ISAI 17:13 - Pathien Lekhabu Inthieng (BSI)

¹³ Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

ISAI 17:13 ပူးပေါင်းရင်းမြစ်များ

JOB LEKHABU (THE BOOK OF JOB) 21:18

Thli hmaa pâwl kûng ang el an na, Busi thliin a lên hmang hlak ang chu an nih.

JOB LEKHABU (THE BOOK OF JOB) 38:11

‘Hi chen hi nang hung la, khêl naw la, I tuifâwn chapotakhai chu hi chen hin châwl an tih’ ka ti lai khan?

INPÂKNA HLABU 1:4

Mi rilohai ruok chu chuong ang chu an ni naw a, Busi thliin a lênhmang hlak ang hi an ni lem a.

INPÂKNA HLABU 35:5

Lalpa vântirkoin khal peiin, Busî thli ilên angin um raw se.

INPÂKNA HLABU 65:7

Tuisuoriet inri hum hum, a fâwn inri hum humhai le, Mi tin sa mur mur sukre hlaktu chu i nih.

INPÂKNA HLABU 65:8

Kâwlkawdawnga umhai khawm chun i inhriettirna chu an ṭi hlak a, Zîngtieng le zântieng suoknahai chu hlimin în khêktir hlak a;

INPÂKNA HLABU 9:5

Hnam tin chu i hal a, mi rilohai chu i sukbohmang a, An hming chu kumkhawtluonga dingin i thai hmang ta a.

ISAI 14:25

ka ruot ang tak hin um bawk a tih: ka rama chun Assuria mi chu suksieng ka ta, ka tlângahai chun chîl hrep ka tih, ti ang hin; chu hnunga chun a rîngkawl inbâttir chu annia inthawk chun bo tâng a ta, an rik inphurtir chu anni liengkoa inthawk chun bo bawk tâng a tih.

ISAI 21:15

Kâwlhnâmhaia inthawkin, kâwlhnâm phawisahaia inthawkin le, thalngul kuoisaa inthawk le indona nasataka inthawka tlân hmang an ni si a.

ISAI 22:18

Ama chun matheilovin thil hlûm angin sukvir a ti che a, ram lientakah vawr lût a ti che; chutaka chun thîng i ta, chutaka bawk chun, nang mâni lal insûng sukmuolphotupa, i ropuina tawlailîrhai chu um a tih.

ISAI 27:1

Chu nia chun Lalpa chun a kâwlhnâm ngei ṭhatak, lientak, ringumtak chun leviathan rûlpui hrâttak le leviathan rûlpui kâwi ngul chu hrem a ta, tuipuia dragon um chu that bawk a tih.

ISAI 29:5

Nisienlakhawm, nanga dotu mipuihai chu pilvut inditak angin um an ta, mi ṭiumhai mipuihai chu busi bohmang hlak ang hin um bawk an tih; anih, chu chu mitkhapkâr lovin um thut a tih.

ISAI 30:28

a thuok chu bohmangna leidâra hnam tin rel dingin, vadung rîng chen zet a kuong liem dûl dûl ang a nih; chun, mi tin baua chun ṭhuoi suoltirna kei dingin hrui um a tih.

ISAI 34:17

Ama chun an ta dingin ai a sânpêk a, a kutin hruia inkhiin ram chu a sempêk tâwl a; kumkhuoin nei an ta, suon um sûng po po chun chutaka chun um an tih.

ISAI 40:15

Ngai ta, hnam tin chu bâlṭina tui far khat ang chau an na, bûknaa thil nawi mahla kai ang chaua ngai an nih; ngai ta, ama chun thlierkârhai chu thil chiterek angin a lâk nel nel el hlak a.

ISAI 40:24

Anih, phun an ni naw a, anih, tu an ni nawh; anih, an kûng chun hnuoiah zung a kei nawh; chu nawa khawm, ama chun anni chu a mût a, an vuoi a, thlivirin busi a lâk hmang angin a lâk hmang hlak.

ISAI 41:11

Ngai ta, in chunga lungninaw po pohai chu muolphotak le inzaktakin um an tih; nangni sêltuhai cheu chu iengkhawm ni lo ang nîng an ta, bohmang an tih.

ISAI 8:7

ngai ta, Lalpa chun Vadungpui tui, hrâttakhai le tamtakhai, (Assuria lal le a ropuina po po chu) an chungah inluongtir a tih; chuongchun, a kuong po po chu hung liem dûl dûlin, a pang po poa chun hung liem dûl dûl a tih;

DANIEL 2:35

Chun, thîr dâm, pil dâm, dârsen dâm, tangkaruo dâm le rângkachak dâm chu inang rawngin an innawi ta a; nipui laia hrizâwlhaia busi ang el an hung ni ta a; chun, anni ta ding hrimin hmun hmu a ni ta naw a, thli chun a lên hmang vawng ta a; chun, kha lung milim deltu kha tlâng ropuitak a hung na, khawvêl po po a hluo sip ta a.

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

ZEPHANIA 2:2

thupêk chu lâk suok a ni hma hin, busi anga ni chu a liem el hma hin, in chunga Lalpa lunginsenna ṭiumtak a hung tlung hma ngei hin, in chunga Lalpa lunginsenna a hung tlung ni hma ngei hin.