ISAI 29:15 - Pathien Lekhabu Inthieng (BSI)

¹⁵ An remruot chu Lalpa kuoma thup dinga inthûktaka zawngtuhai chu an chung a rik ie! an thilthawhai chu inthim hnuoiah a um a, “Tuin am mi hmûng a ta? Tuin am hriet khawm mi hrieng a ta?” an ta.

ISAI 29:15 ပူးပေါင်းရင်းမြစ်များ

2 SAMUEL 11:27

Chun, a sûn hunbi a bo hnung chun David chun ama in tieng ân ṭhuoitir a, a nuhmeiah a nei ta a, naupasal a neipêk a. Nisienlakhawm, David thilthaw chun Lalpa a suklungni naw a.

2 LALHAI 17:9

Chun, Israel thlahai chun Lalpa an Pathien chunga chun thil ṭha nawtak inrûkin an thaw hlak a, an khuo po poah râl vêngtuhai in insânga inthawka kul nei khuo chenin bâwlhmunhai an siem a.

JOB LEKHABU (THE BOOK OF JOB) 34:22

Thina hlim amanih, inthimna amanih khawm a um nawh, Thil khawhlo thawtuhai an inbîkna ding hmun chu.

INPÂKNA HLABU 59:7

Ngai ta, an bauah an inir suok a, An hmûra chun kâwlhnâmhai a um a: “Tu am hrie an um a?” an ti el a nih.

INPÂKNA HLABU 73:11

“Pathienin iengtin am hrieng a ta? Achunghnungtak chun hrietna a nei ding am a nih?” an ti a.

INPÂKNA HLABU 83:3

I mihai vervêktakin an phierrûk a, I mi thuphmanghai chunga hin a se tiengin an inrâwn a.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhimna dingin kan hmang a, khêl hnuoiah kan inbihmang ta si a,” in ti leiin;

ISAI 28:17

Rorêlna fel chu a suktlûnna hruiin hmang ka ta, felna chu a dârmûmkhaiah hmang ka tih, riel chun inhumhimna khêl thuhai chu dêng hmang vawng a ta, tuihai chun inbîkhmangna chu chîm tlum a tih.

ISAI 30:1

Lalpa chun, “Nau helhmanghai chu an chung a rik ie! chuonghai chun mi an râwn a, kei ruok chu an mi râwn si naw a, an suol chunga suol an belsana dingin inkhumnain an inkhum a, ka thlarau thu ruok chun an inkhum si naw a;

ISAI 47:10

I rîtlona chu i ring a, “Tukhawma an mi hmu nawh,” i ti vei si a, i varna le i hrietna chun a sukkhawhlo che a, “Keima ka nih, keima naw chu mi dang hrim an um nawh,” i lungrilin i ti bawk a.

ISAI 57:12

I felna thu hi hril ka ta, i thilthawhai chu i ta dingin ienga ṭhahnem ni naw nih.

JEREMIA 23:24

Lalpa chun, ‘Mi tukhawm ka hmu lo dingah hmun fienrielahai ân bihmang thei am a nih?’ a tih. ‘Hnuoi le vân chu keia suksip a ni naw am a nih?’ Lalpa chun a tih.

EZEKIEL 8:12

Chun, ama chun ka kuomah, “Mihriem naupa, mi tin mâni milim pindan chitah, Israel sûngkaw upahai chun inthim hnuoia chun ieng am an thaw a, i hmu am? Anni chun, ‘Lalpa chun a mi hmu nawh, Lalpa chun hnuoi hi a nghatsan tah,’ an ti a,” tiin.

EZEKIEL 8:8

Chun, ama chun ka kuomah, “Mihriem naupa, tuhin bang kha hang ker rawh,” a ta. Chun, bang ka hei ker chun, kawtkhâr ka hmu a.

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘Lalpa chun ram hi a nghatsan ta a, Lalpa chun a hmu nawh,’ an ti si a.

HOSEA 5:2

Mi helhai chun sukhlum hi an uor êm êm a, Kei ruok chu an rênga kâwktu ka nih.

ZEPHANIA 1:12

Chuong huna chun, Jerusalem chu khâwnvarhai sitin dap ka ta, mi an in kilkhâwrhaia chêng a, an lungrila, “Lalpa chun thil ṭha thaw naw ni a, thil ṭha naw khawm thaw chuong hliek naw ni,” tituhai chu hrem ka tih.

MALAKI 2:17

In thuhai chun Lalpa chu in suksâwl a. Anachu, “Khâwlai am ama chu kan suksâwl a?” in ta. Chutaka bawk chun, “Mi tukhawm thil suol thaw chu Lalpa mithmua chun ṭha a na, anni chunga chun a lâwm a; amanih, rorêlna Pathien chu khâwlai am a um a?” in ti bawk a.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang naw a, Pathien thu mi hlêmnain kan hmang bawk naw a; thutak inhriettirin Pathien mithmuin mi tin sie le ṭha hrietna mit kan intlungtir lem hlak a nih.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.