chun a phîng a hung ṭâm ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:21

Chapo naw la, ṭi lem rawh. Pathienin a kâu takhai hman a hla si naw chun nang khawm hla bîk naw ni che.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla lova, ei rênga aia petu chun, thil dang po po khawm a thlâwnin a mi pêk sa naw ding am a nih?

DÂN PAHNINA 29:20

Lalpa chun ngaidam dêr naw ni a, Lalpa lunginsenna le a thîkna chun, chu mi chu ur a ta, hi lekhabua ṭawngsie um po po hi a chungah um a tih; Lalpain vân hnuoia inthawkin a hming chu thaihmang lem a tih.

THUPUONGSUO 2:27

chun, ama chun bêlhemtu bêlhai kawinawi dapa a um angin thîr hmawlin ro rêlpêk a tih,