ISAI 28:21 - Pathien Lekhabu Inthieng (BSI)

²¹ A sin, a sin danglam chu, a thaw theina ding le, a thilthaw, a thilthaw danglam chu a muolsuo theina dingin, Lalpa chu Perazim tlânga a tho ang khan a tho ding a ni si a, Gibeon ruoma a lunginsen ang khan a lunginsen ding a ni si a.

ISAI 28:21 ပူးပေါင်းရင်းမြစ်များ

2 SAMUEL 5:20

Chuongchun, David chu Baal-perazima chun a fe a, chutaka chun David chun anni chu a hne a, “Lalpain ka hmêlmahai chu tuiting inṭhe ang elin ka hmaah a mi sukdarpêk tah,” a ta. Chuleiin, chu hmun hming ding chun Baal-perazim ân bûk a.

2 SAMUEL 5:25

Chuongchun, Lalpain thu a pêk angin David chun a thaw a, Philistin mihai chu Gebaa inthawka Gezer chenin a that a.

1 CHANCHIN SUINA 14:11

Chuongchun, Baal-perazim chenin an hang fe a; David chun chutaka chun anni chu a hne tâwl a; chun, David chun, “Pathien chun ka hmêlmahai chu ka kutah, tui ting inṭhe ang elin a sukdar tah a ni hi,” a ti a. Chuleiin, chu hmun hminga chun Baal-perazim an inbûk ta a.

1 CHANCHIN SUINA 14:16

Chun, David chun Pathienin ama thu a pêk ang chun a thaw a; Gibeona inthawk Gezer chen rakin Philistin sipaihai chu a that pei ta a.

INPÂKNA HLABU 94:16

Tu am thil ṭha naw thawtuhai mi thawpêk dingin tho a ta? Tu am thil suksuoltuhai mi thawpêk dingin ngîr a ta?

ISAI 10:12

Chu lei chun Lalpa chun, Zion tlâng le Jerusalem chunga sinthaw ding po po a thaw zo pha chun, Assuria lal a lungril chapo ra le a mit chapo ropuina chu la hrem ka tih.

ISAI 28:19

A luong tlang po leh la pei a ti cheu a; tûk tin tûk tinin, a sûn a zânin, a luong tlang âwm si a; thu incha umze hriet chu thil râpthlâk ruok nîng a tih,” tiin.

ISAI 29:14

chuleiin, ngai ta, hienghai lai hin thilmak thaw nâwk nghâl ka ta, thilmak, thilmaktak el chu; chuongchun, an mi varhai varna chu bohmang tâng a tih, an mi bengvârhai hrietna chu thupin um tâng a tih,” a ta.

ISAI 29:23

An nau, ka kutsuokhai chu, anni laia an hmu chun, ka hming chu sukthieng lem tâng an tih; anih, Jakobhai Mi Inthieng chu sukthieng an ta, Israelhai Pathien chu ṭi tâng an tih.

ISAI 64:2

meiin thing nawi a suk chawk a, tui dâm a sukso ang hin, hnam tin i hmaah an inthin a, nangma dotuhai che kuoma chun i hming chu inhriettir a ni theina dingin.

ISAI 65:7

nangni khawhlona le in puhai khawhlona chu, Lalpain a tih, chuonghai chun tlâng lien chungahai thil rim inhnik an raw a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

ṬAP HLA 2:15

Mi fe inlawnhai po po chun an kuthai an ben khum che a, Jerusalem naunu chunga hin an sisi a, an luhai an thin a, “Hi hi a ni maw mihaiin, Mawina famkimna, Leihnuoi po poa khawpui an ti chu?,” tiin.

ṬAP HLA 3:33

Nuom thu ngawtin a hremin, mihriem nauhai chu a suklungzîng ngai si naw a.

EZEKIEL 33:21

Kan sal intâng a kum sâwmpahni kum, thla sâwmna, chu thla ni nga ni chun Jerusalema inthawka hung tlân suok mi pakhat chu ka kuomah a hung a, ka kuomah “Khawpui chu suksiet a ni tah,” a hung ti a.

HABAKKUK 1:5

Nangni hnamhai laia mihai, en ta u, Ngaisak unla, maktitakin ngaituo ro. Hril ni unla khawm in âwi nâw ding In hunahai hin sin ka thaw ding a nih.

JOSUA 10:10

Lalpain anni chu Israelhai hmaa chun a sukbuoi ta a, Gibeona chun tamtak a that a, Beth-horon hang fena lampuiah a hnawt a, Azeka le Makeda chenin a that pei a.

JOSUA 10:11

Chun, Israel mihai hmaa an tlânsie a, Beth-horona inthawka liem thlâkna hmuna an um lai chun Lalpain vâna inthawkin riel lientak takin Azeka chenin a zuk indêngtir pei a, an thi a, Israelhaiin kâwlhnâma an sât hlum nêk hmanin riel dêng hlum chu an tam lem a nih.

JOSUA 10:12

Chuongchun, Lalpain Amor mihai chu Israelhai kuta a pêk ni chun Josua chun Lalpa kuomah thu a hril a, Israel mihai mithmua chun, “Nisa, Gibeon chungah ngîr zing rawh. Nang khawm, thlapa, Aijalon ruoma hin um zing rawh”, a ta