ISAI 2:2 - Pathien Lekhabu Inthieng (BSI)

² Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

ISAI 2:2 ပူးပေါင်းရင်းမြစ်များ

INṬANNA 49:1

Chun, Jakobin a naupasalhai chu a ko a, a hril a; “Ni nuhnunghaia in chunga thil la tlung ding chu ka hril theina ding cheuin hung inkhâwm ro.

JOB LEKHABU (THE BOOK OF JOB) 19:25

Amiruokchu, ka tlantu chu a hring a nih ti ka hriet a, A tâwpa chun hnuoi chunga hin la ngîr ngei a tih.

INPÂKNA HLABU 102:23

Ama chun lam kâra hin ka tha a sukṭhum a, Ka dam sûng hi a suktâwi a.

INPÂKNA HLABU 2:8

Mi hni rawh, chuongchun, i rohluo dingin hnam tin pêng ka ti che a: Kâwlkil tâwp chenin i ro dingin pe bawk ka ti che.

INPÂKNA HLABU 22:27

Kâwlkawdawnga mi po po khawmin hre nâwk an ta, Lalpa tieng ngha tâng an tih: Hnam tina chi tin i hmaah kûn an tih.

INPÂKNA HLABU 22:28

Ram chu Lalpa ta a na, Hnam tin chungah rorêltu a ni si a.

INPÂKNA HLABU 48:2

Insâng zâwnga mawitak, khawvêl po po hlimna chu, Zion tlâng chu a nih, hmar tieng panga, Lal ropuitak khawpui chu.

INPÂKNA HLABU 68:17

Pathien tawlailîr chu a sînga sîng, a sânga sâng tamtak a nih. Lalpa chu Sinai tlânga a um ang khan, chuong laia chun hmun inthiengah a um tah.

INPÂKNA HLABU 72:8

Ama chun tuipui pakhata inthawka tuipui dang chenin ramawp nei a ta, Vadungpuia inthawka kâwlkawdawng chen khawmin.

INPÂKNA HLABU 86:9

Aw Lalpa, i siem hnam tinrênghai chu hung an ta, i hmaah hung kûn an ta, I hming chu hung chawimawi an tih.

INPÂKNA HLABU 87:1

A lungphûm chu tlâng inthiengahai chun a um a.

INPÂKNA HLABU 87:2

Lalpa chun Zion kul kawtkhârhai chu, Jakobhai umna po po nêkin a ngaina lem a nih.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 25:6

Chun, hi tlânga hin sipaihai Lalpa chun mi tinrênghai ta dingin thil thauhaiin ruoi ṭhêng a tih, uoinhai a fe le inchie zing, thil thautakhai thlina sip, uoinhai a fe le inchie zing ṭhataka thlit fai chu.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, Lalpa chu chibai bûk an tih.

ISAI 30:29

Chun, zâna ruoiṭhe inthienga an ṭhe a, hla an sak angin hla sak in tih; Lalpa tlânga Israelhai Lungpui kuom tlung dinga theihle le an fe laia lungril hlimna an nei angin lungril hlimna khawm nei in tih.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 56:5

an kuomah ka in sûnga le ka kul sûnghaia chun naupasalhai le naunuhmeihai neituhai nêk chun hriet zingna ṭha lem le hming ṭha lem pêng ka tih; an kuomah kumkhaw hming, sukbohmang nâwk ta naw ding pêng ka tih.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

ISAI 60:3

Chuongchun, hnam tin chu i var tieng chun hung an ta, lalhai khawm i hung suok varna tieng chun hung bawk an tih.

ISAI 65:11

Nisienlakhawm, nangni Lalpa mâksana, ka tlâng inthieng theinghila, Vângneina Siemtu ta dinga dawkân buotsaia, Chantâwka Khawrêltunu dinga uoin chawkpawl sa suksip hlaktuhai;

ISAI 66:20

Israel thlahaiin an thilinhlân chu bûrlebêl inthiengtaka Lalpa ina an hung lâklût hlak ang hin, Lalpa kuoma thil inhlân dingin hnam tin laia inthawka in unauhai po po chu sakawr chunga dâm, tawlailîra dâm, zâwnnaa dâm, sabengtung lien chi chunga dâm, sanghâwngsei chunga dâm, Jerusalem ka tlâng inthienga chun hung ṭhuoi an tih; Lalpain a tih.

ISAI 66:23

Chun, hieng hi hung nîng a ta, thla thara inthawka thla thar dang chenin, châwlnia inthawka châwlni dang chenin mi po po ka hmaa chibai mi bûk dingin hung zut zut an tih, Lalpain a tih.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

JEREMIA 23:20

Thawa a um hmakhat chun Lalpa lunginsenna chu hung kîr nâwk naw ni, a lungrila a thiltum a thaw hmakhat chun: hi hnung tienga chun la hung hre chieng hlêng in tih.

JEREMIA 26:18

“Moras mi Mikaia khan Juda ram lal Hezekia inlal laiin thu a hril a; Juda rama mi po pohai kuoma chun ‘Sipaihai Lalpa chun hieng hin a tih: Zion chu lo anga inlet nîng a ta; Jerusalem chu hmunhnawk sienkhâwm nîng a ta, in hmun tlâng chu ramhnuoia bâwlhmun tlâng ang nîng a tih,’ tiin.

