ISAI 24:12 - Pathien Lekhabu Inthieng (BSI)

¹² Khawpuia chun rausanna mâksanin a um a, a kul kawtkhâr chu vuok sietin a um tah.

ISAI 24:12 ပူးပေါင်းရင်းမြစ်များ

ISAI 14:31

Aw kawtkhâr, khêk rak rak rawh; aw khawpui, khêk rawh; aw Philistin, i pumin, în tuihmang zo tah; hmârtienga inthawkin meikhu a hung suok si a; an hun ruotahai chun ân hnu hrim an um ngai nawh.

ISAI 32:14

lal in chu mâksanin a um ding a ni si a; mi tamna khawpui chu suoksanin a um ding a na; a muol pâwng le a râlvêng bûkhai chu kumkhaw pûk dâm, ram sabengtung lâwmna dâm, ranruol tlatna hmunhai hung nîng a tih;

ISAI 32:19

Nisienlakhawm, rampui chu sukthlu dingin riel tla dur dur a ta; khawpui chu suktlâwm dêrin um a tih.

ISAI 45:2

“Kei i hmaah fêng ka ta, ân ṭumnawnahai chu sukruol ka tih, dâr kawtkhârhai chu sukse rem rum ka ta, a kalna thîr tluonhai chu sukbawng ka tih;

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

ṬAP HLA 1:1

Iengtiziea khawpui khânga mipuia sip kha khawsâwta ṭhung el am an ta a! Hnamhai laia khânga ropui kha, iem a tia hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

ṬAP HLA 1:4

Inkhâwmpui hunbi neia chun tukhawm an hung naw leiin Zion lampui chun a sûn a, A dai kawtkhârhai po po chu râusanin a um a, a thiempuhai chu an inrûm a; A nunghâkhai chu sukrinumin an um a, ama khawm chu khâknaa chun a um a.

ṬAP HLA 2:9

A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet ta a; A lal le hotuhai chu dân um nawnaa hnamhai laia chun an um a; Anih, a zâwlneihai khawma Lalpaa inthawka thilhmulâwk an hmu ta nawh.

ṬAP HLA 5:18

Zion tlâng chu râusana umin, Sihalhai chu a chungah an inlawn a.

MIKA 1:12

Maroth mi chun chanṭha chang a nghâkhla hlie hlie el a, Lalpa kuoma inthawka thil ṭha naw chu Jerusalem kawtkhâr bul chena a hung tlung thlâk leiin.

MIKA 1:9

A hliemnahai chu sukdam thei a ni nawh; Juda ram a tlung ta hiel si a; ka mihai kawtkhâr, Jerusalem meu khawm a tlung a nih.

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.