ISAI 26:6 - Pathien Lekhabu Inthieng (BSI)

⁶ Ke chun sirdêng a ta, rimsihai ke le pasiehai kalchawi ngei chun.

ISAI 26:6 ပူးပေါင်းရင်းမြစ်များ

2 LALHAI 9:33

Chun, ama chun, “Hung the thla ro,” a ta. Chuongchun, an the thlâk a, a thi chun bang le sakawrhai chu a khieng nuol el a; chun, ama chun a lo chîl a.

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei lovin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 25:10

Hi tlânga hin Lalpa kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni si a.

ISAI 28:3

Ephraimhai zu inruihmang chapona lallukhum chu sirdein um a ta;

ISAI 29:19

Thuhnuoirawlhai khawmin Lalpaa chun an hlimna chu sukpung tâng an ta, mihriem laia rimsihai chu Israelhai Mi Inthienga chun lâwm tâng an tih.

ISAI 3:14

Lalpa chun a mihai upahai chunga le, an mi lienhai chunga chun ro rêl a tih. Lalpa Sipaihai Lalpa chun, “Nangni rawi hi in nih, grêp huon fa zotuhai chu;

ISAI 3:15

mi rimsihai kuoma inthawka sum lâk chu in inah a ni a um chu; iengtiziea ka mihai chu in namsâwr a, rimsihai hmai chu in râwtnawi am a ni leh?” a ta.

ISAI 37:25

Tuisunsuo ka cho a, tui ka dâwn hlak a; ka kepha hnuoi hin Aigupta vadung po po chu sukkang vawng ka tih, i ti a.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

JEREMIA 50:45

Chuleiin, Babulon chungthua Lalpain thurâwn a nei chu lo ngai ta u, Kaldaihai ram chunga thiltum a nei tâk le chun. Matheilovin anni chu ran ruol têhai hnûkhmangin um ngei ngei an ta, an chêngna chu anni irâusanin siempêk a tih.

DANIEL 7:27

Chun, vânhnuoia ram le lalram le ram ropuinahai chu Achunghnungtak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti ni a; nanga sûnga inthawkin nasataka nang chapopuituhai che chu ka lâk suok ding a ni ta si a; chuongchun, ka tlâng inthienga chun chapo ta ngai hrim hrim naw ti nih.

MALAKI 4:3

Chun, mi khawhlo chu sirde tâng in ta; ni ka isiem ngei ding nia chun in kepha hnuoia chun pilvut ang el an ni ta ding a ni si a, sipaihai Lalpa chun a tih.

LUKA 10:19

Ngai ta u, rûlhai le ainuvêthai sirdena thu le, hmêlma thuneina po po letthlâkna thu ka pêk cheu hi; iengkhawmin sukna naw tawp a cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:20

Chun, Remna Pathien chun, in kepha hnuoiah um dingin Setan chu hung suknawi vak a tih. Lalpa Isu Krista lunginsietna chu in kuomah um raw se.

1 KORINTH 1:26

Unauhai, a kona cheu hi ngaituo ta u, taksa tienga mi var tamtakhai, mi hrât tamtakhai, mi ṭha tamtakhai ko an ni naw zie hi;

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

JOSUA 10:24

Chuong lalhai chu Josua kuoma an hung ṭhuoi chun, Josua chun Israel mihai po po chu a ko khâwm a, a kuoma fe ve râl kâp mihai laia lusa deu deuhai kuoma chun, “Hung hnai unla, hieng lalhai ringahai hin in kephahaiin sir ro,” a ta. Chun, an hung hnai a, an ringahai chun an kephahai chun an sir ta a.

THUPUONGSUO 2:26

A hnetu taphawt le a tâwp chena ka thilthawhai pawmtu chu hnam tin chungah thu inneitir ka tih;

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.