ISAI 20:4 - Pathien Lekhabu Inthieng (BSI)

⁴ Assuria lal chun Aiguptahai manhai le Ethiopiahai salhai chu, a nuhmei a pasalin, saruok le kekawk bun lo le mawng inlangin Aiguptahai muolphona dingin ṭhuoi hmang a tih.

ISAI 20:4 ပူးပေါင်းရင်းမြစ်များ

2 SAMUEL 10:4

Chuongchun, Hanun chun David mihai chu a man a, an khâkhmul chenve a vâwpêk a; chun, an silfênhai chu a laitakah an mawng tlung chauin a tanpêk bawk a, ân fetir ta a.

1 CHANCHIN SUINA 19:4

Chuongchun, Hanun chun David siehlawhai chu a man a, an hmul a vâwpêk a, an silfênhai chu a laiah, a mawng tlung rakin a thlêrpêk a, anni chu a tir hmang ta a.

ISAI 19:4

Chun, Aigupta mihai chu hotu nunsetak kutah inhlân ka ta; lal nunsetakin an chungah ro rêl tâng a tih, Lalpa, sipaihai Lalpa chun a tih.

ISAI 3:17

Lalpa chun Zion naunuhai lusîpa chun pânna khir inumtir a ta; Lalpa chun an zamawhai khawm suklang a tih,” a ta.

ISAI 31:2

Râwn naw hai sien khawm ama chu vartak i sawnnaw, thil ṭha naw hung intlungtir a ta, a thuhai chu inkîr naw ni: thil ṭha naw thawtuhai sûnghai thaw dingin tho lem a ta, thil suksuoltuhai ṭhangpuina do dingin tho bawk a tih.

ISAI 31:3

Aigupta mihai chu Pathien an ni naw a; mihriem el an na; an sakawrhai chu thlarau an ni naw a, tisa el an na; chuongchun, Lalpain a kut a phar pha chun a ṭhangpuitu chu pêm thlawk thlawk a ta, a ṭhangpuina khawm chu tlûng a ta, an rêng chun bohmang vawng lem an tih.

ISAI 47:2

Bu râwtnawina lunghai la la, beiphit siem rawh: în khumna puon kha sie la, i fenfuol kha hlîp la, i ke kha hâwk la, vadunghai pal kai rawh.

ISAI 47:3

I saruokna chu inkhum lovin um a ta, anih, i zamaw chu inlang a tih; phuba lâng ka ta, mi tukhawm inrempui naw ningah.

JEREMIA 13:22

I lungril chun, “Hieng thilhai hi iengtiziea ka chunga hung tlung am a na?” i ti a ni thei a; i suolna tam êm lei chun i fênthuo chu hlîm a na, suolluina i tuok a nih.

JEREMIA 13:26

Chuleiin, kei khawma i fênthuo chu i hmai chunga chun hlîm ka ta, i înzapui chu inlang a tih.

JEREMIA 46:19

Aw nang naunuhmei Aigupta rama chêng, sala intâng dinga fe dingin incheibâwl rawh, Noph chu râusan nîng a ta, hluotu boin a kâng ding a ni si a.

JEREMIA 46:26

anni chu an hringna zawngtuhai kuta le, Babulon lal Nebukadnezzar kuta le, a siehlawhai kuta chun pe suok ka tih; chu hnunga chun, tienlaia ang bawk khan hluoin um tâng a tih; Lalpa chun a tih.

EZEKIEL 30:18

Tehaphnehesa chun ni chu hung inthim a ta, chu pha chun Aigupta rîngkawlhai chu suktliek ka ta, amaa chun a thilthawtheina chapona chu tâwp tâng a tih; ama chu sûmpuiin hung inkhum a ta, a naunuhmeihai chu salah fêng an tih.

AMOS 9:7

Lalpa chun, “Aw Israel nauhai, ka chungah Ethiopia nauhai angin in um naw am a nih? Aigupta rama inthawka Israel le Kaphtor rama inthawk Philistin mihai le Kir rama inthawka Suria mihai ka ṭhuoi suok nâwm a nih?

MIKA 1:11

Aw Sapphir mi, saruok le inzaktakin fe hmang rawh; Zaanan mi chu a hung suok nawh; Bethezel ṭapna chun ngîr chankhal a ti cheu.

NAHUM 3:10

Chuong sa khawm chun lâk hmangin a um a, salah ân tâng a: kawtthlêr tin tâwpah a naupangtehai chu an pei nawipêk a; a mi ṭhahai ta dingin ai an sân a, a mi lienhai po po chu khaidieta khuop an nih.

ZEPHANIA 2:12

Nangni Ethiopia mihai khawm ka kâwlhnâma sât hlum nîng in tih.

THUPUONGSUO 3:18

i hung hausak theina dingin rângkachak meia sukthieng dâm, puon i sil theina ding le i saruok zamaw chu ân lang nawna dingin puon vâr dâm, i hmu theina dingin i mita i nâl ding mitna hlo dâm ka kuoma inchaw dingin ka ngên che.