ISAI 27:3 - Pathien Lekhabu Inthieng (BSI)

³ Kei Lalpa hi a vêngtu ka nih; mitkhapkâr tinin tui buok ka ta, tukhawma an tâwk nawna dingin a sûn a zânin vêng ka tih.

ISAI 27:3 ပူးပေါင်းရင်းမြစ်များ

INṬANNA 6:17

Chun, ngai ta, keima ngeiin, tisa po po hringna thuoka inthuok taphawt chu vân hnuoia inthawka sukbohmang dingin hnuoia hin tui ka suklêt ding a nih; hnuoia thil tinrêng um hi thi vawng an tih.

INṬANNA 9:9

“Ngai ta u, keima ngeiin in kuoma le in hnunga in thlahai kuoma khawm ka thuthlung chu ka sukdet a nih;

1 LALHAI 8:59

Chun, a siehlaw thua le a mi Israelhai thua hin a mi zir ang peiin a châng theina dingin hieng ka thuhril, Lalpa hmaa hnina kân tlunhai hi sûn le zânin ei Pathien Lalpa hmaa chun châm zing raw se:

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:5

Pathien chu a lai takah a um a, inhnîng naw ni a, Pathienin khawfingchat pha chun ṭhangpui a tih.

ISAI 31:5

Vatehai an bu chunga an vuong an vuong ang hin sipaihai Lalpa chun Jerusalem khuo chu vêng a ta; vêng a ta sansuok a tih, fe kânin humhim bawk a tih.

ISAI 42:6

“Kei Lalpa hin felnain ka ko che, i kut chel ka ta, humhim ka ti che a, mihai thuthlung ding le, Jentailhai sukvartu dingin ka ruot che a nih:

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 46:4

in tarkûn chen khawma ama chu nîng ka ta, in lua kêlsam a ṭo vawng chen khawma pawm ka ti cheu, keiin ka siem a, keima bawkin ka puok a, anih, kei chun pawm ka ta, sandam ka tih.

ISAI 46:9

Kha hmaa tienlai thilhai kha hre zing ro; kei hi Pathien ka na, a dang hrim an um si nawh, kei hi Pathien ka nih; keima ang hrim hrim an um nawh:

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 60:16

Chun, hnam tin nênetui fâwp i ta, lalhai nêne khawm nêng i tih; kei Lalpa hi nangma sandamtu le nangma intlantu, Jakobhai Mi Hrât chu ka nih ti la hre bawk i tih.

EZEKIEL 34:11

“Lalpa Pathien chun hieng hin a ti si a; Ngai ta, keima ngeiin, keiin ka berâmhai chu zawng ka ta, zawng suok bawk ka tih.

EZEKIEL 34:24

Chun, kei Lalpa hi in Pathien nîng ka ta, ka siehlaw David chu anni laia lal nîng a tih; hi hi kei Lalpain ka hril ta a nih.

EZEKIEL 37:14

Nangnia chun ka thlarau chu sieng ka ta, hring in tih; chun, nangni ram ngeia chun sieng ka ti cheu a; kei Lalpa ngeiin ka lo hril ta a, thaw khawm ka thaw a nih, ti hre tâng in tih, Lalpa chun a tih, tiin,” a ta.

EZEKIEL 37:28

Chun, kumkhawtluonga, anni laia ka hmun inthieng chu a um pha chun hnamhai chun kei Lalpa hin Israel chu ka sukthieng a nih ti mi hre tâng an tih,’ ti rawh,” tiin.

1 SAMUEL 2:9

A mi inthieng ke chu vêng a ta, Mi suolhai ruok chu inthim hnuoiah sukdei ṭhapin um an tih; Hrâtna chun tukhawma an ngam âwm si naw a.