ISAI 24:16 - Pathien Lekhabu Inthieng (BSI)

¹⁶ Kâwlkawdawnga hla sakhai kan hriet a, “Mi felhai kuomah ropuina um raw se,” ti hla hi. Nisienlakhawm, kei chun, “Ka chêr deu deu a, ka chêr deu deu a, ka chung a rik ie! vervêktaka thawtuhai chun vervêktakin an thaw a, anih, vervêktaka thawtuhai chun vervêktakin an thaw,” ka ti a.

ISAI 24:16 ပူးပေါင်းရင်းမြစ်များ

INPÂKNA HLABU 106:15

An thil hni chu a pêk a, Nisienlakhawm, an hringnaa chun chêrna ân lûttir a,

INPÂKNA HLABU 119:158

Vervêktaka thawtuhai chu, ka en a, ka lungni naw a, I thu an zâwm naw leiin.

INPÂKNA HLABU 2:8

Mi hni rawh, chuongchun, i rohluo dingin hnam tin pêng ka ti che a: Kâwlkil tâwp chenin i ro dingin pe bawk ka ti che.

INPÂKNA HLABU 58:10

Mi fel chun phubalâkna chu a hmuin lâwm a ta, Mi rilo thisena chun a ke chu sâwp a tih.

INPÂKNA HLABU 65:8

Kâwlkawdawnga umhai khawm chun i inhriettirna chu an ṭi hlak a, Zîngtieng le zântieng suoknahai chu hlimin în khêktir hlak a;

INPÂKNA HLABU 67:7

Pathienin mal mi sâwm a ta, Kâwlkawdawnga mi po po khawmin ama ṭîng an tih.

INPÂKNA HLABU 98:3

Israel sûnghai chunga a ngilneizie le, a ringumzie chu a hriet zing a, Kâwlkawdawnga mi po po khawmin ei Pathien sandamna chu an hmu tah.

FESUOKNA 15:11

Aw Lalpa, pathienhai lai hin nanga ang tu am an um a? Inthiengnaa ropui, thilthaw ropuihaia ṭium, Thilmakhai thaw, Nanga ang tu am an um a?

ISAI 10:16

Chuleiin, Lalpa, sipaihai Lalpa chun, a mi thauhai laia chun chêrna tir a ta, a ropuina hnuoia chun meichawk lai zing ang hin mei sêmin um a tih.

ISAI 11:12

Chun, hnam tin ta dingin inchikna târ suok a ta, Israel hnawt suoka umhai chu ṭhuoi khâwm a ta, Juda indarhai kâwl kil lia inthawkin ṭhuoi khâwm a tih.

ISAI 17:4

Chu nia chun, Jakob ropuina chu sukchêrin um a ta, a tisa thâuna chu hung chêr tâng a tih.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thaw a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

ISAI 26:15

Hi hnam hi i sukpung ta a, aw Lalpa, hi hnam hi i sukpung tah; nang chu chawimawiin i um ta a, hi ram hi a ramri po po chu i suklien tah.

ISAI 28:5

Chu nia chun sipaihai Lalpa chu, a mi la um sunhai ta dingin ropuina lallukhum dâm, mawina lukhum dâm,

ISAI 33:1

Nang rawk tuok ngai si lova, rawktu, vervêktaka thaw tuok ngai si lova, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêktakin thâwng an tih.

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, Lalpa chawimawiin hla thar sak unla, leihnuoi tâwpa inthawk khawma ama inpâkna hla sak ro.

ISAI 48:8

Anih, in nain in hriet ngai naw a; anih, in lungrilin in hriet ngai bawk nawh; anih, inhma hrim hrim khan in na chu hawngin a um ngai nawh; vervêktak takin in thaw hlak ti le, sula inthawk hrimin bawsetuhai an ti hlak cheu ka hriet si a.

ISAI 52:10

Lalpa chun hnam tinrênghai mithmua chun a bân inthieng chu a hlîm tah; chuongchun, kâwlkawdawnga mi po poin ei Pathien sandamna chu hmûng an tih.

ISAI 6:5

Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

JEREMIA 12:1

Aw Lalpa, nang chu ka hung ngên lai che chun, i fel a, nangma le chun a san chu ei ngaituo tlâng a, mi rilo lampui chu ieng dinga a hlawtling hlak a, khawhlotaka thawtuhai po po chu nuomsaa um am an na?

JEREMIA 12:6

I unauhai le i pa sûngkuo ngei chun, i chungah khawhlotakin an lo thaw ta a; i hnunga chun an hung khêk rak rak a; anni chu ring naw rawh, i kuoma chun thu ṭhatakhai hril hai sien khawm.

JEREMIA 3:20

Anachu, nuhmeiin a pasal chu khawhlotaka a ṭhe angin, chuong ang tak chun ka chungah khawhlotakin i lo thaw ta tlat el a; Aw Israel sûngkuo,” Lalpa chun a tih.

JEREMIA 5:11

Israel sûngkuo le Juda sûngkuo chun ka chungah khawhlotakin an lo thaw ta si a, ”Lalpa chun a tih.

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khawhlotakin ama an sawisak a; A hmêlmahai an hung ni vawng el ta ie.

HOSEA 5:7

Lalpa chungah vervêktakin an thaw a nih; Hnam dang nauhai an nei si a; Thla thar chun an lohma chen leh bohmangna intlun a tih.

HOSEA 6:7

Nisienlakhawm, Adam angin thuthlung chu an bawsiet a, Chutaka chun vervêktakin ka chungah an thaw a nih:

LEVI DÂN 26:39

Chun, nangni laia mi la umsunhai chu in hmêlmahai ramah an rîtlona leiin rêm tiel tiel an ta; an pi le puhai chun an rîtlona an rêm pha angin, anni khawmin rêm pha bawk an tih.

MIKA 5:4

Ama chu ngîr a ta, Lalpa hrâtnain a ranruol chu châwm a tih: Lalpa a Pathien hming ropuina ngei chun: chun, anni chu um zing an tih: ama chu hnuoi tâwp chenin a ropui ding a ni si a.

HABAKKUK 1:13

Nang chu suolna hmûna hlak nêka mit inthieng lem nei i na, Khawhlona chu i en thei naw a nih, Chuleiin, khawhlotaka thawtuhai chu hmu zingin, Mi rilovin ama nêka mi fel lem a lem zo lai khawmin, Iengdinga i tosan ṭawk ṭawk am?

HABAKKUK 1:3

Iengdinga suolnahai hi i mîn hmutirin, Iengdinga lungngaina hi i mîn entir am a na? Suksietna le inpâwngnêkna chu ka hmaa hin a um a, Insuolna a um a, indona a hung suok hlak a nih.

MARKA 13:27

Chun, vântirko chu tir suok a ta, a thlanghai chu kâwl kil lia inthawkin, hnuoi tâwpa inthawka vân tawp chenin lâwr khawm a tih.

THILTHAWHAI 13:47

Chuong ang chun Lalpain thu a mi pêk a nih. ‘Jentailhai sukvartuah ka ruot che, Kâwlkawdawng chena sandamna in tlun theina dingin,’ ti ziek ang khan,” an ta.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.