ISAI 28:2 - Pathien Lekhabu Inthieng (BSI)

² Ngai ta, Lalpa chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.

ISAI 28:2 ပူးပေါင်းရင်းမြစ်များ

JOB LEKHABU (THE BOOK OF JOB) 22:16

Chuonghai chu an hun hmain lâk hmangin an um a, Chuonghai lungphûm chu tuihnâr anga bunthlâk a ni ta kha.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak si a.

ISAI 27:1

Chu nia chun Lalpa chun a kâwlhnâm ngei ṭhatak, lientak, ringumtak chun leviathan rûlpui hrâttak le leviathan rûlpui kâwi ngul chu hrem a ta, tuipuia dragon um chu that bawk a tih.

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai Lalpa hremin um a tih.

ISAI 30:28

a thuok chu bohmangna leidâra hnam tin rel dingin, vadung rîng chen zet a kuong liem dûl dûl ang a nih; chun, mi tin baua chun ṭhuoi suoltirna kei dingin hrui um a tih.

ISAI 30:30

Chun, Lalpa chun a râwl ropuitak chu inhriettir tâng a ta, a lunginsenna nasatak le thil kânghmang meichawkin, thlipui le ruopui le rielin, a kut thlâk dân chu inentir tâng a tih.

ISAI 32:19

Nisienlakhawm, rampui chu sukthlu dingin riel tla dur dur a ta; khawpui chu suktlâwm dêrin um a tih.

ISAI 40:10

En ta u, Lalpa Pathien chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

ISAI 8:6

“Hieng chihai hin Siloa tui damtêa luong dêl dêlhai chu an dit naw lei le, Rezin le Remalia naupa chunga an lâwm leiin,

EZEKIEL 13:11

chuong chirhak inhnâk lova beltuhai kuoma chun, a tla nâwk el ding a nih ti hril rawh, ruo a hrâta hrât hung sûr a ta, riel nasatak tlâng a ta, thlipui nasatakin nuoi a tih.

EZEKIEL 38:9

Nang chu hang fêng i ta, thlipui angin hung i ta; chun, nang le, i pâwlhai po po le, hnam tamtak nangma kuoma umhai chu chu ram inkhumtu sûmpui ang chu nîng in tih.

DANIEL 9:26

Chun, hapta sâwmruk pahni hnunga chun Messie chu sât thlâk nîng a ta, ama ta dingin ni lovin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; sukrêma umna ding chu ruot a ni ta si a.

NAHUM 1:8

Amiruokchu, tui lien luong liemna hmangin chu hmun bohmang vawngna chu intlungtir a ta, hmêlmahai chu inthimnaah hnawt lût a tih.

JOSUA 10:11

Chun, Israel mihai hmaa an tlânsie a, Beth-horona inthawka liem thlâkna hmuna an um lai chun Lalpain vâna inthawkin riel lientak takin Azeka chenin a zuk indêngtir pei a, an thi a, Israelhaiin kâwlhnâma an sât hlum nêk hmanin riel dêng hlum chu an tam lem a nih.

THUPUONGSUO 18:8

Chuleiin, ni khat sûngin a hremna hri dâm, lungngaina dâm, ṭâm dâm chu hung tlung vawng a tih; meia rawhmangin um bawk a tih; a rorêltu, Lalpa Pathien chu a hrât si a.

THUPUONGSUO 8:7

A hmasatak chun a hang mût a, riel le mei, thisen le inpawl, a hung um nghâl a, chu chu hnuoia pei thlâkin a um ta a; hnuoi hmun thuma ṭhea hmun khat a kâng hmang a, thinghai khawm hmun thuma ṭhea hmun khat a kâng hmang a, hlohna hring po po khawm a kâng hmang ta bawk a.