ISAI 26:2 - Pathien Lekhabu Inthieng (BSI)

² Hnam fel thutak zâwmtu chu a lût theina dingin kul kawtkhârhai chu hawng ro.

ISAI 26:2 ပူးပေါင်းရင်းမြစ်များ

INPÂKNA HLABU 106:5

I mi thlanghai tluongtlungzie ka hmu thei a, I hnamhai lâwmnaa chun ka hlim thei a, I rochanhai leh ka suong theina dingin.

INPÂKNA HLABU 118:19

Felna kul kawtkhârhai hi mi hawngpêk unla, Hienga hin lût ka ta, Lalpa kuomah lâwmthu hril ka tih.

INPÂKNA HLABU 118:20

Hi hi Lalpa kawtkhâr a nih. Mi felhai chu lût an tih.

INPÂKNA HLABU 24:7

Aw kul kawtkhârhai, in lu chung kha dawm sâng unla, Nangni kawtkhâr hlunhai, inkhai sâng ro: Chuongchun, ropuina Lalpa hi a hung lût ding a nih.

FESUOKNA 19:6

Chun, ka ta dingin thiempuhai ram le hnam inthieng ni bawk in tih. Hieng thuhai hi a nih Israel mihai kuoma i hril ding chu,” a ti a.

ISAI 45:25

Israel thlahai po po chu Lalpaa chun a nih thiem inchangtira an um a, Lalpa chu an sawng ding chu,” tiin.

ISAI 54:14

Felnaa sukdetin um i ta, nêksâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

ISAI 54:17

Nangma thawna dinga hriem sut hrim hrim ṭhahnem naw ni a, lei tinrêng thupawia nangma hung khingtuhai che chu thiemnaw inchangtir i tih. Chu chu Lalpa siehlawhai rochan chu a na, an felna chu ka kuoma inthawk a nih, Lalpain a tih.

ISAI 58:8

“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; Lalpa ropuina chu i hnung dâltu nîng a tih.

ISAI 60:11

I kawtkhârhai khawm hawngin um zing a ta; asûn azânin khâr ni naw nih; mihaiin hnam tin sum chu i kuomah an hung lâk a; an lalhai khawm an hung ṭhuoi ve theina dingin.

ISAI 60:18

Nunsetaka thil thaw ri chu i ramah hriet ni ta naw ni a, râusanna le sietna rihâu khawm i ramri sûngah hriet ni ta naw ni; i kul chu, “Sandamna,” ti lem i tih, i kawtkhârhai khawm, “Inpâkna” ti bawk i tih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

ISAI 62:1

A felna chu varna anga ân suo a, ama sandamna chu khâwnvar chawk anga ân suo hmakhat chun, Zion leiin to zing naw ninga a, Jerusalem leiin um ṭawk ṭawk naw ningah.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

ISAI 62:2

Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun , hming thar, Lalpa bauin ân put ding chun ko an ti che.

ZEKARIA 8:20

Sipaihai Lalpa chun hieng hin a tih, “Hieng ang hi la hung tlung a tih: hnamhai le khawpui tamtak hluotuhai chu la hung an ta;

THILTHAWHAI 2:47

Pathien an inpâk a, mi po po lâwmzâwngin an um hlak a. Chun, sandama hung um pei taphawthai chu, Lalpain ni tin an kuomah ân ṭhangsatir pei hlak a.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

2 PETER 3:13

Nisienlakhawm, a thutiem ang chun vân tharhai le hnuoi thar, a sûnga felna umhai chu ei beisei a nih.

JUDA 1:3

Dittakhai, ei ichang tlâng sandamna thu in kuoma ziek ka tum hrâm laiin, mi inthienghai kuoma ringna ṭum khata inkawltira um ta chu hum dinga ṭhahnemngai taka thaw dinga infui ding cheuin, in kuomah lekha ziek a ṭul ti ka lo hriet a.

THUPUONGSUO 21:24

A vara chun hnam tin um an ta, hnuoia lalhai chun an ropuina la lût an tih.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,