ISAI 21:1 - Pathien Lekhabu Inthieng (BSI)

¹ Tuipui thlalêr phurrik chu. Sim rama thlivirin hung mûthmât peiin, thlalêra inthawkin, ram ṭiumtaka inthawk chun, a hung ie.

ISAI 21:1 ပူးပေါင်းရင်းမြစ်များ

JOB LEKHABU (THE BOOK OF JOB) 37:9

Simtieng pindana inthawk chun thlipui a hung a, Hmârtienga inthawkin phalbi a hung bawk a.

ISAI 13:1

Babulon phurrik Amoz naupa Isaiin a hmu chu.

ISAI 13:13

Chuongchun, vân khi sukthin ka ta, sipaihai Lalpa lunginsen leiin; a lunginsenna nasatak nia chun, hnuoi khawm hi a umna hmun sawn dawr khawpa sukhnîngin um a tih.

ISAI 14:1

Lalpa chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni si a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 14:14

sûm nêka insâng lemahai khin hang fêng ka ta, Achunghnungtak angin um ka tih,’ i ti hlak vei le khan.

ISAI 14:23

Saku ta dingin roah siem ka ta, tuihai ta dinga intling khâwmnaah siem bawk ka tih; sukbohmangna hmunphiin phît bawk ka tih, sipaihai Lalpain a tih.

ISAI 17:1

Damaska khaw phurrik chu. Ngai ta, Damaska chu khawpui ni ta lo dingin lâk hmang a ni tah; chuongchun, in chim khâwm el ni tâng a tih.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

ISAI 5:28

an thalhai chu inzumtak a na, an thalngulhai po po chu kuoi sain a um ṭhup a; an sakawr tinhai chu meitâwklung ang nîng an ta, an tawlailîr kehai chu thlivir ang ela ngai ni bawk an tih.

JEREMIA 51:1

Lalpa chun hieng hin a tih: “Ngai ta u, Babulon chunga le, Kaldaia chêngtuhai chunga chun suksietna thli hung inhrângtir ka ta.

JEREMIA 51:42

Babulon chunga chun tuisuoriet chu a hung luong a, tuifâwn tamtakhai chun a hung inkhum ta a.

JEREMIA 51:51

Kâwkna chu ei hriet tâk leiin ei inzak a, buoinahai chun ei hmaihai khawm an inkhum ta a, Lalpa ina hmun inthienga chun mikhuolhai chu an hung lût ta si a.

EZEKIEL 1:4

Chun, ka hang en a, ngai ta, hmârtienga inthawkin thlipui nasatak a hung hrâng a, sûm nasatak, meia inlap pup pup, a vêl po poa var, a mei lai tak darsen tle anga tle zur zur a um a.

EZEKIEL 30:11

Ama le, a kuoma a mihai, hnamhai ṭisim chu ram sukse dinga hung ṭhuoilût nîng an ta, Aigupta chu doin an kâwlhnâmhai phawi an ta, ram chu mi thatin suksip an tih.

EZEKIEL 31:12

Ram dang mi hnamhai ṭisimhai chun, ama chu an sât thlâk a, ama chu an mâksan ta a; tlâng chungahai le phairuom po poahai chun a kâuhai chu an tla a, a kâuhai po po chu rama tui luongnahai chun an suktliek bawk a; hnuoia hnam tinhai chu a hlima inthawk chun an fe thla a, an mâksan ta a.

EZEKIEL 38:9

Nang chu hang fêng i ta, thlipui angin hung i ta; chun, nang le, i pâwlhai po po le, hnam tamtak nangma kuoma umhai chu chu ram inkhumtu sûmpui ang chu nîng in tih.

DANIEL 11:40

Chun, hun tâwpa chun simtieng lal chun ama chu nawr a ta; hmârtieng lal chun lawng tamtakhai leh, sakawr chung chuong mihai leh, sakawr tawlailîrhai leh phaivaw hrâng ang elin ama chu hung rûn a tih; chun, ramhaia chun hung lût a ta, palzêl a ta, fe thleng a tih.

ZEKARIA 9:14

Lalpa chu anni chunga chun hmu nîng a ta, a thal chu kâwlinlep angin fe suok a tih; chun, Lalpa Pathien chun tawtawrâwt chu mût a ta, simtieng thlivir le chun fêng a tih.