ISAI 29:20 - Pathien Lekhabu Inthieng (BSI)

²⁰ Mi ṭium chu iengkhawm ni lova siemin um tâng a ta, hmusittu chu a bo ta a, khawhlona nghâkhlatuhai po po chu sukbohmangin an um ta si a,

ISAI 29:20 ပူးပေါင်းရင်းမြစ်များ

INPÂKNA HLABU 10:18

Pa neilo le nêksâwrna tuorhai chu ro rêlpêkna dingin, Hnuoia mi chu ṭiumtaka an um nâwk ta nawna dingin.

THUVARHAI 21:24

Mi chapo le mi intivei, a hming khawm 'Hmusittu' a na, Chapo uongthuongtakin thil a thaw hlak.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 13:3

Keima ngeiin ka mi ruothai chu thu ka pêk ta a, anih, ka mi hrâttak, ka mi indutaka hlimhai chu ka lunginsen hrîkthlatu dingin ka ko tah.

ISAI 29:5

Nisienlakhawm, nanga dotu mipuihai chu pilvut inditak angin um an ta, mi ṭiumhai mipuihai chu busi bohmang hlak ang hin um bawk an tih; anih, chu chu mitkhapkâr lovin um thut a tih.

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

ISAI 51:13

Lalpa nangni siemtu, vân keiphara leihnuoi innghatsanhai phûmtu theinghila, nêksâwrtu sukse dinga a tin lai lunginsenna lei ngawta sûnnithlâka ṭi zing chu, tu am i ni a? Nêksâwrtu lunginsenna chu khâwlai am a um ta a le?

ISAI 59:4

Tukhawma thubuoi indiktakin an hril naw a, tukhawma indikna leh thubuoi an hril ngai nawh; thu teplo mei mei an ring a, khêl an hril hlak a; thil suksuolna an vawn a, khawhlona an nei hlak.

DANIEL 7:7

Hi hnunga hin zâna thil hmulâwkhai chu ka hmu a, sahrâng palina chu, ngai ta, hrât êm êm el, thilthawtheitak, ṭiumtak el hi a na; thîr ha ropuitakhai chu a nei a; a fâk zo a, a suknâwi a, a mahlahai chu a kehaiin a sirde a, a hmaa sahrânghai po poa inthawk khan danglamtak a na; chun, ki sâwm a nei bawk a.

MIKA 2:1

An khum laizâwla khawhlona suongtuotuhai le thil ṭha naw ngaituo suoktuhai chu an chung a rik de! Zîngkâra khuo a hung var hin chu chu an thaw hlak a, anni kut thilthawtheina a ni si leiin.

MIKA 2:3

Chuleiin, Lalpain hieng ang hin a tih: Ngai ta, hi sûngkaw chunga hin thil ṭha naw ka suongtuo a nih; chutaka inthawk chun in rîng la hmang naw ti niu a, chapotakin fe ta naw bawk in tih; hun ṭha naw a ni ding a ni si a.

LUKA 16:14

Chun, Pharisai tangka ngainatuhai chun chuong thu chu an hriet a, an nuisan a.

LUKA 23:11

Chun, Herod le a sipaihai chun Isu an suknawmna a, an nuisaw a; chun, puon ropuitak insiltirin Pilat kuomah a tir nâwk ta a.

LUKA 23:35

Chun, mipuihai chun ngîrin an thlîr a. Chun, hotuhai khawmin, “Mi dang hman a sukdam hlak annâwm; Pathien ithlang Krista a ni zet chun ama le ama insukdam ta sienla,” tiin an ti-el a.

LUKA 6:7

Chun, Dân inchûktirtuhai le Pharisaihai chun, a hêkna ding an hmu theina dingin, châwlni chun a sukdam ding le ding naw an enthlit a.

THUPUONGSUO 12:10

Chun, vâna chun rawl inringtakin, “Tuhin chu ei Pathien sandamna le thilthawtheina le ram chu a hung tlung ta a, a Krista thuneina leh; ei unauhai hêktu, ei Pathien hmaa a sûn a zâna hêk hlaktu chu, an pei thlâk ta si a.