ISAI 22:24 - Pathien Lekhabu Inthieng (BSI)

²⁴ Amaa chun a pa sûnghai ropuina po po chu la khai vawng an ta, a nauhai le a thlahai, bûr le bêl chîn tinrêng, berbu bûr le bêla inthawka tui siena bûr le bêl po po chenin.

ISAI 22:24 ပူးပေါင်းရင်းမြစ်များ

ISAI 22:23

Ama chu kilna hi hmun dettaka an kil tlat angin, sukdet tlat ka ta, chuongchun, ama chu a pa sûnghai ta dingin lalṭhungpha ropuitak ding nîng a tih.

ISAI 22:25

Chu nia chun, kilna, hmun nghettaka kil tlata um chun la dâwl naw nih; sât thlâka umin, tla tâng a ta, a chunga thil rik um chu sukbohmangin um tâng a tih, Lalpain chu chu a hril ta si, sipaihai Lalpa chun a tih,” tiin.

EZEKIEL 15:3

Ieng ang sin khawm thawna dingin chutaka inthawk chun thing lâk suok thei a ni ding am a nih? Annawleh, mihaiin bûr le bêl, khaina dingin a kâute an lâk ding am a nih?

ZEKARIA 6:13

Lalpa biekin ngei chu hung bâwl a tih; ama chun ropuina chu khum a ta, a lalṭhungphaa ṭhungin ro rêl a tih; a lalṭhungpha chunga chun thiempu nîng a ta, an pahnia inkâra chun inremna thurêl chu um a tih,’ tiin.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.