ISAI 24:18 - Pathien Lekhabu Inthieng (BSI)

¹⁸ Chuongchun, ṭitum ria inthawka tlânhmang chu khura chun tlâng a ta; khur sûnga inthawka hung suok chu chângah âwk a tih; chungtienga tukverhai chu hawngin a um si a; leihnuoi innghatsan chu ân hnîng bawk a nih.

ISAI 24:18 ပူးပေါင်းရင်းမြစ်များ

INṬANNA 19:24

Chun, Lalpa chun Sodom le Gomorra chunga chun vâna Lalpa kuoma inthawk kât le mei ân sûrtir a;

INṬANNA 7:11

Noa chu kum za ruk a ni kum, a thla hnina ni sâwm le ni sari niah, chu ni ngei chun tui inthûk lientak hnâr po po chu a hung pût ta vawng a, vân tukverhai khawm a hung inhawng ta bawk a.

2 LALHAI 7:2

Chun, sipai hotu, lalin a kut a ihung ringsan chun, Pathien mi chu a dawn a, “Ngai ta, Lalpain vânah tukver a hawng ding a ni chu aw! Chuong ang chu a ni thei hlak ding am a nih?” a ta. Chun, ama chun, “Ngai rawh, i mit chun chu hmu ngei i ta, a fâk ruok chu i fâk naw ding a nih,” a ta.

JOB LEKHABU (THE BOOK OF JOB) 20:24

Thîr hriemhreia inthawkin tlânsieng a ta, Dârsen thalngul chun ama kâp thleng a tih.

INPÂKNA HLABU 18:15

Chu phingleh, Aw Lalpa, i kâwkna leiin, I hnâra inthuok suok chun a mût rak leiin, Tui luongnahai chu a hung inlang a; Leilung innghatna chu suklangin a um ta a.

INPÂKNA HLABU 18:7

Chu phingle chun hnuoi hi ân hnîng a, ân thin ta a, A lunginsen leiin tlânghai khawm chu, Ân nghatna pumin ân thinin ân hnîng ta a.

INPÂKNA HLABU 18:8

A hnâra inthawk chu meikhu ân tung ta ngut ngut a, A baua suok mei chun a kâng ta dur dur a; Chu chun meihawl khawm chu a sukchawk ta hum hum a.

THUHRILTU 9:12

Mihriem chun a hun chu a hrietthiem naw a; ngahai chu lên ṭiuma mana an um ang le, vatehai chu chânga an âwk angin chuong ang bawk chun, an chunga a hung tlung thut pha chun mihriem nauhai khawm chu hun ṭha nawa chun âwkin an um hlak a nih.

ISAI 13:13

Chuongchun, vân khi sukthin ka ta, sipaihai Lalpa lunginsen leiin; a lunginsenna nasatak nia chun, hnuoi khawm hi a umna hmun sawn dawr khawpa sukhnîngin um a tih.

ISAI 2:19

Chun, hnuoi hi nasatak taka sukhnîng dinga a tho pha chun, Lalpa ṭiumnaa inthawk le a mawina ropuinaa inthawk chun mihai chu lungpui pûkahai le hnuoi kuoahai chun lût an tih.

ISAI 2:21

hnuoi hi nasatak taka sukhnîng dinga a tho pha, Lalpa ṭiumnaa inthawk le, a mawina ropuinaa inthawk chun, lungpui pûkahai le râwl lungpui kakahai chun lût an tih.

ISAI 42:22

Nisienlakhawm, hieng mihai hi rûkru inrûkpêk le rawk tuok mi an na; khurhaia tla an ni vawng a, intângna inahai khum hmang an na; sal ding an na, tukhawma an sanhim si naw a; râllâka lâk ding an na, tukhawma, “Pe nâwk rawh,” an ti si nawh.

ISAI 8:14

Chun, ama chu hmun inthieng nîng a ta. Israel sûng hnihai ta ding ruok chun tlûkna lung le dangna lungpui ni lem a tih. Jerusalema umhai ta ding chun châng le bil ni bawk a tih.

JEREMIA 48:43

Ṭitna le, khurthim le, châng chu i chungah a um, Aw Moab ram hluotu, Lalpa chun a tih.

JEREMIA 48:44

Ṭitnaa inthawka tlân chu khurthima chun tlâng a ta, khurthima inthawka suok chu chânga chun âwk a tih; anni hremna kum chu ama chungah, Moab chunga ngei chun, kân tlungtir ding a nih, Lalpa chun a tih.

ṬAP HLA 3:47

Vânsam le ṭitna chu kan chungah a hung tlung a, buoina le bohmangna le chun.

EZEKIEL 11:8

Kâwlhnâm chu in ṭi a; in chungah kâwlhnâm chu hung intlungtir ka tih, Lalpa Pathien chun a tih.

EZEKIEL 12:13

Chun, ka lên khawm chu a chunga chun dêngkhum ka ta, ka chânga chun âwk a tih; chun, Kaldaihai ram Babulona chun ṭhuoi ka ta; chutaka chun thi naw ding ni sien khawm, hmu chu hmu naw ni.

EZEKIEL 15:7

An chunga chun ka hmai innghat ka ta; meia inthawk chun fe suok sienkhawm mei bawkin anni chu kânghmang a tih; chun, chuonga anni chu ka hmai kân nghat pha chun Lalpa chu ka nih ti mi hre tâng an tih.

AMOS 5:18

Lalpa ni dittuhai, in chung a rik ie! Iengdinga Lalpa ni chu in dit am a na? Var ni lovin inthim a ni lem.

AMOS 5:19

Sakeibaknei mâksan a, savawm intuokpui mi ang le, ina lût a, bang chunga kut innghat a, rûlin a chuk ang chu a nih.