ISAI 29:2 - Pathien Lekhabu Inthieng (BSI)

² chu pha chun Ariel hi suklungzîng ka ta; chuongchun, sûnna le ṭapna um a tih; chun, ama chu ka ta dingin Ariel ang chu nîng a tih.

ISAI 29:2 ပူးပေါင်းရင်းမြစ်များ

ISAI 1:14

In thla tharhai le in hunbi nei ruoiṭhehai chu ka lungril chun a theida a nih; ka ta dinga thil hnawksaktak a nih, tuor ka nghawk tah a nih.

ISAI 10:32

Vawisûn ngei hin Nob khuoah a châm ding a nih; Zion naunu tlâng, Jerusalem muol pâwng chu a kut a thin khum ie.

ISAI 17:14

Zântieng chun ngai ta, thil râpthlâktak a um a nih; chun, khaw var hmain an um ta nawh. Chu chu râllâka mi lâkpêktuhai chan a na, a mîn rûkpêktuhai puol chu a ni bawk a.

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 34:6

Lalpa kâwlhnâm chu thisenin a khawp a, thâunaa sukthâuin a um ta a; berâmte le kêlte thisenin, berâmchal kal thâu dâmin; Lalpa chun Bozra khuoa chun inthâwina a nei a. Edom rama chun thatna nasatak a nei bawk si a.

ISAI 36:22

Chuongchun, lal sûnghai chunga hotua um Hilkia naupa Eliakim hai, lekhaziektu Sebna hai, chanchin ziektu Asaph naupa Joa hai chu silfên keithlêr inbelin Hezekia kuoma chun an hung tlung a, Rabsake thuhrilhai chu an hril ta a.

ISAI 37:3

Anni chun a kuomah, “Hezekia chun hieng ang hin a tih, ‘Vawisûn ni hi lunginzîngna ni le hmingsietna ni a nih, nauhai chu an pieng a hun ta si a; anni chu nei dingin hrâtna a um ta si nawh,

ṬAP HLA 2:5

Lalpa chu hmêlma ang a hung ni ta a, Israel a lem zo a; A in ropuihai po po a lem zo a, a kul dethai a sukchim a, Juda naunua chun sûnna le lusûnna a sukpung bawk a.

EZEKIEL 22:31

Chuleiin, ka lunginsenna chu an chunga chun ka bunthlâk a, ka lunginsenna mei chun anni chu ka kâng hmang ta a; an lampuihai chu anni lu chunga ngei chun ka hung intlungtir ta a, Lalpa Pathien chun a tih,” tiin.

EZEKIEL 39:17

“Chun, nang mihriem naupa, Lalpa Pathien chun hieng hin a tih; ramhnuoia sa tinrêng le, vate chi tinrênghai kuoma chun thu hril la, hieng hin hril rawh: Hung inkhâwm unla, hung ro, sa chu in fâka thisen chu in dâwn theina dingin Israel tlâng chunghaia inthâwina ropuitak, in ta dinga kân thâwina, kân thâwina sîr tina inthawkin hung inkhâwm ro.