ISAI 21:3 - Pathien Lekhabu Inthieng (BSI)

³ Chuleiin, ka kâwnghai hi natna nasatakin a sip a, nuhmei nau invawi natna angin natnain a mi man ta a; naa hre thei lo khawp hielin na ka tuor a; khaw hmu thei lo khawp hielin ka lunginzîng a.

ISAI 21:3 ပူးပေါင်းရင်းမြစ်များ

INPÂKNA HLABU 48:6

Chutaka chun inthinnain a man a, Nuhmei nau invawi natna angin a man bawk a.

ISAI 13:8

chun, ṭîng an ta, natna le lungninawnahai chun man tâwl a tih; nuhmei nauhase angin nâng an ta, mak inti tuong an ta; an hmêlhai chu meichawk hmêl ang ni tâwl a tih.

ISAI 15:5

Moabhai leiin ka lungril chu a khêk a; an mi ṭhahai chu Zoar khuoa le Eglath-selisijah-ah an tlân a, Luhith lam tunga chun ṭap pumin an fe a nih; Horonaim lampuia chun sietna khêkin an khêk suok a nih.

ISAI 16:11

Chuleiin, ka rîhai chu Moab lunginsiet leiin ṭingṭang angin ân ri a, ka phîng sûng chu Kirheres lunginsiet leiin ṭingṭang angin ân ri bawk a.

ISAI 16:9

Chuleiin, Sibma grêp hrui chu Jazer ṭain ṭâng ka tih; aw Hesbon le Eleale, ka mitthli hin buok ka ti che: i nipui rahai chunga le i bu sîk chunga chun indona ri chu a tla ta si a.

ISAI 26:17

Nuhmei nau vawn, nei hun ta chu, a na hlak a, nauhasea a khêk rawng rawng hlak ang hin, aw Lalpa, keini khawm i hmaah kan um hlak kha.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 48:41

Kerioth chu lâkin a um a, kul dethai chu maktiin an um a; chu ni chun Moab mi thilthawthei lungril chu nuhmei na tuor lai lungril ang nîng a tih.

JEREMIA 49:22

Ngai ta u, hung suok a ta, mupui angin vuong a tih, chun, a thlahai chu Bozra chunga chun phar a ta; chun, chu nia chun Edoma mi thilthawtheihai lungril chu nuhmei na tuor lai lungril ang nîng a tih” tiin.

JEREMIA 50:43

Babulona lal chun an ri chu a lo hriet a, a kuthai chu a hung chau a, ama chu lunginzîngna chun a man ta a, nuhmei nauhase nat tuor angin a na ta a.

JEREMIA 6:24

Chu thuthang chu kan lo hriet a; kan kuthai chu a hung châu a, lungzîngna chun keini a mi man a, nuhmei nauhase nat tuor ang el chun keini chu a mi chip a nih.

HABAKKUK 3:16

Ka hriet a, ka phîngsûng chu ân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

JOHAN 16:21

Nuhmeiin nauha ân vawiin a lungngai hlak, a hun a tlung ta leiin, nisienlakhawm, nau a hung nei phing chun a thlaphâng chu a hriet nâwk ta ngai nawh, khawvêla mihriem hung pieng chu a lâwm leiin.

DÂN PAHNINA 28:67

Zîngtieng chun, ‘Zântieng ni ta sien aw,’ tîng in ta, zântieng chun, ‘Zîngtieng ni ta sien aw,’ tîng in tih; thil ṭium in lungrilin a ṭi ding le in mita in thil hmu ding lei chun.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.