ISAI 20:2 - Pathien Lekhabu Inthieng (BSI)

² chu lai chun Lalpain Amoz naupa Isai bauin, “Fe la, i kâwnga saiip puon kha hlîp la, i kea kekawk kha sie rawh,” tiin a hril a. Chuongchun, chuong ang chun a thaw a, saruok le kekawk bun lovin a fe a fe ta a.

ISAI 20:2 ပူးပေါင်းရင်းမြစ်များ

2 SAMUEL 15:30

Chuongchun, David chu Oliv tlâng hang fenaa chun a hang fe a, fe malam chun a ṭap malam pei a, a lu a khum a, ke ruokin a fe a; chun, a kuoma mi po pohai chun an lu an khum seng a, ṭap pum peiin an hang fe a.

2 SAMUEL 6:20

Chuongchun, David chu a sûnghai malsâwm dingin a fe ta a. Chun, Saula naunu Mikal chu David tuok ding chun a hung suok a, “Vawisûna Israel lal chu a va ropui de! Mi hotak inzakna châng hre lo, ruoka um ang elin vawisûn khan a siehlaw nunghâkhai mithmuah ruokin a um kha teh!” a lo ti a.

2 LALHAI 1:8

Anni chun, “Ama chu sahmul puon sila, a kâwng chu kâwngkhia inhrên a nih,” tiin an dawn a. Chun, ama chun, “Tisbe mi Elija kha a ni chu,” a ta.

INPÂKNA HLABU 30:11

Ka mithi ngaina chu ka ta dingin lâmnaah în changtir a, Ka saiip puon chu i mi hlîppêk a, ka kâwngah hlimnain i mi khit ta a:

FESUOKNA 3:5

Ama chun, “Hitaka hi ka um,” a ti a. Pathien chun a kuomah, “Hi tieng hi hung hnai naw rawh: i kephaa inthawkin i kekawkhai kha hlîp rawh; i ngîrna hmun kha hnuoi inthieng a ni si a,” a ti a.

ISAI 1:1

Amoz naupa Isaiin Judahai lal Uzzia, Jotham, Ahaz le Hezekia hai inlal laia Judahai le Jerusalem chungchâng thua inlârna a hmu chu.

ISAI 13:1

Babulon phurrik Amoz naupa Isaiin a hmu chu.

ISAI 37:2

Chun, a sûnghai chunga hotua um Eliakim le lekhaziektu Sebna le thiempuhai upahai chu saiip puon inbelin Amoz naupa zâwlnei Isai kuomah a tir a.

JEREMIA 48:37

“Lu tin chu a kâwk a, khâkhmul tin kildein a um a; kut po pohai chun thil chepnawi an chawi a; kâwnghai chunga chun saiip puonhai a um bawk a.

EZEKIEL 24:17

Inthuok huoi la, amiruokchu, inring lovin, mithi ta ding chun sûnna siem naw la, i lukâwm chu kâwm la, i kehaia chun i kekawkhai chu bun la, i hmûrhai chu hup naw la, lusûntuhai bei chu fa naw rawh,” tiin.

EZEKIEL 24:23

In lu haia chun in lukâwmhai chu kâwm in ta, in kekawkhai chu in kehai chun bun in ta; ṭap naw ti niu a, sûn bawk naw ti niu; amiruokchu, in suolnaa chun riral lem in ta, insûntuo lem in tih.

EZEKIEL 4:1

“Nang khawma, mihriem naupa, ṭêklei phêk la la, a chunga chun khawpui, Jerusalem khawpui lim chu inngîr la;

EZEKIEL 4:5

An suol kum zât chu i ta ding chun i ni dingin, ni za thum le sâwmkuo ni dingin ka ruot ta si a, chuongchun, Israel sûngkaw suolna chu i phur ding a nih.

MIKA 1:11

Aw Sapphir mi, saruok le inzaktakin fe hmang rawh; Zaanan mi chu a hung suok nawh; Bethezel ṭapna chun ngîr chankhal a ti cheu.

MIKA 1:8

Hi hi lei hin ṭap ka ta, khêk rak rak ka ta, ke lâwng le saruokin invâk ka ta, sihalhai angin khêk ka ta, varîngseihai angin inrûm ka tih.

ZEKARIA 13:4

Chun, chuong ni chun hieng hi hung nîng a ta, thu a hrillâwk lai chun, zâwlnei po pohai, mi tin el chun mâni thilhmulâwk chu inzâpui an ta; hlêm dingin puon inhmul sil naw bawk an tih;

MATTHAI 16:24

Chun, Isûn a închûktirhai kuomah, “Tukhawmin mi zui a nuom chun, mâni inhnâwlin, a kraws putin, mi zui raw se.

MATTHAI 3:4

Chun, Johan chun sanghâwngsei hmul puon a sil a, a kâwng chu savun kâwngkhiin ân khit a; a bu chu khâuṭhikṭhi le ram khuoizu a nih.

JOHAN 21:7

Chuongchun, inchûktir Isûn a ihmangai khan Peter kuomah, “Lalpa a ni saw,” a ta. Chuongchun, Lalpa a nih ti Simon Peter chun a hriet phingleh, a silfên ân bel a, (ruoka um a ni si a,) dîlah ân châwm thla ta a.

THILTHAWHAI 19:16

Chun, khawhri iman chun anni a hung baw a, an rêngin a hne a, a ngam ta lem a; chuongchun, chu ina inthawk chun saruok le hliem hielin an tlân suok ta a.

THILTHAWHAI 21:11

Kan kuomah a hung a, Paula kâwnghrên a lâk a, a kehai, a kuthai ama le ama ân khuop a, chun, “Jerusalema Judahai chun hi kâwnghrên neitu hi hieng ang hin khuop an tih, Jentailhai kutah pe bawk an tih, Thlarau Inthiengin a tih,” a ta.

JOSUA 5:15

Chun Lalpa sipaihai hotu chun Josua kuomah, “I kephaa inthawkin i kekawk kha hlîp rawh, i ngîrna hmun kha ân thieng a nih,” a ta. Chuongchun, Josua chun chuong ang chun a thaw ta a.

THUPUONGSUO 11:3

Chun, ka thu hretu pahnihai kuoma chun thu pêng ka ta, chuongchun, saiip puon silin ni sâng khat za hni sâwmruk sûng po thu hril an tih,” a ta.

1 SAMUEL 19:24

Chun, ama khawmin a silfênhai a hlîp ve a, Samuel hmaa chun thu a hril ve ta nuk nuk a, chu ni zânkhuo le sûnnithlâk chun ruokin a zâl a. Chuleiin, “Saula khawm chu zâwlneihai lai a ṭhang ve el am a ni tah?” ti hi an chîng sawng ta a.