ISAI 29:6 - Pathien Lekhabu Inthieng (BSI)

⁶ Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai Lalpa hremin um a tih.

ISAI 29:6 ပူးပေါင်းရင်းမြစ်များ

2 SAMUEL 22:14

Lalpa chu vâna khin a hung inri dur dur a, Achunghnungtak chun a râwl ân suo a.

INPÂKNA HLABU 55:8

Thli hrâttak le, thlipui hi, Inbîkna hmunah ka mâksan vak ding bah,” ka ti a.

ISAI 10:3

Chuongchun, an hung kan nia cheu le hlataka inthawka râusanna hung tlung dinga inthawk ieng am thaw tâng in ta le? Ṭhangpuina hniin tu kuom âm tlân tâng in ta le? In ropuina chu khâw lai am mâksan tâng in ta le?

ISAI 26:14

Anni chu an thi ta a, hring nâwk ta naw ni hai, an bo ta a, tho nâwk ta naw ni hai; chuleiin, nangin anni chu hremin i suksiet a, an hriet zingna po po khawm i sukbohmang tah.

ISAI 26:21

Ngai ta u, Lalpa chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

ISAI 28:2

Ngai ta, Lalpa chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.

ISAI 30:30

Chun, Lalpa chun a râwl ropuitak chu inhriettir tâng a ta, a lunginsenna nasatak le thil kânghmang meichawkin, thlipui le ruopui le rielin, a kut thlâk dân chu inentir tâng a tih.

ISAI 31:9

Chun, a lungpui chu thil râpthlâktak leiin bohmang a ta, a mi lienhai chu inchikna leiin lunginzîng tâng an tih,” tiin; Lalpa, a mei Ziona um le, a rawtuina mei Jerusalema um chun a tih.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

EZEKIEL 38:22

Ama chu thisen le hripuiin do ka ta; chun, ama le a pâwlhai le ama kuoma mipui tamtak umhai chunga chun ruopui vânâwnin, ṭêk le mei le meitâwklungin sûr ka ta.

AMOS 1:14

chuleiin, Rabba khaw kul chungah mei sêm chawk ka ta; chun, indo nia khêk le, thlivir nia thlipui leh, a lal inhai chu kâng vawng a ta;

NAHUM 1:3

Lalpa chu a lung ân uoi a, nasataka thilthawthei a na, mi suol chu thiem inchangtir hrim hrim naw ni; Lalpa chun thlivira le thlipuia chun lampui a nei a, sûmhai chu a kea pilvut a nih.

ZEKARIA 14:5

Chun, ka tlâng kâra ruomah chun tlânsieng in ta; tlâng kâra ruom chun Azel a tlung rak ding a ni si a: anih, Juda lal Uzzia inlal laia simkhawleihnuoi inhnînga in tlânsiet ang khan, tlânsieng in tih; chun, Lalpa ka Pathien chu hung a tih, a kuoma mi inthienghai po po leh.

MATTHAI 24:7

Hnam tum le hnam tum indo an ta, ram tum le ram tum indo an ta; hmun tum tumah ṭâmhai tlâng a ta, simkhawleihnuoihai inhnîng a tih.

MARKA 13:8

Hnam dang le hnam dang indo an ta; ram tum le ram tum indo an ta; hmun dang dangah simkhawleihai inhnîng a ta, ṭâmhai tlâng a ta. Chuong chu nauhase phut ang hi nîng a tih.

LUKA 21:11

simkhawleihnuoi nasatakin inhnîng a ta, hmun tum tumah ṭâmhai tlâng a ta, hrihai inlêng bawk a ta; vâna inthawkin thil ṭium le inchikna nasatakhai um a tih.

THUPUONGSUO 11:13

Chun, chu lai tak chun simkhawleihnuoi nasatakin a hung inhnîng a, khuo chu hmun sâwma ṭhea hmun khat a chim ta a, simkhawleihnuoi inhnînga chun mi sâng sari an thi a; a danghai chun an ṭi a, vân Pathien chu an chawimawi ta a.

THUPUONGSUO 11:19

Chun, vâna Pathien biekin chu ân hawng a, chuongchun, biekina chun a thuthlungna bâwm chu a hung inlang ta a; chun kâwlinlep dâm, rawl dâm, vân inrûm dâm, simkhawleihnuoi inhnîng dâm, riel nasatak dâm, a hung um nghâl ta a.

THUPUONGSUO 16:18

Chun, kâwlinlep dâm, rawl dâm, vâninrûm dâm, a hung um ta a, simkhawleihnuoi khawm nasatakin ân hnîng a, hnuoia mihriem uma inthawk chuong ang hrima nasa a la um ngai nawh, simkhawleihnuoi inhnîng chuong ang lâwma nasa le ropui chu.

1 SAMUEL 2:10

Lalpa insuolpuihai chu kawinawiin um an ta, Vâna inthawka vâninrûmin do a ta; Lalpa chun kâwlkawdawng chenin rorêl a tih; A lal chu hrâtna pêng a ta, A hrieknâl ki chu chawimawi a tih,” a ta.