ISAI 26:10 - Pathien Lekhabu Inthieng (BSI)

¹⁰ Mi rilo chu ditsakin um sienla khawm, felna inchûk chuong naw nih: indikna rama chun indik nawtakin thâwng a ta, Lalpa ropuina hmu chuong naw ni.

ISAI 26:10 ပူးပေါင်းရင်းမြစ်များ

2 LALHAI 13:6

Amiruokchu, Israelhai thil insuksuoltira a thaw Jeroboam sûnghai suolna kha an mâksan naw a; an la chîng ta zing lem a; chun, Samari khuoa chun Asera khawm chu a la um zing nghe nghe a.

INPÂKNA HLABU 106:43

Vawi tamtak anni chu a sandam a, Nisienlakhawm, an remruotnaa chun an hel hlak a, An rîtlonaa chun sukhnuoiin an um ta a.

INPÂKNA HLABU 143:10

I dit zâwng thaw mîn chûktir la, ka Pathien i ni si a I thlarau chu a ṭha a nih, ram indiktaka chun mi ṭhuoi rawh.

INPÂKNA HLABU 69:27

An rîtlona chu rîtlonain belsa la, Anni chu i felnaa chun lût naw raw se.

FESUOKNA 8:15

Nisienlakhawm, Pharao chun chuong chu a bo tah ti a hriet chun, a lungril a sukngar a; Lalpain a lo hril ta ang ngei khan an thu chu a ngai naw a.

FESUOKNA 9:30

Nisienlakhawm, nang le i siehlawhai chun, Lalpa Pathien chu la ṭi chuong naw ti niu ti ka hriet a nih,” a ti a.

FESUOKNA 9:34

Pharao chun ruo le riel le vâninrûmhai chu a ma tah ti a hmu chun, a la suksuol ta rawp a, ama le a siehlawhai khawm chun an lungril chu an la sukngar ta rawp a.

THUVARHAI 1:32

Mi mâwl hnungtawlna chun anni chu sukhlum a ta, Invêthai nuomsakbâwlna chun anni chu a suksiet ding a ni si a.

THUHRILTU 3:16

Chu nawa khawm chun nisa hnuoia hin, rorêlna umnaa chun, rîtlona khawm a um a; felna umna hmuna chun rîtlona khawm a um ka hmu a.

THUHRILTU 8:11

Sin ṭha naw chunga thu rêl thlûk chu inrangtaka suksuok a ni ngai naw a, chuleichun, mihriemhai naupasalhai chun thil suol thaw dingin an lungril chun a tin rân hlak a nih.

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 2:10

Lalpa ṭiumnaa inthawk le a mawina ropuinaa inthawk chun lungpuia chun lût unla, pilvutah inbihmang ro.

ISAI 24:5

Hnuoi hi a umhai hnuoia chun a pawrche zo ta a; dânhai chu an bawsiet a, thuruot chu an sukdanglam a, kumkhaw thuthlung chu an bawsiet leiin.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, Lalpa chu chibai bûk an tih.

ISAI 32:6

Pathien inza nawna thil thaw ding le, Lalpa hêkna dinga thu indik naw hril dingin, phîngṭâmhai phîng sûng sukruok ding leh, dangchârhai dâwn ding sukbohmang dingin, mi suol chun suol thu a hril ding a ni si a, a lungril chun thil suksuol bawk a tih.

ISAI 32:7

Mi vervêk thuomhnawhai chu ṭha nawtak a na; pasiehai chun thu dik an hril khawmin mi rimsihai chu khêl thua sukbohmang dingin ama chun thil suol thaw dingin a ngaituo hlak.

ISAI 5:12

Ṭingṭang le perkhuonghai, khuongtê le theihlehai, uoin leh an ruoiṭhenaahai chun a um hlak a, nisienlakhawm, Lalpa sinthaw chu an ngaisâng ngai naw a, a kut thilthaw chu an ngaituo ngai bawk nawh.

JEREMIA 2:7

Chun, ram chênghnâwngtak, chutaka ra le a ṭhatna chu fa dingin ka ṭhuoi lût cheu a; amiruokchu, in lût chun, ka ram chu in sukpawrche a, ka rochan chu tirdakumah in siem ta a ni kha.

JEREMIA 31:23

Sipaihai Lalpa, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, Lalpa chun mal sâwm raw se che,” ti dâm le, “Aw inthiengna tlâng,” ti dâm hi.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

HOSEA 13:6

An fâk ding dawnga chun an tlai a, An tlai chu an lungrilin an chapo pha a, Chuongchun, an mi theinghil ta a nih.

HOSEA 9:3

Lalpa rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.

MIKA 2:10

Tho unla, fe hmang ro; hi hi in châwlna hmun a ni si naw a; sietna nasatak chena sukse hlaktu inthiengnawna chu a um leiin.

MATTHAI 4:5

Chu zoa chun diebol chun khaw thienghlima chun a ṭhuoi lût a, Pathien biekin sîp zuma chun a sie a;

DÂN PAHNINA 32:15

“Jakobin khawptakin a fâk a, Jesurun chu a hung hausa a, a hung hel ta a. A hung thâu a, a hung inchawm a, a hung nâm ta a; A siemtu Pathien a nghatsan a, A sandamna Lungpui chu a ngainêp a.

THUPUONGSUO 2:21

Simna dingin a kuomah hun bi ka tuk a, nisienlakhawm, mi dit a chîng chu a sim nuom nawh.

1 SAMUEL 15:17

Chun, Samuel chun, “Nanga ngaia chun mi chîntak ni la khawm, Israelhai hotu dinga siem i ni a ni naw am a nih? Chun, Lalpa chun Israelhai lal dingin hriek a nâl che a;