ISAI 18:3 - Pathien Lekhabu Inthieng (BSI)

³ Khawvêla um po po le leihnuoi hluohai, tlângahai inchikna an târ suok phaleh en ro; tawtawrâwt an mût pha chun ngai ro.

ISAI 18:3 ပူးပေါင်းရင်းမြစ်များ

INPÂKNA HLABU 50:1

Iengkimthawthei, Pathien ngei, Lalpa chun thu a hril a, Leihnuoi hi nisa suoknaa inthawka a tlâkna chenin a ko ta a.

ISAI 1:2

Aw vânhai, ngai unla, aw leihnuoi, na sit rawh, Lalpa chun thu a hril ie: “Nauhai chu ka châwm puitling a, ka chungah an hel ta si a.

ISAI 11:12

Chun, hnam tin ta dingin inchikna târ suok a ta, Israel hnawt suoka umhai chu ṭhuoi khâwm a ta, Juda indarhai kâwl kil lia inthawkin ṭhuoi khâwm a tih.

ISAI 13:2

Mi lienhai kawtkhârahai chun an lût theina dingin tlâng kawl ruoua chun inchikna târ suok unla, inringtakin anni chu ko unla, kutin hui ro.

ISAI 13:4

Chu! tlânga mipui ri, mipui nasatak ri ang el chu! Chu! hnam tin rama mi um khâwmhai sa mur mur ri chu! Sipaihai Lalpa chun râl thaw dingin sipaihai ân pun tâwl a ni chu.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 31:9

Chun, a lungpui chu thil râpthlâktak leiin bohmang a ta, a mi lienhai chu inchikna leiin lunginzîng tâng an tih,” tiin; Lalpa, a mei Ziona um le, a rawtuina mei Jerusalema um chun a tih.

ISAI 49:22

Lalpa Pathien chun hieng ang hin a tih, “Ngai ta, hnam tin ta dingin ka kut ka pharin, mi tin ta dingin kân chikna târ suok ka tih; chuongchun, i naupasalhai chu apawma pawmin i kuomah hung ṭhuoi ka ta, i naunuhmeihai khawm an liengkoa puta hung ṭhuoiin um an tih.

ISAI 5:26

Hnam tin hlataka mihai ta dingin inchikna târ suok a ta, kâwlkawdawnga inthawka ko dingin faifûk a tih; chuongchun, ngai ta, anni chu inhmâwtakin hung vak an tih.

ISAI 7:18

Chu nia chun Lalpa chu Aigupta vadung tâwp rêta tho um le, Assuria rama khuoi um chu ko dingin faifûk a tih.

JEREMIA 22:29

Aw leihnuoi, leihnuoi, leihnuoi, Lalpa thu chu ngai ta.

JEREMIA 51:27

Rama chun indo puonzâr chu khai unla, hnamhai laia chun tawtawrâwt mût unla, hnamhai chu ama do dingin buotsai ro; ama chunga chun Ararat dâm, Minni dâm, Askenaz lalramhai chu ko khâwm unla, a chunga chun sipai hotu lien inruot unla, sakawrhai chu khâu hawn angin inhungtir ro.

MIKA 1:2

Nangni mipuihai, in rêngin hre unla, aw leihnuoi le a sûnga um po pohai; ngai ro, Lalpa PATHIEN, Lalpa chu a biekin inthienga inthawkin nangni kala in chungthu hretu ni raw se.

MIKA 6:2

Aw tlâng lienhai, Lalpa khingna chu ngai unla, nangni leihnuoi innghatna hlunhai, lo ngai ro; Lalpa chu a mihai leh an inkhing a, Israelhai chu khing a tih.

MIKA 6:9

Lalpa chun khawpui chu a khêkkhum a nih, varna nei mi chun i hming chu ṭîng a tih; “Hembâwk le a buotsaitu chu hre ro.

ZEKARIA 9:14

Lalpa chu anni chunga chun hmu nîng a ta, a thal chu kâwlinlep angin fe suok a tih; chun, Lalpa Pathien chun tawtawrâwt chu mût a ta, simtieng thlivir le chun fêng a tih.

MATTHAI 13:16

“Nangni mit chu a vângnei a nih, a hmu hlak leiin; in na khawm a vângnei a nih, a hriet hlak leiin.

MATTHAI 13:9

Tukhawm na nei chun hre raw se,” a ta.