ISAI 2:19 - Pathien Lekhabu Inthieng (BSI)

¹⁹ Chun, hnuoi hi nasatak taka sukhnîng dinga a tho pha chun, Lalpa ṭiumnaa inthawk le a mawina ropuinaa inthawk chun mihai chu lungpui pûkahai le hnuoi kuoahai chun lût an tih.

ISAI 2:19 ပူးပေါင်းရင်းမြစ်များ

2 SAMUEL 22:46

Hnam danghai chu an lungril a beidawng zo a, An kulbînghaia inthawk dâm chun inthin pumin hung suok an tih.

JOB LEKHABU (THE BOOK OF JOB) 9:6

Hnuoi chu ama hmuna chun a sukhnîng a, Chutaka banhai khawm chu ân hnîng bawk a.

INPÂKNA HLABU 7:6

Aw Lalpa, lunginsenin tho la, A mi dotuhai lunginsenna doin inthawk la, Ka ta dingin insukhar la, rorêlna ding thu i pêk ta si a.

ISAI 13:13

Chuongchun, vân khi sukthin ka ta, sipaihai Lalpa lunginsen leiin; a lunginsenna nasatak nia chun, hnuoi khawm hi a umna hmun sawn dawr khawpa sukhnîngin um a tih.

ISAI 2:10

Lalpa ṭiumnaa inthawk le a mawina ropuinaa inthawk chun lungpuia chun lût unla, pilvutah inbihmang ro.

ISAI 2:21

hnuoi hi nasatak taka sukhnîng dinga a tho pha, Lalpa ṭiumnaa inthawk le, a mawina ropuinaa inthawk chun, lungpui pûkahai le râwl lungpui kakahai chun lût an tih.

ISAI 24:1

Ngai ta, Lalpa chun hnuoi hi sukruokin, a sukram ding a na, a letkhupin, a umhai chu a sukdar ding a nih.

ISAI 24:18

Chuongchun, ṭitum ria inthawka tlânhmang chu khura chun tlâng a ta; khur sûnga inthawka hung suok chu chângah âwk a tih; chungtienga tukverhai chu hawngin a um si a; leihnuoi innghatsan chu ân hnîng bawk a nih.

ISAI 24:19

Hnuoi hi a kawi se vawng a, hnuoi hi sukboin a um tah, hnuoi hi nasatakin ân hnîng a.

ISAI 30:32

Ama chu hmawl ruotsaa Lalpain a vuok po leh khuongtêhai le ṭingṭanghai leh vuong a ta; a hmawl inleta inthawnahai chun anni chu thâwng a tih.

ISAI 33:10

Lalpa chun, “Tuhin chu tho ka ta, tuhin chu inthawk ka ta, tuhin chu chawisângin um tâng ka tih.

ISAI 7:19

Chuongchun, hung an ta, an rêngin vadung ruom se rek rukahai, lungpui pûka dâm, hlohlingnei po poa dâm, ran tlatna hmun po poahai fûng an tih.

JEREMIA 16:16

Lalpa chun hieng hin a tih: Ngai ta u, nga man mi tamtak ko suok ka ta, anni chu nga manin man an ta; chu hnunga chun ramsuoktuhai tamtak ko suok ka ta, tlâng tinhaia le, muol tinhaia le, lungpui kuo kârhaia chun anni chu pêl an tih.

JEREMIA 4:29

Khawpui sûng po po chu sakawr chung chuong mihai le, thal kâp mihai ria chun an tlânsie a; chîmbukahai chun an fe a, râwlkhohaia chun an lâwn a; khawpui tinhai chu mâksanin a um a, mi hrim an chêng ta naw a.

JEREMIA 48:28

“Aw Moab hluotuhai, khawpuihai chu mâksan unla, râwlahai chun va chêng ro; pûk bau sîra a bu septu vâṭhu ang chu ni ro.

EZEKIEL 33:27

Hieng hin an kuoma chun hril rawh; Lalpa Pathien chun hieng hin a tih: Ka hring zing angin, chuong hmun se taa umhai chu kâwlhnâmah tlûng an ta, rama umhai chu ramsahai kuomah fâk zo dingin ka pêk ding a nih; chun, kul det le pûka umhai chu hripuiin thîng an tih.

