ISAI 28:9 - Pathien Lekhabu Inthieng (BSI)

⁹ Hrietna tieng chu tu hîm ân chûktir ding a ni leh? Thucha chu tu hîm ân hriettir ding a ni leh? Nene nêk bân chauhai le nêne innêktir ta lohai hîm an ni ding?

ISAI 28:9 ပူးပေါင်းရင်းမြစ်များ

INPÂKNA HLABU 131:2

Ka hringna hi kân awitleiin kân totir ṭawk ṭawk ta ngei a, Naupang nene nêk bân tah a nu kuoma a um angin, Ka hringna hi naupang nêne nêk bân tah angin ka kuomah a um a.

INPÂKNA HLABU 50:17

Thunun i theida a, Ka thuhai hi i hnungtieng i dehâwn pei si a.

THUVARHAI 1:29

Hrietna chu an theida a, Lalpa ṭîna chu an thlang naw a,

ISAI 2:3

Chun, chi tamtakhai chu fêng an ta, “Hung unla, Lalpa tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni si a. Lalpa thu chu Jerusalema inthawkin a hung suok ding a nih.

ISAI 28:26

A Pathien chun ama chu feltakin a thununin ân chûktir hlak si a.

ISAI 30:20

Lalpa chun lunginzîngna bu le rinumna tui pe sienla cheu khawm, in inchûktirtuhai chu inbihmangin um ta naw ni hai a, in mitin in inchûktirtuhai chu hmu lem tâng a tih;

ISAI 48:17

Lalpa, nangni intlantu, Israelhai Mi Inthieng chun hieng ang hin a tih, “Kei hi Lalpa in Pathien, in ṭhatna dinga nangni inchûktirtu, in fena lampuia ṭhuoitu ding cheu chu ka nih.

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

ISAI 53:1

Kan thuhril tuin am a ring a? Lalpa kut chu tu kuom am ân lang a?

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

JEREMIA 35:13

“Sipaihai Lalpa Israel Pathien chun hieng hin a tih: Fe la, Juda ram mihai le Jerusalem hluotuhai kuoma chun hi hi va hril rawh: ‘Ka thuhai chu ngai dingin, inchûktirna chu in pawm naw ding am a nih?’ Lalpa chun a tih.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

JEREMIA 6:10

An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, Lalpa thu chu an kuoma chun inhalna ang chau a na, amaa chun lâwmna hrim an nei nawh.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.

MARKA 10:15

Titakzetin ka hril cheu, tûkhawm Pathien ram chu naupangtêin a lâwm anga lâwm naw phawt chu a sûngah lût naw tawp an tih,” a ta.

JOHAN 12:38

“Lalpa, kan thu hril tuin am a ring a? Lalpa kut khawm tu kuom âm ân lang a?” ti, Zâwlnei Isaiin a hril kha a tlungna dingin.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

1 PETER 2:2

naute pieng tharhai angin thlarau tieng nênetui iengkhawm pawl lo chu châk ro, chutaka chun sandamna tling khawpa in inṭhang lien theina dingin.