ISAI 24:1 - Pathien Lekhabu Inthieng (BSI)

¹ Ngai ta, Lalpa chun hnuoi hi sukruokin, a sukram ding a na, a letkhupin, a umhai chu a sukdar ding a nih.

ISAI 24:1 ပူးပေါင်းရင်းမြစ်များ

2 LALHAI 21:13

Samari inkhina hrui le Ahab sûngkuo dârmûmkhai chu Jerusalem chungah keimar ka tih; chun, miin thlêng a hrûk a, ân let vêl angin Jerusalem chu hrûng ka tih.

NEHEMIA 1:8

I siehlaw Mosie kuoma, ‘In bawsiet chun hnam tin laia chun sukdar ka ti cheu a;

INPÂKNA HLABU 146:9

Lalpa chun mikhuolhai chu a vawng ṭha hlak a, Pa neilo le hmeithai chu a chel zing hlak a; Mi rilohai lampui ruok chu a sukletling hlak.

ISAI 13:13

Chuongchun, vân khi sukthin ka ta, sipaihai Lalpa lunginsen leiin; a lunginsenna nasatak nia chun, hnuoi khawm hi a umna hmun sawn dawr khawpa sukhnîngin um a tih.

ISAI 13:5

Annirawi, Lalpa le a lungninawna hriemhreihai chu, ram hlataka inthawk, kâwlkawdawng tâwp rêta inthawkin, ram po po hi sukse dingin an hung a ni chu.

ISAI 2:19

Chun, hnuoi hi nasatak taka sukhnîng dinga a tho pha chun, Lalpa ṭiumnaa inthawk le a mawina ropuinaa inthawk chun mihai chu lungpui pûkahai le hnuoi kuoahai chun lût an tih.

ISAI 24:19

Hnuoi hi a kawi se vawng a, hnuoi hi sukboin a um tah, hnuoi hi nasatakin ân hnîng a.

ISAI 24:20

Hnuoi hi zu inrui ang elin pêm thlawk thlawk a ta, bûktê insâwi angin insâwi dar dar a tih; a bawsietna chu a chungah riktakin um a ta, chuongchun, tlûng a ta, tho nâwk ta naw nih.

ISAI 27:10

Khuo kulpui nei chu a khawsâwt a, umna, mi hnungsawn le fesan hnung a ni ta si a, thlalêr ang elin; chutaka chun bâwngtê tlâng a ta, chutaka bawk chun bawk a ta, a kauhai chu fâng a tih.

ISAI 29:16

Thilhai hi in suklinglet vawng hlaka aw! Bêlhemtu chu bepil ang chaua ngaiin a um ding am a nih? Thilsiem chun a siemtu chu, “Ama mi siem ka ni hlak lêm” a ti ding am a ni? annawleh, thil inngîra um chun ân ngîrtu chu, “Hrietna hrim a nei nawh,” a ti ding am a ni?

ISAI 29:2

chu pha chun Ariel hi suklungzîng ka ta; chuongchun, sûnna le ṭapna um a tih; chun, ama chu ka ta dingin Ariel ang chu nîng a tih.

ISAI 30:32

Ama chu hmawl ruotsaa Lalpain a vuok po leh khuongtêhai le ṭingṭanghai leh vuong a ta; a hmawl inleta inthawnahai chun anni chu thâwng a tih.

ISAI 32:12

Lo ditumhai lei le grêphrui ra nuom mi lei chun in âwm inchum inchum ro.

ISAI 33:9

Ram chu a ṭapin a châu a; Lebanon chu ân zakin a vuoi a, Saron chu thlalêr ang a ni tah; Basan le Karmel chun an hnahai an thin thlâk a.

ISAI 34:10

Asûn azânin sukrêmin um naw ni a; a meikhu chu kumkhuoin intung ngut ngut a tih; suon um sûng po po chun serâwpin um zing a ta, tukhawma kumkhuo khawma pal naw ni hai.

ISAI 34:2

Lalpa chun hnam tinrêng chunga chun lungninawna a neiin, an sipaihai po po chunga chun lunginsenna a nei si a; anni chu a sukbohmang vawng a, that dingin a pêk ta a.

ISAI 42:15

Tlânghai le muol pâwnghai chu sukchim ka ta, a hlohnahai po po chu sukṭâwl vawng ka tih: vadunghai chu thlierkâra hai siem ka ta, dîlhai chu sukkang ka tih.

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 40:15

Chun, Karea naupa Johanan chun Mizpaa Gedalia kuoma chun inrûkin thu a hril a, “Mi tir la, ka ngên che hi, Nethania naupa Ismael chu that el ka tih; tukhawma hre hliek naw ni hai; ieng dingin am i hringna chu lain, Juda i kuoma hung inkhâwm sunhai chu sukdara umin, Juda rama la um sunhai chu bohmang el an ta?” a ta.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang ta a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek ta a.

