ISAI 29:13 - Pathien Lekhabu Inthieng (BSI)

¹³ Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 29:13 ပူးပေါင်းရင်းမြစ်များ

INPÂKNA HLABU 17:1

Aw Lalpa, ka felna thu hi hre la, ka khêk ri hi ngâi bawk la, Ka ṭawngṭâina, khêl hril hmang hmûra inthawka suok ni lova hin na lo sit la.

INPÂKNA HLABU 50:16

Mi rilo kuoma ruok chun Pathienin, “Ka thuruothai hrilsuok theina i nei am a nih? Annawleh, ka thuthlung hi iengtiziea i baua sâm am i ni a?

THUVARHAI 30:6

A thuhai chu nang chun belsa naw la, Kâwk rawi a ti che a, khêlinhlip i nih ti hmu suok ni rawi a tih.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 29:1

E Ariel, Ariel, David umhmun khuorna khuo! kumah kum bel ro; ruoiṭhe hunhai chu hung tlung nâwk raw se;

ISAI 29:12

chun, lekhabu chu lekha thiem naw mi kuomah, “Lunginsiettakin hi hi tiem rawh,” tiin a pêk hlak a; chun, ama chun, “Lekha ka thiem nawh,” a ti hlak.

ISAI 30:11

lampui boah fe ro, lampui sîrah pêt ro; Israelhai Mi Inthieng chu kan hmaa inthawk hin sukbo ro,” ti hlaktuhai chu.

ISAI 42:25

Chuleiin, a lunginsenna nasatna le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungrilin an ngaituo si nawh.

ISAI 63:17

Aw Lalpa, nangin iengleiin am i lampuia inthawk dâm hin i mîn vâkhmangtir hlak a, nangma chu ṭi lo dinga kan lungril hi i mi sukngarpêk hlak am a na? I siehlaw, i rohluo hnamhai lei hin, hung kîr nâwk rawh.

JEREMIA 12:2

Nang chun anni chu i phun ta a, anih, zung khawm an kei a; an hung inṭhang a, ra khawm an hung ra ta a; an baua chun nang chu i hla naw hle a, an sûnga ruok chu i hla a nih.

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a hung kîr tehlêm ringawt a, Lalpa chun a tih,” tiin.

JEREMIA 42:20

In thlarauhai chunga chun hmusitumtakin in lo thaw ta a; ‘Lalpa kan Pathien kuoma chun mi ṭawngṭaipêk la, Lalpa kan Pathienin a hril ang ang che chu kan kuomah hrilfie la, thâwng kan tih,’ tiin Lalpa in Pathien kuoma chun in mi tir ta si a,

JEREMIA 5:2

“Lalpa chu a hring zing angin,” an ti dea chu, inkhêl letdêra inkhâm el an nih.

EZEKIEL 14:1

Chun, Israel upa ṭhenkhat ka kuomah an hung a, ka hmaa chun an ṭhung a.

EZEKIEL 33:30

“Nangma chungthua chu, mihriem naupa, i chipuihai thlahai chu bang hrûla le in kawtkhârhaia chun nanga chanchin an hril a, anni le anni an inbiek a, mi tinin a unau kuoma chun, ‘La hung ta, ka ngên che hi, Lalpaa inthawka hung suok thu chu ieng am a nih hung ngai ta,’ an ti a.

HOSEA 7:14

An lungril takin an mi ko naw a, An khum laizâwlah an chierinthluok mei mei a nih; Bu le uoin dingin an inkhâwm a, ka chunga chun an hel si a.

KOLOSSA 2:22

Chuonghai chu hmang puma bohmang ding a nih.

1 SAMUEL 15:30

Chuongchun, ama chun, “Ka lo suol a ni ta a, nisienlakhawm, ka mihai upa le, Israelhai hmaa hin mi chawimawi dingin ka ngên che a nih; chun, Lalpa i Pathien ka biek theina dingin mi fepui hrâm bawk la,” a ta.