ISAI 22:14 - Pathien Lekhabu Inthieng (BSI)

¹⁴ Chuongchun, sipaihai Lalpa chun ka naah ân hriettir a, “Matheilovin hi suolna hi in thi hmakhat chun nangni laia hi sukfai ni ta naw nih, Lalpa, sipaihai Lalpa chun a tih,” tiin.

ISAI 22:14 ပူးပေါင်းရင်းမြစ်များ

2 SAMUEL 6:23

Chuongchun, Saula naunu Mikal chun a thi chenin nau a nei ta naw a.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 26:21

Ngai ta u, Lalpa chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

ISAI 30:13

hi khawhlona hi nangni ta ding chun lung bang insângtak a se lai, chim vâng vâng, pâwng pûr, kârlova, mitkhapkârlova se rup ding ang hi a ni ding a nih.

ISAI 31:2

Râwn naw hai sien khawm ama chu vartak i sawnnaw, thil ṭha naw hung intlungtir a ta, a thuhai chu inkîr naw ni: thil ṭha naw thawtuhai sûnghai thaw dingin tho lem a ta, thil suksuoltuhai ṭhangpuina do dingin tho bawk a tih.

ISAI 5:9

Sipaihai Lalpa chun ka naah hieng ang hin a tih, “Titakzetin in tamtak, lientak tak, mawitak takhai chu a thlûttu um lovin la ram a ta;

ISAI 65:20

Chutaka inthawka suok chu nautê ni sâwt nawtê dam um naw ni hai a, putar a dam sûng nihai tlingtla naw um bawk naw ni hai: naupang chu kum za mi niin a thi ding a ni si a, mi suol kum za chau dam chu ṭawngsephur a ni ding a nih.

ISAI 65:7

nangni khawhlona le in puhai khawhlona chu, Lalpain a tih, chuonghai chun tlâng lien chungahai thil rim inhnik an raw a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

EZEKIEL 24:13

I pawrchenaa chun hurna a um a; ka sukfai che a, sukfaia i um naw leiin, i pawrchenaa inthawkin sukfai ni ngai ta hrim hrim naw ti ni, ka lunginsenna hi i chunga ka suklungâwi hmakhat chun.

AMOS 3:7

Indiktakin Lalpa Pathien chun a rawngbâwltu, a zâwlneihai kuoma a thurûk hril lovin iengkhawm thaw naw ni.

AMOS 8:7

Lalpa chun Jakob ropuina sâlin ṭawng ân khâm a, “Matheilovin, an sinthaw hrim hrim theinghil dêr naw ning ah,” tiin.

1 SAMUEL 3:14

Chuleiin, Eli sûngkuo kuoma chun Eli sûnghai bawsietna chu inthâwinain amanih, thilinhlânin amanih iengtika khawm sukkieng thei ni naw nih, tiin ṭawng kân khâm tah a nih,” a ta.

1 SAMUEL 9:15

Chun, Saula hung hma ni khata chun Lalpa chun Samuel chu a lo hril rûk a,