JEREMIA 51:34

“Babulon lal Nebukadnezzar chun a mi fâk zo a, a mi suknawi a, ama chun bêl ruokah a mi siem ta a, rûlpui ang elin a mi lem a, kân hnikna chun a phîng chu a suksip a, a mi peisâk ta a.

JEREMIA 9:16

An thlatuhai le anni khawma an hriet ngailo hnamhai laia chun sukdar ka ta; anni chu ka sukbohmang vawng hmakhat chun an hnungah kâwlhnâm tir ka tih.

EZEKIEL 12:20

Chun, khawpui, hluoa umhai chu suksiet nîng a ta, ram chu râusan nîng a tih; chun, Lalpa chu ka nih ti mi hre tâng in tih,” tiin.

EZEKIEL 24:11

Chun, meiling chunga chun a ruokin inchuon la, a hung luma, a dârsen chu a hung inling theina dingin, chuongchun, ân thieng nawna chu a sûnga chun a hung intui theina dingin le, a tuiêkhai chu a hung kânghmang theina dingin.

EZEKIEL 35:14

Lalpa Pathien chun hieng hin a ti a nih: Leihnuoi pumpui chu a hlim pha chun, nang chu râusanah siem ka ti che.

EZEKIEL 5:14

Chu nawa khawm chun, i vêla hnamhaia le, nang hung fe khêltuhai po po che mithmua chun râusana le mi ṭawngdawngah siem ka ti che a.

EZEKIEL 5:2

Khawpui lailunga chun a hmun thuma ṭhea hmun khat chu meiah râwng i ta, chu pha chun khawpui rûnna chu suktlung nîng a ta; a hmun thuma ṭhea hmun khat dang chu lâng i ta, a vêlin kâwlhnâmin sât nawi i ta; chun a hmun thuma ṭhe a hmun khat dang chu thliah vawr dar i ta, chu hnunga chun keiin kâwlhnâm keidawk ka tih.

EZEKIEL 6:14

Chun, an chunga chun ka kut chu inlet ka ta, thlalêra inthawka Dibla tieng, an hluona sûng po po chu, ram chu râusana siemin suksieng ka tih; chun, Lalpa chu ka ni ti mi hre tâng an tih,” tiin.

EZEKIEL 6:6

In chêngna hmunhaia po po chun khawpuihai chu suksiet nîng an ta, bâwlhmunhai chu râusan nîng an ta; in maichâmhai chu râusan le suksiet a ni theina ding le in milimhai chu suktliek le suktâwp a nia, in nisa milimhai chu phûr thlûk a na, in sinthawhai chu suktâwp a ni theina dingin.

EZEKIEL 7:12

A hun chu a hung tlung a, a ni chu a hung hnai tah; inchawtu chu hlim naw sienla, a zawrtu khawma pawiti bawk naw raw se; mi po po chungah lunginsenna chu a um si a.

EZEKIEL 7:14

Tawtawrâwt chu an mût ta a, mi po po chu an inringtir vawng ta a; nisienlakhawm, tukhawm indonaa chun an fe naw a; ka lunginsenna chu mipui po po chunga chun a um si a.

NAHUM 1:5

Tlâng lienhai chu ama leiin an inhnîng a, tlâng chînhai chu an intuihmang a; a hmaa chun hnuoi hi ân thin a, anih, khawvêl le a sûnga um po pohai le chun.

NAHUM 2:10

Sukruokin a um a, sukrêm a ni a, suksiet dêr a nih, lungril chu ân tuihmang a, khûphai chu ân vuoktuo a, kâwng po po chu a na ngawi ngawi a, an rênga hmêl chu a dâng zo vawng a nih.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hmâkhat chu Jerusalem chu Jentailhai sirdein um a tih.

THILTHAWHAI 17:6

Chun, anni chu an hmu naw a, Jason le unau dang tuhai amanih khaw hotuhai kuomah an kei lût a, an khêk a, “Khawvêl chawkbuoituhai kha hitaka khawm hin an hung a,

DÂN PAHNINA 28:64

“Chun, Lalpa chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.

DÂN PAHNINA 32:26

‘Sukdar vawng ka ta, Mihriem laia anni hrietzingna chu sukbohmang dai ka tih,’ lo ti hiel tâng ka tih.

DÂN PAHNINA 4:27

Lalpa chun hnam tin lai chun sukdar a ti cheu a, Lalpain ân fe hmangtirna cheu hnamhai lai chun tlâwmte chauin um in tih.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.