ISAI 3:11 - Pathien Lekhabu Inthieng (BSI)

¹¹ Mi suol chung chu a rik de! An la se ding a nih; an kuta thilthaw thungna chu an kuoma pêk a la ni ding a ni si a.

ISAI 3:11 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si naw a; nang êm chun i thaw âwm êm si naw a: hnuoi chung po po Rorêltu chun feltakin a thaw naw ding am a nih?” a ta.

2 SAMUEL 3:39

Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; Lalpain thil ṭha naw thawtu chu a suolzie ang peiin thung raw se,” a ta.

1 LALHAI 21:21

Ngai ta, i chunga hin thil ṭhanaw hung intlungtir ka ta, hung sukbohmang ka ti che a, Ahaba inthawk hin naupasal taphawt chu Israel rama mi khuokhira um amanih, khuokhir naw amani khawm chu sukbohmang ka ta,

2 CHANCHIN SUINA 6:23

nang chun vâna inthawkin lo ngai la, thaw la, mi suol chu ama lu chung ngeia a maw phura thungin, i siehlawhai chungthu chu hung rêl rawh; ân dikna ang peia pêka um dingin mi fel chu thiem hung inchangtir bawk la.

JOB LEKHABU (THE BOOK OF JOB) 10:15

Mi rilo ka ni chun, ka chung a rik a! Mi fel ni lang khawm ka lu ling naw bawk ka tih, Muolphonain ka sip a, ka tuornahai ka hmu zing leiin.

INPÂKNA HLABU 28:4

An thilthaw ang pei le, an thilthawhai a suolzie ang peiin thung la, An kuta an sinthaw ang peiin thung la; An suol man chu inhmutir rawh.

INPÂKNA HLABU 62:12

Aw Lalpa, zainêmna hi i ta bawk a nih, Mi tin an thilthaw ang sengin i thung hlak si a.

THUVARHAI 1:31

Chuleiin, anni lampui rasuok ngei chu fâng an ta, An thiltumhai ngeia suksip ni tâng an tih.

THUVARHAI 11:31

Ngai ta, mi fel chu hnuoia hin thung nîng a ta, Mi suol le mi khawhlohai khawm chu thung an va ni nasa awm de!

THUVARHAI 12:14

A baua ra thil ṭha chun mi chu suktlai nîng a ta, Ama kut thilthawhai ngei chu a kuomah pêk nîng a tih.

THUVARHAI 26:27

Tukhawm hnuoikhur cho taphawt chu chutaka chun tlâng an ta, Tukhawm lung inhlum taphawt chu, ama chungah hung kîr a tih.

THUHRILTU 8:13

amiruokchu, mi rilo ta ding chun ṭha naw ni a, a dam sûng nihai khawm chu suksei pha naw bawk a tih; chu chu hlim ang el hi a na; Pathien hmaa chun a ṭî naw leiin.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 48:22

Lalpa chun, “Mi rilohai ta ding chun muongna hrim hrim a um nawh,” a tih.

ISAI 65:20

Chutaka inthawka suok chu nautê ni sâwt nawtê dam um naw ni hai a, putar a dam sûng nihai tlingtla naw um bawk naw ni hai: naupang chu kum za mi niin a thi ding a ni si a, mi suol kum za chau dam chu ṭawngsephur a ni ding a nih.

ISAI 65:6

Ngai ta u, ka hmaah ziekin a um a, to zing naw ningah a, thung lem ka tih, anih, an ângsûngah thung ve vêng ka tih,

ISAI 65:7

nangni khawhlona le in puhai khawhlona chu, Lalpain a tih, chuonghai chun tlâng lien chungahai thil rim inhnik an raw a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

JEREMIA 21:14

in thilthaw ra ang peiin ka hrem ding cheu a nih, Lalpa chun a tih; a rampui hnuoia chun mei sêm ka ta, a sîra um po pohai chu kâng hmang vawng a tih.

JEREMIA 31:30

Nisienlakhawm, mi tin chu mâni suolnaa ngei chun thîng a ta, mi tin grêp thûr fatu chu, ama hahai ngei chu ṭim a tih.

EZEKIEL 16:59

“Lalpa Pathien chun hieng hin a tih: thuthlung bawsea, inkhâmna hmusita nangin i lo thaw ta ang khan nanga chunga khawm thâwng ka tih.

EZEKIEL 18:20

Mi a suksuoltu chu, chu chu thîng a ta; naupa chun pa suolna chu phur naw ni a, pa khawma naupa suolna chu phur bawk naw ni; mi fel felna chu mi fel chunga chun um a ta, mi rilo rîtlona chu mi rilo chunga bawk chun um a tih.

EZEKIEL 2:10

ka hmaa chun a hung phar a, a sûngtieng le a puotienga ziek a na; chutaka chun sûnna le, ṭâna le chungrikna ziek a nih.

EZEKIEL 24:14

Kei Lalpa chun ka hril ta a, hung tlung ngei a ta, thaw khawm thâwng ka tih, kîr nâwk naw ning a, hla naw nîng a, insîr bawk naw ning; i um dânhai ang pei le i thilthawhai ang peiin ro rêlpêk an ti che, Lalpa Pathien chun a tih,” tiin.

EZEKIEL 33:8

Mi rilo kuoma chun, ‘Aw mi rilo, i thi ngei ding a nih,’ ka ti a, mi rilo chu a um dân bânsan dinga vaulâwkna thu i hril si naw chun mi rilo chu ama suolnaa chun thîng a ta, amiruokchu, a thisen maw chu nangmaa chun ka phût ding a nih.

MIKA 3:4

Chu pha chun Lalpa chu ko an ta, nisienlakhawm, anni chu dawn naw nih: anih, chu pha chun an thil thawah an thaw ṭhat nawzie ang peiin, an kuom tieng a hmai thup a tih.

MIKA 7:13

Chuong sa khawm chun ram chu a sûnga chênghai le a thilthaw ra lei chun râusan nîng a tih.

NAMBAR 32:23

Amiruokchu, chuong anga in thaw naw chun, ngai ta u, Lalpa chunga suol nîng in ta, in suol chun hmu suok ngei ngei a ti cheu ti hre ro.

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

RORELTUHAI 9:57

chun, Sekema mihai rîtlona po po khawm kha Pathienin a hung thung ve ta thung a: chun, Jerubbaal naupa Jotham ṭawngsie kha an chungah a hung tla ta a nih.