ISAI 29:4 - Pathien Lekhabu Inthieng (BSI)

⁴ Chuongchun, sukthlûkin um i ta, hnuoi hnuoia inthawkin thu hril i ta; i ṭawng chu pilvut lai chun damtein inri suok a tih: i râwl chu khawhri aisânthiem râwl ri ang chauin hnuoi hnuoia inthawk chun hung suok a tih; i ṭawng chu pilvut laia inthawk chun hung suok sal sal a tih.

ISAI 29:4 ပူးပေါင်းရင်းမြစ်များ

INPÂKNA HLABU 44:25

Kan hringna hi pilvut sikin a kûn a, Kan phîng hlak hnuoiah a kawp tlat si a.

ISAI 3:8

A ropuina mit chu suknuor dinga an ṭawng le an thilthawhai chu Lalpa do tieng a ni leiin Jerusalem chu a se zo a, Judahai chu an tlu zo tah a nih.

ISAI 32:19

Nisienlakhawm, rampui chu sukthlu dingin riel tla dur dur a ta; khawpui chu suktlâwm dêrin um a tih.

ISAI 51:23

chuongchun, nangma sukrimsituhai kuta chun sieng ka ta, anni chun i hringna kuomah, ‘Kan hraw ding chein bawkkhup rawh,’ an ti kha; chuongchun, nangin a hrawtuhai kuoma chun i ruongzâng chu leilâk ang le kawthlêr angin i daw kha,” tiin.

ISAI 52:2

Aw Jerusalem, pilvut i kai kha inthin rawh, tho la, ṭhung rawh; aw Zion naunu, sala um, i rîng khuopnahai kha sût rawh.

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw Lalpa, ka rimsikzie hi, ka hmêlma chu ama le ama ân chawimawi si a!