ISAI 24:6 - Pathien Lekhabu Inthieng (BSI)

⁶ Chuleiin, ṭawngsie inphurnain hnuoi a fâk zo a, a umhai chu thiemnaw inchangtirin an um tah; chuleiin, hnuoia umhai chu an kâng hlum a, mi tlâwmte chau an um tah.

ISAI 24:6 ပူးပေါင်းရင်းမြစ်များ

2 LALHAI 24:12

chuongchun, Juda lal Jehoiakin chu a nu hai dâm, a mihai dâm, a milienhai dâm, a upahai le chun Babulon lal kuomah an va suok a, chun, ân lal kum riet kumin Babulon lal chun a man ta a.

2 LALHAI 25:12

Chu rama pasie siehai ruok chu vêngtu pâwl hotu chun grêphrui enkawltu ding le lo neitu dingin a mâksan a.

ISAI 1:31

Chun, mi hrâttak chu ziza pawn ang ni tâng a ta, a sinthaw chu meisi ang ni tâng a tih; chuongchun, kâng rêl an ta, tukhawma sukrêm naw ni hai,” tiin.

ISAI 1:9

Sipaihai Lalpa chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 34:5

Ka kâwlhnâm chun vânah tlaitakin a dâwn ta si a, ngai ta, chu chu, rorêl dingin, Edom mihai chunga le, ka ṭawngse inphur mihai chunga chun tlâng a tih.

ISAI 43:28

Chuleiin, hmun inthienga mi lienhai chu sukthieng nâwng ka ta, chuongchun, Judahai chu ṭawngsephurah siem ka tih; Israelhai chu insêlna bûrah siem bawk ka tih.

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawnna angin um a ta, an pâr chu pilvut angin intung lui lui a tih; sipaihai Lalpa dân chu an dit naw a, Israelhai Mi Inthieng thu chu an ngainêp leiin.

ISAI 9:19

Sipaihai Lalpa lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 5:14

Chuleiin, Lalpa, sipaihai Pathien chun hieng hin a tih: Hieng thuhai hi in hril leiin, ngai ta, i baua chun ka thuhai chu meiah inchangtir ka ta, hi mipuihai hi a thingah, chuongchun, anni chu kânghmang a tih.

EZEKIEL 5:3

Chun, chutaka inthawk chun tlâwmterek lâng i ta, i puon hmawrah inbâwk i ta.

LEVI DÂN 26:22

Nangni lai ramsahai inhungtir ka ta, chuonghai chun in nauhai lâkpêk an ti cheu a, sukkiem tiel tiel an ti cheu a, in lampuihai chu ṭhing ṭhuop a tih.

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai Lalpa chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

MALAKI 3:9

Ṭawngsie chun ṭawngsie inphur in nih; hi hnam pumpui el hin in mîn rûkpêk si a.

MALAKI 4:1

Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.

MALAKI 4:6

Ama chun pahai lungril chu nauhai tieng innghatir a ta, nauhai lungril chu an pahai tieng; chuong naw chun hung ka ta, ram chu ṭawngsiein hung hrem rawi ka tih,” tiin.

MATTHAI 27:25

Chun, vântlâng po po chun, “A thisen chu keini chunga le, kan nauhai chungah um raw se,” tiin an dawn a.

MATTHAI 7:14

Hringnaa fena kawtkhâr chu a chîn a, a lampui khawm ân têp bawk a, a hmutuhai khawm tlâwmte an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:27

Isai khawma Israelhai thu khêkpuiin, “Israel mihai chu tuisuorieta phaiphin zâtin tam hai sien khawm, a ihrem bâk chau chu sandamin um an tih.

DÂN PAHNINA 28:62

Vâna arasi zât hiel ni hlak kha tlâwmte bak hung ni tâng in ta, Lalpa in Pathien râwl chu in zâwm naw leiin.

DÂN PAHNINA 4:27

Lalpa chun hnam tin lai chun sukdar a ti cheu a, Lalpain ân fe hmangtirna cheu hnamhai lai chun tlâwmte chauin um in tih.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.