ISAI 24:20 - Pathien Lekhabu Inthieng (BSI)

²⁰ Hnuoi hi zu inrui ang elin pêm thlawk thlawk a ta, bûktê insâwi angin insâwi dar dar a tih; a bawsietna chu a chungah riktakin um a ta, chuongchun, tlûng a ta, tho nâwk ta naw nih.

ISAI 24:20 ပူးပေါင်းရင်းမြစ်များ

INṬANNA 41:31

hausakna kha a zuitu ṭâm lei chun hi rama hin hre ta naw ni hai, a nasa hle ding a ni si a.

JOB LEKHABU (THE BOOK OF JOB) 12:25

Inthima chun var ṭhang lovin an inmai a, Mi, zu inrui ang ela pêm dingin anni a siem hlak.”

INPÂKNA HLABU 107:27

Zurui angin an thle an thle a, an pêm nawk nawk hlak a, Um ngaina hrim hrim an hriet ngai nawh.

INPÂKNA HLABU 38:4

Ka rîtlonahai chun ka lu hi a chîm hmang a, Phur riktak ang ka zo ruol lo hi a nih.

ISAI 1:28

Nisienlakhawm, bawsetuhai le mi suolhai suksietna chu um inruol a ta, Lalpa mâksantuhai khawm sukbohmangin um an tih.

ISAI 1:8

Zion naunu chu grêp huona vêngbûk ang le, fanghma huona ṭu ang le, khawpui inhuolvêl anga mâksanin a um tah.

ISAI 19:14

Lalpa chun Aigupta mihai laia chun kâwmâwsietna thlarau ân umtir tah; chuongchun, zu inrui chu ama luoka a pêm a pêm ang hin Aigupta mihai chu an sinthaw tinrêngah an infe kâwitir ta a.

ISAI 24:1

Ngai ta, Lalpa chun hnuoi hi sukruokin, a sukram ding a na, a letkhupin, a umhai chu a sukdar ding a nih.

ISAI 28:7

Nisienlakhawm, chuonghai khawm chu uoin leiin an thle an thle a, zu leiin an pêm an pêm a, thiempuhai le zâwlneihai chu zu leiin an thle a, uoin lem zoin an um a, zu leiin an pêm an pêm a; inlârna thuah an thle an thle hlak a, rorêlna thuah an pêm an pêm hlak.

ISAI 29:9

Ngîr zing unla, makti ro, nuomtâwl unla, mitdelin um ro; an inrui a, nisienlakhawm, uoin lei a ni nawh; an pêm an pêm a, nisienlakhawm, zu lei a ni nawh.

ISAI 38:12

Ka umna hi sawnin a um a, berâm vêngtu puon in angin ka kuoma inthawka lâk hmangin a um ta a. Puon khâwngtuin a puon chu a zuol angin ka hringna hi ka zuol a; ama chun puonkawla inthawk chun a mi chep bawng hmawk ding a nih. Nangin ni khat le zân khat thil thuah i mi suktâwp el ding a ni hi,” ka ti a.

ISAI 43:27

In thlatu hmasa tak khan thil a suksuol a, in palaihai khawmin ka hmaah an bawsiet a.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

JEREMIA 25:27

Chun, an kuoma chun hieng hin tîng i ta: Israel Pathien, Lalpa chun hieng hin a tih: Dâwn unla, inrui unla, inluok unla, tlu unla, tho nâwk ta naw ro, nangni laia kâwlhnâm ka hung tir ding lei chun.

JEREMIA 4:24

Tlânghai chu ka en leh, ngai ta, an inthin a, muolhai po po khawm chu hnungtieng hmatieng an insâwi a.

JEREMIA 51:29

Ram chu ân thin a, a na a; Babu- lon chunga Lalpa thiltum, Babulon ram chu hluotu um lova râusana um dinga a tum chu a la um zing si a.

JEREMIA 8:4

Chu naw khawm chu an kuomah hi hi hril i tih: Lalpa chun hieng hin a tih: Mihai chu tlûng an ta, an tho nâwk ta naw ding maw? Mi chu fe hmang a ta, a hung kîr nâwk ta naw ding maw?

ṬAP HLA 1:14

Ka bawsietnahai chu rîngkawlah a khitde a, Ama kuthai ngeiin a khit têl a; Ka rîngah ân bâttir a, ka hrâtna a châu ta a, Ka ido zo lohai kutah Lalpa chun a mi pêk ta a.

DANIEL 11:19

Chun, ama rama kul tieng ngei chu nghâng a ta; nisienlakhawm, insui a ta, tlûng a ta, ama chu hmu ni ta ngai naw ni.

AMOS 8:14

Samari khaw suolna sâla ṭawng inkhâm a, ‘Aw Dan, i Pathien a hring angin,’ le, ‘Beer-seba fena lampui a hring zing angin,’ tihai kha, chuong mihai khawm chu tlûng an tih, tho nâwk dêr naw ni hai,” tiin.

NAHUM 1:5

Tlâng lienhai chu ama leiin an inhnîng a, tlâng chînhai chu an intuihmang a; a hmaa chun hnuoi hi ân thin a, anih, khawvêl le a sûnga um po pohai le chun.

THUPUONGSUO 18:21

Chun, vântirko hrâttak hin burawtnawina lung lientak ang hi lung a lâk a, tuipuiah a peithlâk a, “Babulon khaw ropui chu hieng anga nasa hin peithlâk nîng a tih, tûkhawmin hmu nâwk ta naw tawp an tih.