HOSEA 10:8

Israel suolna Aven hmun insânghai khawm chu suksiet nîng a tih, An maichâmahai chun hling le hlohlingnei hung ṭo a tih. Tlâng kuoma chun, “Mîn khum rawh,” tîng an ta; Muol kuoma chun, “Mi del rawh,” tîng an tih.

MIKA 7:17

Rûl angin pilvut liek an ta; hnuoia bawkinvâka fehai angin an umna kuoa inthawk chu inthin pumin hung an ta; Lalpa ei Pathien kuoma chun ṭi pumin hung an tih; nangma leiin an ṭi ding a nih.

NAHUM 3:11

Nang khawm inrui bawk i ta, thuphmangin um i tih; hmêlma leiin kul det zawng bawk i tih.

HAGGAI 2:6

Sipaihai Lalpa chun hieng hin a ti si a: Vawikhat chu, sâwt nawtêah, vânhai le hnuoi le, tuipui le ram ṭâwl chu sukhnîng ka ta;

HAGGAI 2:7

hnam po pohai chu sukhnîng ka ta; hnam tin thil duthusâmhai chu hung tlung a ta, chun, hi in hi ropuinain suksip ka tih, sipaihai Lalpa chun a tih.

LUKA 23:30

Chu pha chun mihaiin tlâng kâwla dâm, ‘Mi del rawh,’ la tîng an ta; muol kâwla dâm, ‘Mîn khum rawh,’ la tîng an tih.

2 THESSALONIKA 1:9

Chuong mihai chun hrem tuor an tih: Lalpa kuoma inthawk le a hrâtna ropuinaa inthawka chatuona bohmangna chu;

HEBRAIHAI 11:38

Chuonghai ta ding chun khawvêl hi umna tlâk a ni nawh. Thlalêra dâm, tlânga dâm, pûka dâm, khura dâm an invâk an invâk hlak a.

HEBRAIHAI 12:26

Chu lai chun a râwl chun hnuoi hi a sukhnîng a, nisienlakhawm, tuhin chu, “Vawi khat chu hnuoi chau ni lovin, vân khawm la sukhnîng ka tih,” tiin a tiem ta lem a.

THUPUONGSUO 11:13

Chun, chu lai tak chun simkhawleihnuoi nasatakin a hung inhnîng a, khuo chu hmun sâwma ṭhea hmun khat a chim ta a, simkhawleihnuoi inhnînga chun mi sâng sari an thi a; a danghai chun an ṭi a, vân Pathien chu an chawimawi ta a.

THUPUONGSUO 11:19

Chun, vâna Pathien biekin chu ân hawng a, chuongchun, biekina chun a thuthlungna bâwm chu a hung inlang ta a; chun kâwlinlep dâm, rawl dâm, vân inrûm dâm, simkhawleihnuoi inhnîng dâm, riel nasatak dâm, a hung um nghâl ta a.

THUPUONGSUO 16:18

Chun, kâwlinlep dâm, rawl dâm, vâninrûm dâm, a hung um ta a, simkhawleihnuoi khawm nasatakin ân hnîng a, hnuoia mihriem uma inthawk chuong ang hrima nasa a la um ngai nawh, simkhawleihnuoi inhnîng chuong ang lâwma nasa le ropui chu.

THUPUONGSUO 20:11

Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.

THUPUONGSUO 9:6

Chuong nia chun mihaiin thina zawng an ta, hmu dêr si naw ni hai; thi inhâwk an ta, nisienlakhawm, thina chun tlân san a tih.

1 SAMUEL 13:6

Chun, Israel mihai chun hnawchêpin an um ti an inhriet chun, (mihai chu an lunginzîng ta hle el a) mihai chu pûka hai, chîmbuka hai, lungpui phêna hai, kula hai, khur sûnga hai an inbi a.

1 SAMUEL 14:11

Chun, an pahni chun Philistin mi râl vêngtu sipaihai hmuna chun an vân suklang a, chun, Philistin mihai chun, “En ta u, Hebrai mihai an inbîkna khursûnga inthawkin an hung suok tah,”an ta.