ISAI 26:20 - Pathien Lekhabu Inthieng (BSI)

²⁰ Hung ta u, ka mihai, in pindan sûngahai lût unla, in kawthai chu inkhâr khum ro, lungninawna hi ân kieng hmakhat chun mitkhapkâr chau bêk inbihmang ro.

ISAI 26:20 ပူးပေါင်းရင်းမြစ်များ

INṬANNA 7:1

Chun, LalpaIN Noa kuoma chun, “Nang le i sûnghai po po chu lawngah lût ro; nang chu tulai ṭhangthar lai hin ka mithmuin mi feltak i nih ti ka hriet che a nih.

INṬANNA 7:16

Chun, a lûthai chu Pathienin a kuoma thu a pêk angin, tisa nei laia mi tinrêng chu a pui le a chal a tuok peiin an lût a; chun, Lalpain ama chu a khâr khum ta a.

JOB LEKHABU (THE BOOK OF JOB) 14:13

“Aw, Seola chun mi lo thup tah ni la chu, I lunginsenna a fe hmang hmakhat chu arûkin mi lo kawl i ta, Hun bîk mi ruotpêkin, i mi hriet zing ding bah!

INPÂKNA HLABU 143:9

Aw Lalpa, a mi dotuhaia inthawk chun mi sanhim la, I mi thuphmang dingin i kuomah ka hung tlân a nih.

INPÂKNA HLABU 17:8

Mit nautê angin mi kawl ṭha la, I thla hnuoiahai chun mi thup rawh,

INPÂKNA HLABU 27:5

Lunginzîng ni chun a bûktêah a mi sie hmang âwm si a, A humhimna puon ina chun mi thuphmang a tih; Lungpui chungah mi dawm kai a tih.

INPÂKNA HLABU 30:5

A lungsen chu mitkhap kâr chaua ding a ni si a; A ditsakna ruok chu dam sûnga ding a nih. Ṭapna chun zânkhuo a dai thei a, Hlimna ruok chu zîngkâr a hung tlung hlak.

INPÂKNA HLABU 31:20

Anni chu mihriem phiernaa inthawk chun i humhimna mithmuah thuphmang i ta, Hnuoi sêlhrâtnaa inthawk chun bûktêah sie rûng i tih.

INPÂKNA HLABU 32:7

Nang chu kân bîkhmangna hmun i na, nang chun lunginzîngnaa inthawk mi humhim i ta, Sanhimna hlahaiin mîn huolvêltir i tih.

INPÂKNA HLABU 57:1

Aw Pathien, mi lunginsiet rawh: Ka hringna hi nangmaa chun a hung tlulût si a: Anih, i thla hnuoia chun himna zawng ka tih, Vângduoinahai hi ân kieng hmakhat chun.

INPÂKNA HLABU 57:2

Pathien Achunghnungtak chu ko ka ta, Pathien iengkim mi thawpêktu chu.

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

INPÂKNA HLABU 91:4

A thla chun inkhum a ti che a, A thla hnuoia chun himtakin um i ta, A thutak chu phaw chîn le phaw lien a nih.

INPÂKNA HLABU 94:13

Mi rilo ta dinga khur choa a um hmakhat a, Lunginzîng nihaia châwlna i pêk theina dinga i închûktir chu.

THUVARHAI 18:10

Lalpa hming chu kulbîng dettak a na, Mi fel chu chutaka chun a tlân lût a, a him hlak.

THUVARHAI 22:3

Mi var chun thil suol chu a hmu a, ân bi a, Mi mâwl ruok chu a fe pei a, a tuor pha hlak.

ISAI 10:25

Sâwt nawtêa chun lungninawna chu hrîkthlâkin um tâng a ta, ka lunginsenna khawm anni sukbohmangnain hrîkthlâkin um tâng a tih.

ISAI 10:5

Hung ta, Assuria mi, ka lunginsenna hembâwk, ka lungninawna chawitu hmawl!

ISAI 13:5

Annirawi, Lalpa le a lungninawna hriemhreihai chu, ram hlataka inthawk, kâwlkawdawng tâwp rêta inthawkin, ram po po hi sukse dingin an hung a ni chu.

ISAI 34:2

Lalpa chun hnam tinrêng chunga chun lungninawna a neiin, an sipaihai po po chunga chun lunginsenna a nei si a; anni chu a sukbohmang vawng a, that dingin a pêk ta a.

ISAI 51:16

Chun, vân khi ka keiphar thei a, leihnuoi innghatsan chu ka phûm thei a, Zionhai kuomah, “Ka mihai in nih,” ka ti theina dingin ka thuhai chu i bauah ka sie a, ka kutin ka hum che a nih.

ISAI 51:4

Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni si a, mi tin enna dingin ka rorêlna chu inchâwltir ka tih.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, Lalpa kut chu a siehlawhai tieng a um ti hrieng an ta, a hmêlmahai chunga chun lungni naw ni.

JEREMIA 31:14

Thiempuhai thlarau chu thâuin sukkhawp ka ta, ka mihai chu ka ṭhatnain tlai an tih, Lalpa chun a tih.

JEREMIA 7:23

nisienlakhawm, hi thua hin thu ka pêk a, “Ka râwl hi ngai unla, in Pathien nîng ka ta, nangni khawm ka mihai nîng in tih; chun, thu ka pêk cheu po po kha hraw unla, in ta dingin ṭhâng a tih,” tiin.

EZEKIEL 11:16

chuleiin, hril la, Lalpa Pathien chun hieng hin a tih; ‘Hnamhai laia inthawka hlataka chun ka lo sawn ta de a, ramhai laia chun anni chu ka lo sukdar ta dea chu, an va fena ramhaia chun hun sâwt nawtê sûnga ding chun an ta dingin hmun inthieng la ni ta fan ka tih’ tiin.

DANIEL 11:36

“Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîkthlâk a ni hmakhat chu hlawtling pei a tih.

ZEPHANIA 2:3

Nangni a rorêlnahai anga thawtu, hnuoi chunga zainêm po pohai, Lalpa chu zawng ro; felna chu zawng unla, zainêmna chu zawng ro; Lalpa lunginsenna nia chun thupa in um theina dingin.

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

MATTHAI 6:6

Nang ruok chun i ṭawngṭaiin, i pindan sûng rilah lût la, i kawt khâr la, i Pa arûka um kuoma chun ṭawngṭai rawh; chuongchun, i Pa arûka hmutu che chun thung a ti che.

2 KORINTH 4:17

Kan rinum nêptak, hi mit inkhap kâr chaua um ding hin ropuina nasatak, kumkhuoa dingin a mi siem pêk nasa deu deu a nih;