ISAI 27:1 - Pathien Lekhabu Inthieng (BSI)

¹ Chu nia chun Lalpa chun a kâwlhnâm ngei ṭhatak, lientak, ringumtak chun leviathan rûlpui hrâttak le leviathan rûlpui kâwi ngul chu hrem a ta, tuipuia dragon um chu that bawk a tih.

ISAI 27:1 ပူးပေါင်းရင်းမြစ်များ

JOB LEKHABU (THE BOOK OF JOB) 26:13

A thuok chun vânhai chu cheimawiin a um a; A kut chun rûlpui intawl lai chu a sunthleng ta a.

JOB LEKHABU (THE BOOK OF JOB) 3:8

Ni ṭawngsie inphurtuhai chun ṭawngsie inphur raw se, Leviathan sukhar dân thiemhai chun.

JOB LEKHABU (THE BOOK OF JOB) 40:19

Pathien siemhaia lal chu a na, Ama siemtu chau chun a thal chu ama kuomah a pêk thei a.

JOB LEKHABU (THE BOOK OF JOB) 41:1

“Leviathan chu ngakuoiin i hnûk dawk thei ding am a nih? Annawleh, a lei chu hruiin i keihnuoi zo ding am a nih?

INPÂKNA HLABU 104:26

Sawtaka sawn lawnglienhai an fe saw, Sawtaka sawn leviathan a um a, a sûnga inhnel dinga i siem chu.

INPÂKNA HLABU 45:3

Aw mi hrât, i kâwlhnâm i kâwngah vawng rawh. I ropuina le i mawina leh.

ISAI 26:21

Ngai ta u, Lalpa chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

ISAI 51:9

Aw Lalpa bân, har la, har la, hrâtna thar inbel rawh; tienlaia, tienlai suonhai um laia i har ang khan har rawh. Nang hi Rahab sât nawitu, dragon suntu kha i ni an nâwm a nih?

ISAI 65:12

ka ko lai cheu khan in mi dawn nuom naw a, thu ka hril lai khan nain in hriet nuom naw a, ka mithmuah thil suol chu in thaw lema, ka thil lâwm naw zâwng chu in thlang leiin kâwlhnâmin in chantâwk chu rêlpêk ka ti cheu a, in rêngin thatnaa chun kûn vawng in tih.

ISAI 65:25

Satene le berâmte chu tla hmunkhat tâng an ta, sakeibaknei chun bâwngchal angin bupâwl fa tâng a tih; pilvut chu rûl bu ni bawk a tih. Ka tlâng inthienga hrim hrim chun sukna ta naw ni hai a, sukse ta bawk naw ni hai, Lalpain a tih.

ISAI 66:16

Meiin a nih Lalpain a ngaituo ding chu, a kâwlhnâmin a nih mi po po a ngaituo ding chu; chuongchun, Lalpa isukhlumhai chu tamtak nîng an tih.

JEREMIA 47:6

Aw nang Lalpa kâwlhnâm, i châwl ṭawk ṭawk hma po chu ieng chen am nîng a ta? nang chu i bâwma chun inthun nâwk el rawh, châwl la, um ṭawk ṭawk rawh.

JEREMIA 51:13

Aw nang tui tamtakhai chunga chêng, hausaknaa bit, i tâwpna a hung tlung mêk a, i hringna hrui ân tan tah.

JEREMIA 51:34

“Babulon lal Nebukadnezzar chun a mi fâk zo a, a mi suknawi a, ama chun bêl ruokah a mi siem ta a, rûlpui ang elin a mi lem a, kân hnikna chun a phîng chu a suksip a, a mi peisâk ta a.

EZEKIEL 29:3

hieng hin ti rawh; Lalpa Pathien chun hieng hin a tih: ‘Ngai ta, Aigupta lal Pharao, Rûlpui a vadungpuihai laia bawk a, Ka vadungpui hi keia ta bîk a na, Keima ta dingin ka siem tah,’ titu, ka dodâl che a nih.

AMOS 9:3

Karmel tlâng sîpah inbihmang hai sien khawm, zawng suok ka ta, chutaka inthawk chun anni chu la thlâng ka tih; chun, tuisuoriet mawngah ka mithmu nawah inbihmang hai sien khawm, chutaka rûl chu thu pêng ka ta, anni chu chuk a tih.

THUPUONGSUO 12:3

Chun, thilmak dang vânah a hung inlang nâwk a; ngai ta; dragon sen lientak lu sari le ki sâwm nei, lallukhum pasari khum a hung um a.

THUPUONGSUO 13:11

Chun, Sahrâng dang hnuoia hung suok ka hmu a; berâmte kî ang ki pahni a nei a, dragon ṭawng angin a ṭawng a.

THUPUONGSUO 13:4

Chun, Sahrâng kuoma chun a thuneina chu a pêk leiin dragon chu Pathien chibai bûkin an bûk a; chun, “Sahrâng ang hi tu am a uma, tuin am do thei a ta?” tiin Sahrâng khawm chu an bûk bawk a.

THUPUONGSUO 16:13

Chun, dragon baua inthawk le Sahrâng baua inthawk le, zâwlnei tehlêm baua inthawk chun thlarau inthiengnaw pathum u ni âwmtak, hung suok ka hmu a.

THUPUONGSUO 17:1

Chun, vântirko pasari berbu pasari chawihai laia pakhat chun a mi biek a. “Hung ta, tui tamtaka ṭhung, nawchizawr ropuitak hremna chu inentir ka ti che.

THUPUONGSUO 17:15

Chun, ama bawk chun ka kuomah, “Nawchizawr ṭhungna tui i hmuhai kha, mi dâm, mipui dâm, hnam dâm, ṭawng dâm a nih.

THUPUONGSUO 19:21

Mi danghai chu sakawr chunga chuong kâwlhnâm, a baua inthawka suok khan sâthlum an ni ta a; vate po po chu an sahai fain an khawp ta vawng a.

THUPUONGSUO 2:16

Chuongchun, sim rawh, chuong naw chun i kuomah hung vak ka ta, ka baua kâwlhnâm chun anni hung do ka tih.

THUPUONGSUO 20:2

dragon, rûlpui tar chu (chu chu Diebol le Setan a nih) a man a, kum sâng khata dingin a khuop a,