ISAI 30:13 - Pathien Lekhabu Inthieng (BSI)

¹³ hi khawhlona hi nangni ta ding chun lung bang insângtak a se lai, chim vâng vâng, pâwng pûr, kârlova, mitkhapkârlova se rup ding ang hi a ni ding a nih.

ISAI 30:13 ပူးပေါင်းရင်းမြစ်များ

1 LALHAI 20:30

Mi danghai ruok chu Aphekah khawpui sûnga chun an tlânlût a, a la umhai chu mi sîng hni le sâng sari kul chimin a delhlum a. Chun, Benhadad chu a tlânse a, khawpui sûnga pindan sûngrila a lût a.

JOB LEKHABU (THE BOOK OF JOB) 36:18

Lunginsenna a um leiin, indittâwkna chun ṭhuoi hmang hlau a che, fîmkhur rawh; Intlanna nasatak chun nang chu hnâwlhmang bâwk naw raw se che.

INPÂKNA HLABU 62:3

Nangni po poin, sukhlum ding le, Lung bang inâwn thaw ang le, pal tlu vâng vâng thaw angin, Ieng chen am mi pakhat hi in thaw ding a na?

INPÂKNA HLABU 62:4

A ropuinaa inthawka nam thla ding ngawtin an inrâwn a, Khêl hril hi an lâwm zâwngtak a na, An bauin mal an sâwm a; nisienlakhawm, an lungrilin ṭawngsie an inphur si hlak.

THUVARHAI 29:1

Kâwka um rawpa, rîng sukngar hlak chu, Kârlovin se dar a ta, sukdam nâwkna um naw nih.

THUVARHAI 6:15

Chu huna chun sietna hung tlung thut a ta, Mitkhap kâr lovin, siemṭhat ruollo sietna tlung a tih.

ISAI 22:14

Chuongchun, sipaihai Lalpa chun ka naah ân hriettir a, “Matheilovin hi suolna hi in thi hmakhat chun nangni laia hi sukfai ni ta naw nih, Lalpa, sipaihai Lalpa chun a tih,” tiin.

ISAI 26:21

Ngai ta u, Lalpa chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

ISAI 29:5

Nisienlakhawm, nanga dotu mipuihai chu pilvut inditak angin um an ta, mi ṭiumhai mipuihai chu busi bohmang hlak ang hin um bawk an tih; anih, chu chu mitkhapkâr lovin um thut a tih.

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 47:11

Chuleiin, thil ṭha naw i chungah hung tlung a ta; invêng dân khawm thiem naw ti ni; vângduoina khawmin hung vur a ti che a, chu chu sukbo thei naw ti nih: rausanna khawm kârlovin i chungah hung tlung thut a ta, chu chu hre lâwk naw ti nih.

ISAI 48:3

Kha hma thilhai chu tiena tlângah ka lo hril ta a, anih, ka baua inthawkin a suok a, kân hriettir a; kârlovin ka muolsuo thut a, a hung tlung ta a.

ISAI 58:12

Chuongchun, nangmaa in- thawka la hung insieng dinghai chun hmun hlui se ta hnunghai chu rem nâwk an ta, suon tamtak lungphûm chu hung rem nâwk i tih, chuongchun, nang chu, ‘A sietna lai siem ṭhatu,’ ‘Mi umna dinga lampuihai siem ṭhatu,’ tîng an ti che.

ISAI 65:7

nangni khawhlona le in puhai khawhlona chu, Lalpain a tih, chuonghai chun tlâng lien chungahai thil rim inhnik an raw a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

MATTHAI 7:27

Ruo dâm a hung sûr a; tui dâm a hung lien a, thli dâm a hung hrâng a, chu in chu a hung nam sawk sawk a; a chim ta a; a chim chu nasatak a nih,” a ta.

LUKA 6:49

Amiruokchu, hrea zâwm naw chu, lung phûm lova, hnuoi chung ela in bâwltu ang chu an nih; tuihrâtin chu chu a khaw a, a chim nghâl ta a: a chim chu nasatak a nih,” a ta.