ISAI 19:5 - Pathien Lekhabu Inthieng (BSI)

⁵ Chun, tuipui tuihai chu kang a ta, vadunghai chu luong hmangin hung kang intan tâng a tih.

ISAI 19:5 ပူးပေါင်းရင်းမြစ်များ

JOB LEKHABU (THE BOOK OF JOB) 14:11

Dîla tuihai a kang hlak ang le, Vadung tui luongral a hung ṭâwl hlak angin;

ISAI 15:6

Nimrim tuihai chu suksietin a um ding a ni si a; hlobet chu a vuoi zo a, hlobet inder thar chu a rawp a, thil hring rêng rêng chu a um ta si naw a.

ISAI 23:11

Tuisuoriet chungah a kut a phar a, ramhai chu a sukhnîng a, Lalpa chun Kanaan ram chungchâng thuah thu a pêk a, a kulbînghai sukse dingin.

ISAI 37:25

Tuisunsuo ka cho a, tui ka dâwn hlak a; ka kepha hnuoi hin Aigupta vadung po po chu sukkang vawng ka tih, i ti a.

ISAI 50:2

Ieng leiin am ka hung khan mi hrim hrim an um naw a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthawtheina hrim hrim ka nei nâwm a nih? Ngai ta u, ka kâwknain tuipui ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thu a, dangchârin an thi hlak.

JEREMIA 51:36

Chuleiin, Lalpa chun hieng hin a ti si a: “Ngai ta u, in thua chun ṭan ka ti cheu a, in ta dingin phuba lapêk ka ti cheu; chun, a tuipui chu sukkang ka ta, a tuikhur khawm chu sukhul ka tih.

EZEKIEL 30:12

Chun, vadungpuihai khawm chu sukkangchat ka ta, ram chu mi rilohai kutah zawr ka tih; mikhuolhai kut hmangin ram le a sûnga umhai po po chu râusanah siem ka tih, kei Lalpa ngeiin ka lo hril tah a nih.

ZEKARIA 10:11

Chun, ama chun sukrinumna tuipui chu fe thleng a ta, tuipui fâwnhai chu vuok hnuoi ning a ta. Nile li inthûkhai po po khawm chu kang intan a tih; chun, Assuria chapona chu sukhnuoi nîng a ta, Aigupta lalhmawl chu fe hmang tâng a tih.

ZEKARIA 14:18

Aigupta hnam khawm chu a hang fe naw a, a hung naw chun, an chungah sûr bik naw ni a, bâwkte ruoiṭhe nei dinga hang fe nawhai hnam Lalpain a hremna hri chu an chungah um a tih.