ISAI 23:17 - Pathien Lekhabu Inthieng (BSI)

¹⁷ Chun, kum sâwmsari bo hnung chun, Lalpa chun Tura khuo chu hung sir a ta, chuongchun, ama chu a hlaw hnawtin um nâwk a tih, hnuoi chunga khawvêl ram po poa nawchizawrin um a tih.

ISAI 23:17 ပူးပေါင်းရင်းမြစ်များ

ISAI 23:15

Chun, chu nia chun, Tura khuo chu, lal pakhat kum tiem a, kum sâwmsari sûng chu theinghilin um a tih; kum sâwmsari bo hnung chun nawchizawr hlaa an hril angin Tura khaw chunga chun la tlung a tih:

ISAI 23:16

“Nang nawchizawr mihai theinghil ta hnung! ṭingṭang la la, tuol fang rawh, ṭingṭang kei la, hla tamtak sak rawh, hrieta i um nâwk theina dingin.”

JEREMIA 25:11

Chuongchun, hi ram pumpui hi rausan le maktiah um a ta; chun, hnamhai chun kum sâwmsari sûng Babulon lal rawng chu bâwl an tih.

JEREMIA 29:10

Lalpa chun hieng hin a ti si a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

EZEKIEL 16:25

Lam tluongpui tinahai chun i hmun insânghai chu i bâwl a, i mawina chu tirdakumnain în changtir a, mi a hung khêl taphawt che kuoma chun în hlîm a, i hurna chu i sukpung ta a.

EZEKIEL 16:26

I tuolbâwm, tisa ropuina, Aigupta mi le khawm chun i lo uire ta a; lunginsennaa mi chophâwk dingin i hurna chu i sukpung ta a.

EZEKIEL 16:31

Lampui tluong tinahai chun i hmun langsârhai chu i bâwl a, kawtthlêr tinahai chun i hmun insânghai chu i siem bawk a; hawman khawm i lâk nawnaa hin nawchizawr el ang khawm i ni nawh.

EZEKIEL 22:13

Chuleiin, ngai ta, i hlêpna ringum lo, i lo thaw tah le, i sûnga i thisen i lo insuo tâk chunga chun ka kuthai ka ben el a nih.

MIKA 1:7

A milem siemfâwmhai po po chu sukkawi hâwp vawng nîng an ta; a nawchizawr manhai chu meia raw hmang nîng a tih, a milemhai po po chu sukbohmang ka tih; nawchizawr mana a lâk khâwm a ni leiin, nawchizawr man bawkin ṭhang an tih.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

NAHUM 3:4

chuong chu, nawchizawr hmêl ṭha, dawithiemnu, a uiretna leia hnam zawr a, dawi chîngna leia sûngkuo zawrtu uiretna nasatak leia hung um a nih.

ZEPHANIA 2:7

Chu vakam hrûl chu Juda sûngkuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; Lalpa an Pathien chun anni chu hung sir a ta, an sal intângna chu a hlîppêk ta ding a ni si a.

THILTHAWHAI 15:14

Pathienin ama hming put dingin, anni laia mihai la suok dingin Jentailhai a hung kan tîr thu kha, Simeon hin a hril tah.

DÂN PAHNINA 23:18

Nawchizawr man amanih, pasal inzawr man amanih, thutiemna dingin Lalpa in Pathien inah in chawi ding a ni nawh; a ieng ieng khawm chu Lalpa in Pathien ngaiin thil tirdakum a nih.

1 TIMOTHE 3:3

uoin inrui hmang naw, mi vuo hmang naw, mi nunnêmtak ni lem ding, mi kâwmaw ni lo, tangka sum ngaina naw mi,

1 TIMOTHE 3:8

Chuong ang bawkin, kohran rawngbâwltuhai chu mi inzaum an ni ding a nih; bâutam dâm, uoin he dâm, hlêpna inthieng nawa duâm mi an ni ding a ni nawh;

1 PETER 5:2

Nangni laia Pathien Pâwlhai chu enkawl ro. Thaw ding a ni lei ni lovin, Pathien thu anga inhâwk pum lemin, hlêpna tirdakum dit lei ni lovin, lungrila inhâwktak lemin,

THUPUONGSUO 19:2

A rorêlnahai chu ân dikin a fel a nih. Ama chun nawchizawr ropuitak, a mi dit chîng leia hnuoi sukkhawhlotu chu, a ro a rêl a, a suokhai thisen insuo phuba chu a kutin a lâk ta hi, an ti ka hriet a.”