ISAI 17:11 - Pathien Lekhabu Inthieng (BSI)

¹¹ i phun ni chun în huon vêl hlak a, zîngkâr chun i thil chi chu i sukpâr hlak; nisienlakhawm, a ra lo chu lungngaina le natna nasatak nia chun a bo el hlak.

ISAI 17:11 ပူးပေါင်းရင်းမြစ်များ

JOB LEKHABU (THE BOOK OF JOB) 4:8

Ka lo hmu ta hlak ang chun, rîtlona tûtuhai le, Buoina thêtuhai chun, chu ma chu an sîk hlak.

INPÂKNA HLABU 90:6

Zîngkâr chun a hung innoin a hung inder suok a, Zântieng chun ât thlûkin a um a, a vuoi hlak.

ISAI 17:5

Chuongchun, bu sîktupain bu a lâk a, a vuihai chu kuta a ât bawng ang el hi nîng a tih; anih, Rephaim ruoma mihaiin buvui hmu ṭhel an rût ang el hi nîng a tih.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

HOSEA 8:7

Thli an chîng a, thli sie an sîk ding a ni si a, Kûng ngîr a nei naw a, a zîk khawm chun ra insuo naw ni; Insuo khawm ni sienla, mikhuolhaiin fa zo an tih.

HOSEA 9:16

Ephraim chu vuokin a um a, an zung chu a vuoi zo tah, Ra insuo naw ni hai; Anih, insuo hai sien khawm, an sul ra ditumtak chu That tho tho ka tih.

JOEL 1:17

Chihai chu hnuoitlang hnuoia chun a hmawn a; zênghai chu a sie a, bu inhai chu ṭhiekin a um a, a bu chu a vuoi zo ta si a.

LEVI DÂN 26:20

chun, in tha chu sêng thlâwn mei mei nîng a tih, in ram chun ra insuo naw ni a, rama thinghai khawm chun ra an insuo naw ding a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

DÂN PAHNINA 28:39

Grêp huon siem in ta, enkawl in ta, nisienlakhawm, a uoin chu dâwn naw ti niu a, grêp chu lo bawk naw ti niu, a ngêin a fâk zo ding a nih.