JEREMIA 3:17

Chu pha chun Jerusalem chu Lalpa lalṭhungpha tiin inbûk an ta, hnam po pohai chu chutaka chun kei khâwm nîng an ta, Lalpa hmingin Jerusalema chun, an lungril rilo ngarna ang chun fe khâwm nâwk ta ngai naw ni hai.

JEREMIA 30:24

A thaw hmakhat chun Lalpa lunginsenna chu hung kîr nâwk ta naw ni a; a lungrila a tum chu a thaw hmakhat chun: hi hnung tieng nihaia chun la hrieng in tih,”tiin.

JEREMIA 31:12

Chun, hung an ta, Zion tlâng insângna laiahai chun hla hung sak an ta; Lalpa ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

JEREMIA 48:47

Nisienlakhawm, Moab sal intângna chu nakie tieng niahai chun la hung la kîr nâwk ka tih, Lalpa chun a tih”tiin. Moab chunga rorêlna chu chuong chen chu a nih.

JEREMIA 49:39

Amiruokchu, ni nuhnungahai chun hieng hi hung nîng a ta; Elam sal intângna chu hung la kîr nâwk ka tih, Lalpa chun a tih”tiin.

JEREMIA 51:44

Babulona Bêl chu hrem ka tih; a ilem tahai khawm chu a baua inthawkin hung la suokpêk ka tih; chuongchun, hnamhai chu ama kuoma chun luong hmunkhat ta ngai naw ni hai a, anih, Babulon kulbang chu chim a tih.

EZEKIEL 38:16

ka mi Israelhai chu hung do i ta, sûmpuiin ram a hung tuom ding ang elin; chun, ni nuhnungahai chun aw Gog, an mithmu ngeia nangmaa sukthienga ka um phaa hnam tamtakhai chun an mi hriet theina dingin, ka ram chu indodâl tir ka ti che.

EZEKIEL 40:2

Pathien thil hmulâwknaa chun Israel ramah a mi ṭhuoi a, tlâng insângtak, a simtienga chun khawpui riruong chu a um a, chutaka chun a mîn ṭhum ta a.

DANIEL 10:14

Ni nuhnungahai chun i mihai chu iengin am a hung tlâkbuok ding a na ti inhriettir ding chein tuhin ka hung a nih; thilhmulâwk kha ni tamtakhaia ding a la ni chau si a,” a ta.

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

DANIEL 2:35

Chun, thîr dâm, pil dâm, dârsen dâm, tangkaruo dâm le rângkachak dâm chu inang rawngin an innawi ta a; nipui laia hrizâwlhaia busi ang el an hung ni ta a; chun, anni ta ding hrimin hmun hmu a ni ta naw a, thli chun a lên hmang vawng ta a; chun, kha lung milim deltu kha tlâng ropuitak a hung na, khawvêl po po a hluo sip ta a.

DANIEL 2:45

Chun, tlânga inthawka lung chu kuthai ṭhang lova sât thlâka uma, thîr dâm, dârsen dâm, pil dâm, tangkaruo dâm le rângkachak dâm chu a nâwia a sukkawi i hmu ta ang khan, Pathien ropuitak chun hi hnunga thil hung um ding lal kuoma chun a hung inhriettir a ni hi; mang chu indik ngei a ta, a umzie khawm chu indik bawk a tih,” a ta.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

ZEKARIA 14:10

Ram po po chu Araba, Gebaa inthawka Jerusalem sima Rimmon tienga a lêtkîr angin inher tâng a ta; chun, Jerusalem chu chawisângin um a ta, ama hmun ngei, Benjamin in kawtkhâra inthawka kawtkhâr hmasatak, kul kil kawtkhâr chen le, Hananel in insânga inthawka lal uoin sâwrna khur chenin, chang tâng a tih.

ZEKARIA 14:9

Chun, Lalpa chu leihnuoi po po chunga laltak ni tâng a ta, chu nia chun Lalpa chu pakhat nîng a ta, a hming khawm pakhat chau nîng a tih.

ZEKARIA 8:22

Anih, chi tamtakhai le hnam hrâttak takhai chu Lalpa ditsakna chu ngên ding le, Jerusalema sipaihai Lalpa chu zawng dingin la hung an tih,” tiin.

ZEKARIA 8:3

Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.

MALAKI 3:12

Chun, hnam tinhai chun vângnei tîng an ti cheu a, ram hlimumtak a hung ni ta ding a ni si a, sipaihai Lalpa chun a tih.

NAMBAR 24:14

Ngai ta! tuhin ka mihai kuomah ka fe ding a nih; hung la, hieng mihai hin hi hnunga i mihai chunga an thaw dân ding hril ka ti cheu,” a ta.

THILTHAWHAI 2:17

Pathienin, ‘Ni nuhnungahai chun hieng hi nîng a ta, Mi po po chungah ka Thlarau buok ka ta; Chuongchun, in naupahai, in naunuhaiin ka thu hril an tih; In tlangvâlhaiin inlârnahai hmûng an ta, In tarhaiin mangah mang an ta;

2 TIMOTHE 3:1

Chun, hi hi hre rawh, ni nuhnungahai chun hun khirtakhai hung um a tih.

HEBRAIHAI 1:2

hieng ni nuhnunghaia hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.

2 PETER 3:3

Hi hi hre hmasa unla, ni nuhnungahai chun nuisawtuhai chu, anni châkna anga umin, nuisaw pumin hung an ta,

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 20:4

Chun, lalṭhungphahai ka hmu a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk lova, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.