ISAI 3:5 - Pathien Lekhabu Inthieng (BSI)

⁵ Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.

ISAI 3:5 ပူးပေါင်းရင်းမြစ်များ

2 LALHAI 2:23

Chun, chutaka inthawk chun Bethelah a hang fe a, chun, lampuia a fe lai chun khawpuia inthawk hin naupang chitê tehai chu an hung suok a, ama chu an nuisan a, a kuomah, “Hang fe rawh, nang lusîp kawlpa,” an ta.

ISAI 1:4

A! hnam suol, khawhlona riktak phur mihai, chithla thil ṭha naw thawtuhai, nau rilotaka khawsa hlakhai an nih. Lalpa chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 11:13

Chuongchun, Ephraim hai îtthîkna chu bo tâng a ta, Juda hai sukbuoituhai chu sukbohmangin um tâng an tih; Ephraim hai chun Juda hai chu îtthîk ta naw ni hai a, Juda hai khawma Ephraim hai chu sukbuoi ta naw ni hai.

ISAI 19:2

Chun, Aigupta mihai chu Aigupta mi vêk thaw dingin chawktho ka ta; chuongchun, mi tinin mâni unau thawin, mi tinin mâni tuolbâwmhai thawin, indo an tih; khuo le khuo inthâwng an ta, ram le ram inthâwng an tih.

ISAI 9:18

Rîtlona chu mei angin a chawk dur dur hlak si a, buor le hlohlingneihai chu a kâng hmang hlak; anih, ramhnuoi thing bitna hmunahai chun a kâng dur dur a, a khu ân tung ngut ngut hlak.

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni naw a.

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp ta a; kei i mi lo theinghil tah a nih, Lalpa Pathien chun a tih.

LEVI DÂN 19:32

“Lua kêlsam ṭohai hmaa chun i ngîr pei ding a na, tar hmêl chu în za ding a na, i Pathien chu i ṭi ding a nih; Kei hi Lalpa chu ka nih.

AMOS 4:1

Nangni Basan hmun sebâwngpui, Samari tlâng chunga um, rimsihai nêksâwr a, tlasamhai nêk a, an lalhai kuomah, “Hung la unla, dâwn ei tiu,” tituhai, hi thu hi lo hre ro.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MIKA 7:2

Pathien ngaisak mi chu hnuoia inthawk hin an bohmang a, mihriem lai hin mi indiktak hrim an um nawh; thisen insuo dingin an inchân vawng a, mi tinin mâni unau chu lênin an ve a nih.

ZEKARIA 11:6

Ram hluotuhai chu ka lunginsiet ta naw ding a ni si a, Lalpa chun a tih; nisienlakhawm, en ta, mihai chu, mi tin el chu mâni tuolbâwmhai kutah pêng ka ta, an lalhai kuta leh; chun, ram chu thâwng an ta, an kuta inthawk chun anni chu sansuok naw ningah,”tiin.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

MATTHAI 26:67

Chun, a hmaiah chil an sâk a, kutin an hnek a; a ṭhenin an ben a,

MARKA 14:65

Chuongchun, ṭhenkhat lem chun chil an sâk khum ṭan ta nghâl a, a hmai an tuom a, an vuok a, a kuomah,“Hril rawh!” an ti a. Chun, manmihai khawm chun chel pumin an ben sawk sawk a.

LUKA 22:64

Chun, a mit an tuom a, “Hril rawh, tûin am a vuok che a?” tiin an indawn hlak a.

JAKOB 2:6

Nangni ruok chun pasie chu in sukmuolpho ta lem a nih. Mi hausahai chu a suknawmnatu cheu le, rorêlna ina kei lût hlaktu cheu chu an ni naw am a nih?

JAKOB 5:4

Ngai ta u, in lova bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût ta a.