ISAI 26:7 - Pathien Lekhabu Inthieng (BSI)

⁷ Mi fel lampui chu indikna a na, nang lungril indiktak put chun mi fel lampui chu i sukruol hlak.

ISAI 26:7 ပူးပေါင်းရင်းမြစ်များ

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

JOB LEKHABU (THE BOOK OF JOB) 31:6

(Bûkna indiktaka bûkin mîn umtir sienla, Pathien chun ka ringumna chu a hriet theina dingin)

INPÂKNA HLABU 1:6

Lalpa chun mi felhai lampui chu a hriet si a, Mi rilohai lampui ruok chu bohmang a tih.

INPÂKNA HLABU 11:4

Lalpa chu a biekin inthiengah a um a, Lalpa chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

INPÂKNA HLABU 11:7

Lalpa chu a fel si a, felna hi a ngaina hlak, Mi indiktakhai chun a hmêl la hmûng an tih.

INPÂKNA HLABU 25:4

Aw Lalpa, i lampuihai chu mîn hriettir la, I lampui chanchinhai chu mîn chûktir rawh.

INPÂKNA HLABU 25:5

I thutaka chun mi ṭhuoi la, mîn chûktir rawh, Nang chu a mi sandamtu Pathien i ni si a; Sûnnithlâkin ka nghâk zing che hi.

INPÂKNA HLABU 27:11

Aw Lalpa, i lampui chu mîn entir la, Ka hmêlmahai lei hin, Lampui inpheitakah mi ṭhuoi rawh.

INPÂKNA HLABU 5:9

An baua chun ringumna hrim hrim a um naw a; An sûngril chu rîtlona ruok el a nih: An hnuk chu thlân inhawng a na; An leiin an inpâk tehlêm hlak.

THUVARHAI 11:5

Mi fel famkim chu a felna chun a lampui kâwkhmûng a ta, Mi khawhlo ruok chu a khawhlonaa ngei chun tlu lem a tih.

THUVARHAI 20:7

Mi indik a lungril ṭhaa fe mi chu, Ama hnunga a thlahai chu an hamṭha.

THUVARHAI 21:8

Mi khawhlo lampui chu a kâwi hle a, Mi inthieng sinthaw ruok chu a tluong a nih.

THUVARHAI 3:6

I lampuihai po poa chun ama hre zing la, Amân i lampuihai chu suktluong a tih.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 52:12

Inhmâwtakin in fe suok âwm si naw a, tlânsiein fe bawk naw ti niu; Lalpa chun in hma a ṭhuoi ding a ni si a; Israelhai Pathien chu in hnung dâltu nîng a tih.

ISAI 57:2

Lungmuongnaa chun an lût hlak a; an khumahai chun an zâl sâwldam hlak, indiktaka fe taphawthai chu.

JEREMIA 10:23

Aw Lalpa, mihriem lampui chu amaa chun a um nawh ti ka hriet a; a kepênhai sukdik dingin mihriema chun infetirtu chu a um nawh.

HOSEA 14:9

Tu am vara hieng hi hrethiem thei ding? Tu am var hlea hre thei ding? Lalpa lampuihai chu an indik a; Mi indikhai chun an hraw ding a ni si a; Bawsetuhai ruok chu chutaka chun An insui thlu ding a nih.

ZEPHANIA 3:5

Ama sûnga chun Lalpa chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim naw a; amiruokchu, mi fel naw chun inzakna a hriet naw a nih.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

1 JOHAN 3:10

Hitaka hin Pathien nauhai le Diebol nauhai ân hriet a nih; tûkhawm felna thaw naw chu Pathiena inthawka suok a ni naw a, a unau hmangai naw khawm chu Pathiena inthawka suok a ni bawk nawh.

1 JOHAN 3:7

Nauhai, tû ihlêm khawmin um naw ro; felna thawtu chu a fel a nih, ama a fel ang bawkin.