ISAI 24:2 - Pathien Lekhabu Inthieng (BSI)

² Chun, vântlâng chunga a um angin, thiempu chunga khawm um a ta, suokpa chunga a um angin a pu chunga khawm um a tih; suoknu chunga a um angin a pi chungah um a ta; inchawtu chunga a um angin a zawrtu chunga khawm um a tih; inpûktirtu chunga a um angin a pûktu chunga khawm um a tih; a pung hnawta inpûktirtu chunga a um angin a kuoma a pung petu chunga khawm um a tih.

ISAI 24:2 ပူးပေါင်းရင်းမြစ်များ

INṬANNA 41:50

Ṭâm hung tlung hma chun Josef chun naupasal pahni a nei a, chuhai chu On khaw thiempu Potiphera naunu Asenath chun a neipêk a nih.

2 CHANCHIN SUINA 36:20

Kâwlhnâma inthawka lo suok tahai chu Babulon tieng a ṭhuoi a; Persia ram rorêl a ni chen khan anni chu a nauhai le ama siehlawhai an na;

ISAI 2:9

Mi chînhai chu sukhnuoiin an um a, mi lienhai chu suktlâwmin an um bawk a, chuleiin, anni chu ngaidam naw rawh.

ISAI 24:3

Hnuoi hi sukruok fai dêr le, suksiet fai dêrin um a tih; chu thu chu Lalpain a hril ta si a.

ISAI 28:7

Nisienlakhawm, chuonghai khawm chu uoin leiin an thle an thle a, zu leiin an pêm an pêm a, thiempuhai le zâwlneihai chu zu leiin an thle a, uoin lem zoin an um a, zu leiin an pêm an pêm a; inlârna thuah an thle an thle hlak a, rorêlna thuah an pêm an pêm hlak.

ISAI 5:15

Mi chînhai chu sukkûnin an um a, mi lienhai chu suktlâwmin an um a, chapo mithai chu sukhnuoiin a um ta a;

JEREMIA 41:2

Chun, Nethania naupa Ismael le a kuoma mi sâwm umhai chu an tho a, Saphan naupa, Ahikam naupa Gedalia, Babulon lalin chu rama rorêltu dinga a sie chu kâwlhnâm leh an thaw a, ama chu an that ta a.

JEREMIA 42:18

Sipaihai Lalpa Israel Pathien chun hieng hin a ti si a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwmhnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

ṬAP HLA 4:13

A zâwlneihai suolnahai le a thiempuhai khawhlona, A sûnga mi fel thisen an insuona lei khan a nih.

ṬAP HLA 4:16

Lalpa lunginsenna chun anni chu a ṭhe a, ngaisak nâwk ta naw ni; Thiempu mi nina chu an inza naw a, upahai khawm an ditsak bawk nawh.

ṬAP HLA 4:6

Ka mihai naunu rîtlona chu Sodom suolna nêkin a nasa lem si a; Chu chu mitkhapkâr loa peihâwnin a um a, a chunga chun kut hrim innghat a ni nawh.

HOSEA 4:9

A mipui ni leh, a thiempu ni leh angkhat nîng an tih, An lampuihai lei chun anni chu hrem ka ta, An thilthawhai chu thung ka tih.