ISAI 25:11 - Pathien Lekhabu Inthieng (BSI)

¹¹ Chuongchun, tui inhlieuin tui inhlieu dinga a vai ang hin, chu lai chun a kut chu vai a tih; chun, a chapona chu a kut vervêk pum chun Lalpa chun sie hnuoi a tih.

ISAI 25:11 ပူးပေါင်းရင်းမြစ်များ

JOB LEKHABU (THE BOOK OF JOB) 40:11

I lunginsen sip liemhai chu bunthla la, Mi a chapo taphawt chu en la, ngaihnuoi la,

INPÂKNA HLABU 2:5

Chu hnunga chun a lunginsenin an kuomah thu hril a ta, Lunginsentakin anni chu suklungzîng tâng a tih.

ISAI 10:33

Ngai ta, Lalpa, Sipaihai Lalpa chun, thil râpthlâktakin a kâuhai chu sât thlâng a ta, insângtak takhai chu phûrin um a tih, a dâwk bîkhai khawm chu râwt hnuoiin um a tih.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 14:26

Chu chu a nih, hnuoi chung po poa thuruot chu; chu bawk chu a nih hnam tinrêng chunga kut phar chu.

ISAI 16:14

Tu ruok hin chu Lalpain, “Inhlawfa kum tiema kum thum sûngin Moab ropuina chu, a mipui nasatakhai pumin hmusituma inumtirin um a ta, a la um sunhai chu tlâwmterek el, hril khawp lo nîng an tih,” tiin a hril tah.

ISAI 16:6

Moabhai chapona thu, an chapo êm êm a ni ti ei lo hriet a, an ṭawng mingemzie le an chapozie le, an lunginsenzie thu chu, an uongnahai chu iengkhawm a ni nawh.

ISAI 2:10

Lalpa ṭiumnaa inthawk le a mawina ropuinaa inthawk chun lungpuia chun lût unla, pilvutah inbihmang ro.

ISAI 2:11

Mihriem inditnahai chu suktlâwmin um a ta, mihai chapona chu sukhnuoiin um a tih; chu nia chun Lalpa chau chu chawisângin um a tih.

ISAI 2:15

in insâng insângtak tak chunga dâm, kul tlângpui bang nei po po chunga dâm;

ISAI 25:5

Hmun ṭâwla khaw lum chu i sukre hlak ang hin ram dang mihai ri chu sukbo i tih, khaw lum chu sûm hlieha sukboa a um hlak ang hin, mi ṭiumhai hla sak chu sukboin um a tih.

ISAI 5:25

Chuleiin, Lalpa lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong naw a; a kut chu a lân let ta rawp a.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, bawsetuhai ta ding chun a ṭawngṭaipêk a.

ISAI 65:2

Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,

JEREMIA 48:29

Moab chapona chu kan hriet a, a chapo êm êm el a; ân suksângna le, a chapona le, a uongna le, a lungrila uongthuongna le chun.

JEREMIA 48:42

Chun, Moab chu Lalpa dodâla ân chawimawi leiin, hnam ninaa inthawka sukbohmang nîng a tih.

JEREMIA 48:47

Nisienlakhawm, Moab sal intângna chu nakie tieng niahai chun la hung la kîr nâwk ka tih, Lalpa chun a tih”tiin. Moab chunga rorêlna chu chuong chen chu a nih.

JEREMIA 51:44

Babulona Bêl chu hrem ka tih; a ilem tahai khawm chu a baua inthawkin hung la suokpêk ka tih; chuongchun, hnamhai chu ama kuoma chun luong hmunkhat ta ngai naw ni hai a, anih, Babulon kulbang chu chim a tih.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

KOLOSSA 2:15

Chun, inlalna le thuneinahai chu hlîp thlain, chu krawsa chun chuonghai chu hnein, ân langa inhriettirnain a hmang ta a.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.