ISAI 19:19 - Pathien Lekhabu Inthieng (BSI)

¹⁹ Chu nia chun Aigupta ram laia chun Lalpa ta dingin maichâm um a ta, a ramria chun Lalpa ta dingin lungphun um a tih.

ISAI 19:19 ပူးပေါင်းရင်းမြစ်များ

INṬANNA 12:7

Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.

INṬANNA 28:18

Chun, Jakob chu zîngtieng inhmatakin a tho a, lung a ilukham chu a lâk a, lungphun dingin a phun a, a sîpa chun sahriek a buok a.

INPÂKNA HLABU 68:31

Aiguptaa inthawkin mi lienhai hung suok an ta, Ethiopiahai chu an kut Pathien tienga phar dingin inhmâwng an tih.

FESUOKNA 24:4

Mosie chun Lalpa thuhai po po chu a ziek a, zîngkâr inhmatakin a tho a; tlâng hnuoia chun maichâm le lungphun sâwmpahni, Israel hnam sâwmpahni aiawin a phun ta a.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

ISAI 60:7

Kedarhai ran ruol po po chu i kuoma um khâwmin um an ta; Nebaiothhai berâmchalhai chun i rawng bâwl an tih; ka maichâma chun lâwmin hang fêng an ta, ka ropuina in chu chawimawi ka tih.

ISAI 66:23

Chun, hieng hi hung nîng a ta, thla thara inthawka thla thar dang chenin, châwlnia inthawka châwlni dang chenin mi po po ka hmaa chibai mi bûk dingin hung zut zut an tih, Lalpain a tih.

JEREMIA 46:2

Aigupta chungthuah: Juda ram lal Josia naupa Jehoiakim inlal kum li kuma Babulon lal Nebukadnezzarin a rûn, Aigupta lal Pharao-neko sipai Euphrates vadungpui panga Karkemisa umhai chungthu chu:

EZEKIEL 29:1

Kum sâwmna, thla sâwmna, chu thlaa ni sâwmpahni ni chun, Lalpa thu chu ka kuomah a hung tlung a,

EZEKIEL 30:1

Lalpa thu chu ka kuomah a hung tlung nâwk a:

EZEKIEL 31:1

Kum sâwmpakhatna, thla thumna, chu thlaa ni khat ni chun, Lalpa thu chu ka kuomah a hung tlung a,

EZEKIEL 32:1

Kum sâwmpahnina, thla sâwmpahnina, chu thlaa ni khat ni chun, Lalpa thu chu ka kuomah a hung tlung a,

ZEKARIA 6:15

Chun, ram hlataka umhai khawm chu hung an ta, Lalpa biekin chu hung bâwl an ta; chun, sipaihai Lalpa chun in kuomah a mi hung tir a nih ti hre tâng in tih. Hieng thilhai hi la hung tlung ngei a tih, Lalpa in Pathien râwl chu nguntaka in zui phawt chun,” tiin.

HEBRAIHAI 13:10

Eini chun maichâm ei nei a, chutaka chun biekbûk rawngbâwltuhai chun an fâk ding a ni nawh.

JOSUA 22:10

Chun, Kanaan ram Jordan biel an va tlung chun Reuben mihai le Gad mihai le Manasse hnam zâtvehai chun Jordan vadung panga chun maichâm lientak el langsârtak hi an siem a.

JOSUA 22:26

Chuleiin, ‘Hung ta u, maichâm siem ei tiu, pumrawhmang thilinhlânna ding le inthâwina ding ruok chu ni lovin,

JOSUA 22:27

keini le nangni le ei hnunga ei thlahai kâra hrietna ding nîng a ta, chuongchun, kan pumrawhmang thilinhlânhai, kan inthâwina dâm le, kan inremna thilinhlânhai hin Lalpa rawng kan bâwl theina dingin a nih; chuong naw chun in thlahai khawmin nakie tieng kan thlahai kuoma chun LalpaAH chanpuol in nei ve naw ie, hung ti rawi an tih,’ kan ti a nih.

JOSUA 22:28

Chu nawa khawm, nakie pha kan kuoma manih, kan thlahai kuoma manih chuong anga an la hung ti pha leh keinin, ‘En ta unla, kan thlatuhaiin Lalpa maichâm umdân an siem hi pumrawhmang thilinhlânna ding le, inthâwina ding a ni naw a, keini le nangni kâra hrietna a ni lem, kan la tina dingin,’ kan ti a nih.

JOSUA 22:34

Chun, Reuben mihai le Gad mihai chun chu maichâm chu Ed an inbûk a, “Lalpa chu Pathien a lo ni ngei ti ei kâra hin hrietpuitu a ni leiin”, an ta.