ISAI 25:1 - Pathien Lekhabu Inthieng (BSI)

¹ Aw Lalpa, nang chu ka Pathien i na; chawimawi ka ti che a, i hming inpâk ka tih; thil maktak, inhmaa remruothai chu, ringumtak le thutakin i thaw si a.

ISAI 25:1 ပူးပေါင်းရင်းမြစ်များ

INPÂKNA HLABU 111:4

Ama chun a thilmak thawhai chu ân hriet zingtir a, Lalpa chu mi lunginsiet theitak, lainatnaa sip a nih.

INPÂKNA HLABU 118:28

Nang chu ka Pathien i na, lâwmthu hril ka ti che a, Ka Pathien i na, chawimawi ka ti che.

INPÂKNA HLABU 145:1

Aw Laltak, ka Pathien, chawimawi ka ti che a, I hming hi kumkhawtluongin inpâk ka tih.

INPÂKNA HLABU 146:2

Ka dam sûng po chun Lalpa chu inpâk ka ta, Ka hring sûng po chun ka Pathien inpâkin hla sak ka tih.

INPÂKNA HLABU 31:15

Ka hunhai chu i kutah a um a, A mi dotuhai le a mi suknawmnatuhaia inthawk hin mi sanhim rawh.

INPÂKNA HLABU 40:5

Aw Lalpa ka Pathien, nangin thilmak i thawhai le, Keini tieng i ngaituonahai hi a tam bêk bêk a, Chuong chu i hmaa suklang sêng ruol a ni naw a, Inhriettirin hril ding ni lang, Ṭiemsêng ruol ni naw ni.

INPÂKNA HLABU 40:6

Inthâwina le thilinhlân chunga hin lâwmna hrim i nei naw a: Ka nahai hi i mi sukvarpêk ta a; Pumrawhmanga thilinhlân le suol ta dinga thilinhlân chu i phût nawh.

INPÂKNA HLABU 46:10

To unla, Pathien ka nih ti hi hre ro, Hnam tin lai chawimawiin um ka ta, hnuoia hin chawimawiin um ka tih.

INPÂKNA HLABU 75:2

Hun ruot chu ka hmu pha chun, Indiktakin ro rêl ka tih.

INPÂKNA HLABU 78:4

Chuong chu an nauhai kuomah ip nâwm ei ni a Ruolthar hung dinghai kuoma Lalpa inpâkna thu le, A hrâtzie le a thilmaktak thawzie chu hril lem ei tih.

INPÂKNA HLABU 89:1

Lalpa ngilneina thuhai chu kumkhuoin hlaah sak ka ta, Ka bauin, i ringumzie chu suon po po chenin inhriettir ka tih.

INPÂKNA HLABU 98:1

Aw Lalpa chawimawiin hla thar sak unla, Thil maktakhai a thaw ta si a; A kut changtieng le a bân inthieng chun ama ta dingin sandamna a siempêk ta a.

INPÂKNA HLABU 99:5

Lalpa ei Pathien chu chawimawi unla, A ke innghatna bula chun chibai bûk ro, Ama chu ân thieng a nih.

FESUOKNA 15:2

Lalpa chu ka hrâtna le ka hla a nih, Ka sandamna khawm a hung ni tah; Hi hi ka Pathien a na, ama chu inpâk ka tih: Ka thlatu Pathien a na, ama chu chawimawi ka tih.

ISAI 11:5

Felna hi a kâwnghrên nîng a ta, ringumna hi a kâwngkhi nîng a tih.

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

ISAI 26:13

Aw Lalpa kan Pathien, nang chau ni lovin, lal dang khawma kan chungah thu an nei ta hlak a, nisienlakhawm, nangma ṭhangpui ngeiin i hming hi lam tâng kan tih.

ISAI 26:8

Anih, Aw Lalpa, i rorêlna lampuia chun kan nghâk zing che a, kan hringna dit zâwng chu i hming tieng le i hriet zingna tieng hi a nih.

ISAI 28:29

Chuong khawm chu sipaihai Lalpa, inrâwnna kawnga mi maktak le, varna kawnga mi ṭhatak kuoma chu a suok a nih.

ISAI 40:27

Iengdinga, aw Jakobhai, hieng anga in thaw am a na, iengdinga, aw Israelhai, hieng anga in hril am a na, “Ka lampui hi Lalpaa inthawka thup a na, ro a mi rêlpêkna hi ka Pathiena inthawka lâk hmang a ni tah,” ti hi?

ISAI 46:10

keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka ti a,

ISAI 46:11

khawsak tienga inthawkin vate hnukinrâwltak, ram hlataka inthawka ka mi ruot chu ka ko a, anih, ka hril ta a, muolsuo bawk ka tih; ka tum ta a, thaw bawk ka tih.

ISAI 49:4

Kei ruok chun, “Athlâwn elin sin ka thaw inrim a, iengkhawm ni lova le boruok elah ka tha ka sêng a, nisienlakhawm, matheilovin ka chunga rorêlna ding chu Lalpa kuomah a nih a um chu, mi thungna ding khawm chu ka Pathien kuomah a nih a um chu, ” ka ti a.

ISAI 49:5

Tuhin chu Lalpa, Jakobhai a kuoma ṭhuoi nâwkna ding le, Israelhai a kuoma ṭhuoi khâwma an umna dingin siehlawa um dinga sula inthawka mi thlangtu chun a hril a, (Lalpa mithmu chun mi inzaum ka ni si a, ka Pathien chu ka hrâtna a ni ta bawk a) anih,

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

ISAI 7:13

Chun, ama chun, “Aw David sûnghai, tuhin lo ngai ta u, mihriem suksâwl hi thil chiretekah in ruot a ni maw? Ka Pathien chen khawm suksâwl in nuom rawp hi.

JOEL 2:26

Tamtak nei in ta, tlai in tih, maktaka ngaituo hlaktu cheu Lalpa in Pathien hming chu inpâk in ta, ka mihai chu muolpho hrim hrim naw ni hai.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk naw a, A hril ta chu a thaw naw ding am a nih? A lo hril ta chu a sukpuitling naw ding am a nih?

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.

THUPUONGSUO 19:11

Chun, vân inhawng ka hmu a; chun, ngai ta, sakawr vâr le a chunga chuong Ringum le Indiktak, an iti chu ka hmu bawk a; ama chun feltakin ro a rêl a, mi a do hlak.

THUPUONGSUO 7:12

“Amen, malsâwmna dâm, ropuina dâm, varna dâm, Lâwmthu hrilna dâm, chawimawina dâm, Thilthawtheina dâm, hrâtna dâm, Chatuonin ei Pathien kuomah um raw se, Amen” tiin Pathien chibai an bûk a.