ISAI 29:19 - Pathien Lekhabu Inthieng (BSI)

¹⁹ Thuhnuoirawlhai khawmin Lalpaa chun an hlimna chu sukpung tâng an ta, mihriem laia rimsihai chu Israelhai Mi Inthienga chun lâwm tâng an tih.

ISAI 29:19 ပူးပေါင်းရင်းမြစ်များ

INPÂKNA HLABU 12:5

Lalpa chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a ti a.

INPÂKNA HLABU 149:4

Lalpa chu a mihai chungah a lâwm si hlak a, Thuhnuoirawlhai chu sandamin sukmawi a tih.

INPÂKNA HLABU 22:27

Kâwlkawdawnga mi po po khawmin hre nâwk an ta, Lalpa tieng ngha tâng an tih: Hnam tina chi tin i hmaah kûn an tih.

INPÂKNA HLABU 25:9

Thuhnuoirawlhai chu rorêlna felah ṭhuoi a ta, Thuhnuoirawlhai chu ama lampui chanchin inchûktir bawk a tih.

INPÂKNA HLABU 37:11

Thuhnuoirawlhai ruok chun ram hi hluong an ta, Inremna nasatak chungah lâwm an tih.

INPÂKNA HLABU 9:18

Pasiehai chu theinghilin um zing zing naw ni hai a, Rimsihai beiseina chu kumkhuo chun bo sawng bawk naw ni.

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei lovin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 14:30

Mi rimsi nau lutîrhai chu tla diel diel tâng an ta, mi pasiehai chu himtakin bawk tâng an tih: chun, nanga zung ruok chu ṭâmin sukhlum ka ta, i ta la um sunhai chu thatin um an tih.

ISAI 14:32

Philistin hnam palaihai chu iengtin am dawn ei ta le? “Lalpain Zion chu ân ngîr a, a mihai laia rimsihai chu amaa chun tlulût an tih,” tiin nîng a tih.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak si a.

ISAI 26:6

Ke chun sirdêng a ta, rimsihai ke le pasiehai kalchawi ngei chun.

ISAI 3:14

Lalpa chun a mihai upahai chunga le, an mi lienhai chunga chun ro rêl a tih. Lalpa Sipaihai Lalpa chun, “Nangni rawi hi in nih, grêp huon fa zotuhai chu;

ISAI 3:15

mi rimsihai kuoma inthawka sum lâk chu in inah a ni a um chu; iengtiziea ka mihai chu in namsâwr a, rimsihai hmai chu in râwtnawi am a ni leh?” a ta.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

DANIEL 12:4

Nisienlakhawm, nang aw Daniel, hun tâwp chena dingin thuhai chu khâr la, lekhabu chu châr tlat rawh: mi tamtak chu hnungtieng hmatieng tlân an ta, hrietna chu a pung ding a ni si a,” tiin.

HABAKKUK 3:18

Lalpaa chun hlim ka ta, Ka sandamna Pathiena chun lâwm ka tih.

ZEPHANIA 2:3

Nangni a rorêlnahai anga thawtu, hnuoi chunga zainêm po pohai, Lalpa chu zawng ro; felna chu zawng unla, zainêmna chu zawng ro; Lalpa lunginsenna nia chun thupa in um theina dingin.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 5:3

“Thlaraua pasiea inhriehai chu an hamṭha; vân ram an ta a ni si a.

MATTHAI 5:5

“Zainêmhai chu an hamṭha; hnuoi ro hi an la hluo ding a ni si a.

EPHESI 4:2

inngaitlâwmna le thuhnuoirawlna po po neia, hmangainaa indâwtuo puma dâwtheina neia,

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In dawtheizie mi po po hriet ni raw se.

JAKOB 1:21

Chuleiin, inthieng nawna po po le suol sip liem chu sie hmang unla, thu tu, in thlarau sandam thei chu thuhnuoirawl takin pawm ro.

JAKOB 1:9

Unau daikilkâra mi chu chawimawia a um leiin lâwm raw se.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?