ISAI 3:1 - Pathien Lekhabu Inthieng (BSI)

¹ Ngai ta u, Lalpa, Sipaihai Lalpa chun, Jerusalem kuoma inthawk le, Judahai kuoma inthawk chun an ringpui le an ring tak, an ringpui bu po po le an ring tak tui po po chu, a lâkpêk mêk a ni hi;

ISAI 3:1 ပူးပေါင်းရင်းမြစ်များ

2 LALHAI 25:3

Thla lina, ni kuo ni chun khuo chu an ṭâm ta êm êm el a, chutaka mihai ta ding chun fâk ding hrim hrim a um ta naw a.

INPÂKNA HLABU 105:16

Chu rama tla dingin ṭâm a ko a, Fâk ding hrim hrim ân um nawtir ta a.

ISAI 1:24

Chuleiin, Lalpa, Sipaihai Lalpa, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêlmahai chungah phuba lâng ka tih:

ISAI 2:22

An hnâr chaua thuok um, mihriem ring hi bânsan ta ro, ieng kawng âm ring tlâk an ni hrim leh?

ISAI 3:16

Chu naw khawm chu Lalpa chun, “Zion naunuhai chu chapotaka an um a, dâk âwr le mi mel kara an lâwn a, an lâwn chu ieng le angin an lâwn a, an kehai an tet ri sawr sawr leiin;

ISAI 36:12

Nisienlakhawm, Rabsake chun, “Ka pu chun in pu kuom chau le in kuom chaua hieng thu hi hril dingin a mi tir am a nih? Kul bang chunga ṭhunghai, nangni le mâni êk la fa dinghai le mâni zun la dâwn dinghai kuoma hin a mi tir lem a ni nâwm a nih?” a ta.

ISAI 5:13

Chuleiin, ka mihai chu, hrietna an nei naw leiin, sala ṭhuoiin an um ta a; an mi inzâumhai chu an phîng a ṭâm a, an mipuihai chu dangchârin an dang ân hil zo ta a.

ISAI 51:22

i Lalpa Jehova, i Pathien, a mihai thu hrilpui hlaktu chun hieng ang hin a tih; “Ngai ta, pêm pêmna no, ka lunginsenna no berbu ngei chu, i kuta inthawkin ka lâk suok tah; dâwn nâwk ta naw ti ni;

ISAI 9:20

Chuongchun, miin an changtienga mi inchûng an ta, nisienlakhawm, an phîng la ṭâm ta rawp a ta, an vawitienga mi fâng an ta, nisienlakhawm, tlai chuong naw ni hai, mi tinin mâni bân taksa fa seng an tih.

JEREMIA 37:21

Chun, lal Zedekia chun thu a pêk a; Jeremia chu vêngtuhai kula chun an sie a, khawpui sûnga bei po po chu hmang vawng a ni chenin bei siemtuhai kawtthlêra inthawkin ni tin bei an pêk a. Chuongchun, Jeremia chu vêngtuhai kula chun a um zing ta a.

JEREMIA 38:9

“Ka lalpa, lal, hieng mihai hin zâwlnei Jeremia chunga an thilthawhai po poa hin thil ṭhanaw an thaw a nih, ama chu khurthima chun an peilût a; chutaka chun ama chu phîngṭâma thi el âwm a nih; khawpui sûnga hin bei dang hrim a um ta naw leiin,” a ta.

JEREMIA 52:3

Lalpa lunginsenna leia anni chu Juda le Jerusalema a hmaihmaa inthawka anni a pei suok hmakhat chun Zedekia chu Babulon lal chungah a hel zing a.

JEREMIA 52:6

A thla linaa, chu thla ni kuo ni chun khawpui sûnga ṭâmna chu a nasa ta êm êm a; chu rama mipuihai ta ding chun bei hrim a um ta naw a.

ṬAP HLA 5:4

Kan tui chu tangka manah kan dâwn a, Kan thinghai khawm chu kan kuoma zawrin a um a.

EZEKIEL 14:13

“Mihriem naupa, bawsietna thil chu thawin ram chu ka chungah lo suol ta sienla, chun, keiin a chungah ka kut inletin, bei a ringsan chu suksein, a chunga chun ṭâmna tirin, amaa inthawk chun ramsa le mihriemhai khawm lo sât thla ta lang;

LEVI DÂN 26:26

In ifâk tak bei ka sukchatpêk pha cheu chun, nuhmei sâwmin urna pakhatah ur an ta, in bei chu bûk chie peiin pe nâwk an ti cheu; fâk chu fâng in ta, khawp chu khawp naw ti niu.

AMOS 4:6

“Chun, kei khawma in khawpui po pohaia ha faina le in hmun po pohaia tlâksamna ka pêk cheu a, chuong sa khawm chun ka kuomah in hung kîr naw a,” Lalpa chun a tih.

MIKA 4:9

Iengdinga i ṭap rak am a na? I sûngah laltak chu a um naw am a nih? I remruottu chu a bohmang ta am a nih? Nuhmei nau invawi anga natnain a man el ta che chu!