ISAI 26:5 - Pathien Lekhabu Inthieng (BSI)

⁵ Ama chun insângtaka umhai chu a suktlâwm ta si a, khawpui insângtak chu; chu chu a sie hnuoi a, hnuoi tlung rakin a sie hnuoi a, pilvut tlung rakin a sukthlûk a.

ISAI 26:5 ပူးပေါင်းရင်းမြစ်များ

INPÂKNA HLABU 79:8

Kan thlatuhai rîtlona kha keini kuoma hin chu hre zing ta naw la, I lainatnahai chun mi hung tuok vak sienla; Nasataka sukhnuoiin kan um ta si a.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 14:13

I lungrila chun, ‘Vânah hang fêng ka ta, Pathien arasihai chung tienga khin ka lalṭhungpha dawm sâng ka tih; chun, inkhâwmna tlâng, hmâr tâwp rêta uma chun ṭhung ka ta;

ISAI 2:12

Sipaihai Lalpa ni chu inngaisâng le, chapo po po chunga le chawisânga um po pohai chunga chun a la um ding a ni si a; chuongchun, suktlâwmin um a tih;

ISAI 24:10

Buoina khawpui chu sukchimin a um tah; tukhawm an lût nawna dingin in tin chu khârin a um tah.

ISAI 25:2

Khawpui khawm hnuoi pâwngah în changtir a; khuo kulpui nei khawm khaw ṭawpah în changtir a; ram dang mihai lal in khawm bâwlin um nâwk ta naw nih.

ISAI 32:19

Nisienlakhawm, rampui chu sukthlu dingin riel tla dur dur a ta; khawpui chu suktlâwm dêrin um a tih.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

JEREMIA 51:37

Babulon chu hmun dêng pâwng el, sihalhai ta dinga chêngna hmun ding le, maktia um ding le, hluotu um lova inchek khum el ding nîng a tih.

JEREMIA 51:64

chun, ‘Hieng ang bawk hin Babulon chu tlumhmang a ta, a chunga thil ṭhanaw ka hung intlungtir dinghai lei chun tho nâwk ta ngai naw ni a, rimsi hle tâng an tih,’ ti rawh,” a ta. Jeremia thuhai chu chu chen chu a nih.

ṬAP HLA 2:2

Lalpa chun Jakob ram hluohai po po chu a lem zo vawng a, a lunginsiet nawh, Juda naunu kul dethai chu a lunginsen chun a keichim a; Hnuoiah a hung tethlûk a; Lalram le lalhai khawm chu a suktlâwm ta a.

EZEKIEL 26:11

A sakawrhai ketinhai chun i kawtthlêrhai po po hung chîl a ta; i mihai chu kâwlhnâmin that a ta, i hrâtna bulpui lungphunhai khawm chu hnuoi chungah tlûng an tih.

EZEKIEL 28:17

I mâwina leiin i lungril a lo insâng ta a, I tlêtna lei chun i varna chu i lo suksiet ta a, Hnuoiah ka pei thlawr che a, An hmu theina ding chein lalhai hmaa chun kân zâltir che a nih.

THUPUONGSUO 18:2

Chun, ama chun rawl inringtakin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tinrêng kulbîng le, vate inthiengnaw le tirdakum tinrêng kulbîng a hung ni tah.